گۈزەل ھايات 10-بۆلۈم64-قىسىم _كۆزىنى ئېچىش

64-قىسىم

كۆزىنى ئېچىش

ئارىدىن نەچچە كۈن ئۆتتى. دېگەندەك زۈبەيدە ساقلاپ ساقلاپ ئاخىرى كۆزى يۇرۇپ ئوماق ئوغۇلدىن بىرنى تۇغدى. مەۋلاننىڭ نەزىرىدە يەنىلا زۈبەيدەگە باققاندا بۇ تۇغۇلغان ئوغلى سەتتەك تۇيۇلدى. چۈنكى ئۇ يېڭى تۇغۇلغان بوۋاقلارنىڭ يۈزلىرىنىڭ قىزىل، سەل كىچىك ھالىتىنى كۆرۈپ باقمىغان. شۇڭا تەسەۋۋۇرىدىكىگە ئوخشىمىغان بۇ بالىسىنى تازا چىرايلىقكەن دېيەلمەي قالدى،

ئوغلىغا قاراۋىرىپ مەۋلاننىڭ قوشۇمىسى يەنە تۈرۈلۈپ،    بىزار بولغاندەك قىلىپ:

 ـ  ھەقىقەتەن قورساقتىكى چاغدىكىگە ئوخشاش  سەتكەن، - دېدى.  

زۇبەيدە، موماي، خاسىيەت  بىر - بىرىگە قارىشىپ نېمە دېيىشىنى بىلەلمىدى.

ئەرلەر نېمىشقا بۇنداق داۋخو كېلىدۇ!

بۇنداق ئەدىپىنى يېگۈدەك گەپتىن بۈگۈن قانچە قېتىم ئاڭلىغانلىقىنى ئۆزىلىرىمۇ ساناپ بېرەلمەيدۇ.

سەتكەن؟

قارا بۇ گەپنى، ئېنىقلا ئۇلارغا ئوخشايدىكەنغۇ؟

گەرچە ئۇلار بىرلا ۋاقىتتا ئۆزىنى ئىنكار قىلغان بولسىمۇ، لېكىن  ھەممىسىنىڭ كۆڭلى يېرىم بولدى.

نېمىلا دېگەن بىلەن ئۆزى  ئون ئايلىق قورساق كۆتۈرۈپ تۇغقان بالىسى، ئۆزىنى تىللىسا بولىدۇ، لېكىن بالىسىنى تىللىسا بولمايدۇ-دە!

خاسىيەت يېنىدا چىشىنى چىشلەپ، كۆزلىرىنى ئالايتىپ مەۋلانغا نارازى بولغان ھالدا چەكچىيىپ:

 ـ  ئۇ سېنىڭ ئوغلۇڭ... سەن...  ئەمدىلا تۇغۇلغان چاغدا تېخىمۇ سەت ئىدىڭ! - دېدى.

دەرۋەقە يېڭىسىنى كۆرۈپ، كونىسىنى تاشلىغانلىققۇ.

نەۋرىسى ئۆز، ئوغلىنى ئەخلەت ساندۇقىدىن تېپىۋالغانمۇ؟

مەۋلان ئۇلارنىڭ كوللېكتىپ قارشى تۇرۇشىغا كۆنۈپ قالغاندەك قىلاتتى،  لەۋلىرىنى  يۇمۇپ، نەزىرىنى قايتىدىن بوۋاقنىڭ يۈزىگە قاراتتى.

رىۋايەتلەردىكى ئاپئاق، سېمىز بالا قېنى؟

بۇ ھەم قىزىل، ھەم قارا، بەش ئەزاسى كىچىككىنە بىر يەرگە قىسىتىلىپ قالغان، نەدىمۇ ئۇنىڭغا ئوخشىسۇن؟

چوڭقۇر نەپەس ئالدى. بولدى، بولدى، ئۆزۈڭنى بېسىۋال دېدى ئىچىدە.

نېمىلا بولسا ئۇنىڭ بالىسى، ھەر قانچە سەت بولسىمۇ بېقىشى كېرەك،  تاشلىۋەتكىلى بولمايدۇ.

قاتتىق ئۇخلاۋاتقان بوۋاق ئۆز دادىسىنىڭ  < يامان نىيىتى> نى سېزىپ قالغان-قالمىغانلىقىنى بىلمىدى، كىچىك قوللىرى ۋە پۇتلىرى توساتتىن يۆگەكتە مىدىرلىدى.

پۈرۈشتۈرۈپ تۇرغان لەۋلىرى تۈز سىزىق بولۇپ قالدى، قارىغاندا كېلەر قېتىم قاتتىق يىغلايدىغاندەك قىلاتتى.

زۇبەيدە سەل ھودۇقۇپ قالدى،  ئىختىيارسىز بىلىكىنى يېنىك سىلكىپ، ئۇنىڭ ئالدىغا كېلىپ سۆيۈپ قويۇپ:

- قوزام، مەن سېنى ياخشى كۆرىمەن، - دېدى.       

بوۋاق ئاغزىنى مىدىرلىتىپ، ئادەتتىن تاشقىرى پەس ئاۋازدا ئىككى قېتىم ئىڭىراپ، بېشىنى سۈركەپ، يەنە تىنچلاندى.

زۇبەيدە مۇلايىملىق كۈلۈمسىرىدى.

ھېچكىم ئۇنىڭ ھازىرقى كەيپىياتىنى چۈشەنمەيتى.

ھامىلىدار بولۇپ ئون ئاي بولغاندا، بالىسىنى ئۆز كۆزى بىلەن كۆرەلىدى، ھازىر يەنە ئادەتتىن تاشقىرى گەپ ئاڭلايدىغاندەك قىلاتتى، خۇشاللىق، بەخت ۋە ھەيرانلىق قاتارلىق نۇرغۇن كەيپىياتلار ئارىلىشىپ، ئاخىرىدا پەقەت تولۇپ تاشقان مۇھەببەت ۋە بەختلا قالدى.

زۇبەيدەنىڭ بىر ئېغىز سۆزى بىلەن بارا-بارا خاتىرجەم بولۇپ تىنچلىنىپ قالغان سەت شاكىچىكنى كۆرۈپ، مەۋلاننىڭ كۆڭلىدە بىر خىل ھەيرانلىق تۇيغۇسى پەيدا بولدى.

بۇ شاكىچىك شۇنچە سەزگۈرمۇ؟

ياكى پەقەت زۇبەيدە بولغاچقىلا مۇشۇنداق قىلىۋاتامدۇ؟

مەۋلان شاكىچىككە ئاشكارا تىكىلىپ قارىدى.

زۇبەيدە بۇ چاغدا جەينىكى بىلەن نوقۇپ:

  ـ  بېرىپ تېلېفونۇمنى ئېلىپ كېلىڭ،  دىلارەگە بالامنى كۆرسىتىپ قوياي ... - دېدى.

مەۋلان لېۋىنى چىڭ يۇمدى، گەرچە زۇبەيدەنىڭ دىلارەنى بۇنچە چوڭ  كۆرۈپ كەتكىنىدىن خۇشال بولمىسىمۇ، لېكىن يەنىلا يان تەرەپتىكى ئىشكاپتىن يانفوننى ئالدى.

زۇبەيدە تېلېفوننى ئېلىپ، دىلارەگە بىۋاسىتە كۆرۈنمە چاستوتىلىق تېلېفون ئۇردى.

 تېلېفون ئۇرۇپ ئىككى سېكۇنت ئۆتمەيلا، تېلېفون ئۇلاندى.

- زۇبەيدە... - دېدى دىلارە.

 زۇبەيدە سەل تۇرۇپ قېلىپ:

- دوستۇم، تېلېفونۇمنى ساقلاپ تۇرمىغانسىز، - دېدى. 

يان تېلېفون ئېكرانىدىن زۇبەيدەنىڭ ئامان-ئېسەن ئىكەنلىكىنى، ئۇنىڭ ئۈستىگە ئۇنىڭ بىلەن چاقچاقلىشىپ ئولتۇرغۇدەك مادارى بارلىقىنى كۆرۈپ، ئاخىرى خاتىرجەم بولدى.

-  سالامەتلىكىڭىز ياخشىمۇ؟ - دەپ سورىدى دىلارە. 

 - ھېچ ئىش يوق. - دېدى زۇبەيدە كۈلۈپ تۇرۇپ، كامېرا سىلكىنىپ، قاراڭ، سىزگە كەلگۈسىدىكى كۈيۈئوغلىڭىزنى كۆرسىتىپ قوياي.  - دېدى.

سىلكىنىپ تۇرغان ئاپپارات تىنچلاندى، يەنە تىكىلىپ قارىغاندا، ئاپپاراتتا كۆزلىرى يۇمۇلغان، تاتلىق ئۇخلاۋاتقاندەك كۆرۈنىدىغان بىر كىچىك چىراي كۆرۈندى.

گەرچە بەش ئەزاسى تولۇق ئېچىلمىغان بولسىمۇ، لېكىن يەنىلا ئېنىق كۆرگىلى بولدى، مەيلى قەيەردىلا بولسۇن مەۋلاننىڭ سايىسىنى كۆرگەندەك بولدى.

ئىليارمۇ ئېڭىشىپ، كۆرۈنمە چاستوتىدا كۆرۈنگەن شاكىچىكنى كۆرۈپ، تۇنجى ئىنكاسىدا قاپىقىنى تۈردى.

دىلارە ئۇنىڭغا يانچە قاراپ قويۇپ:

  ـ  بۇ قانداق چىراي ئىپادىسى؟ - دېدى. 

ئىليار ئۈن-تىنسىز ھالدا نەزىرىنى يىغىپ بەدىنىنى تۈزلىدى، ھېچقانداق ئىپادە يوق ھالدا:

  ـ  قارىماققا بەك سەت كۆرۈنىدىكەن. - دېدى.

دىلارە دەرھال نەزىرىنى يان تېلېفون ئېكرانىغا قارىتىپ:

  ـ    بالا مەۋلانغا بەك ئوخشايدىكەن... - دېدى.

 ـ   ئاڭلاپ قالدىم!   - دېدى زۇبەيدە.  ئاۋازىدىنلا خاپا بولۇپ قالغانلىقى چىقىپ تۇراتتى!

- ئۇ بەك ئاشۇرۇۋەتتى! دىلارە، سىز مېنىڭ ئۆچۈمنى ئېلىپ بېرىشىڭىز كېرەك، خاپا بولدۇم! - دېدى.  

دىلارە ئويلىمايلا بېشىنى لىڭشىتىپ:

  ـ  ماقۇل، ماقۇل، مەن چوقۇم سىز ئۈچۈن ئەدەپلەپ قويىمەن، - دېدى. 

نېمىلا دېگەن بىلەن، ئەمدىلا ئانا بولغان تۇرسا، باشقىلارنىڭ ئۆزىنىڭ بالىسى سەت دېگەن گېپىنى ئاڭلىسا، قانداقمۇ خۇشال بولالايدۇ.

زۇبەيدەنى دېمەيلا قويايلى، ھەر قانداق بىر ئانا بولسىمۇ، چىداپ تۇرالمايدۇ.

ئىليار بۇ قېتىم راستتىنلا خاتا قىلدى.

مەۋلان ياندا تۇرۇپ ئاچچىقىدا تېپىرلاپ:

 ـ  سىلەرنىڭ بالىلىرىڭلارنى بەك چىرايلىق دەپ ئويلاپ قالماڭلار! ۋاقتى كەلگەندە ئۇلارنى سەت دېگەندە، يىغلىماڭلار!  - دېدى . 

ئىليار قوشۇمىسىنى تۈرۈپ:

  ـ  ھەر قانچە سەت بولسىمۇ، سىزنىڭ بالىڭىزدەك سەت بولۇشى مۇمكىن ئەمەس!  بۇ يەردە گىن دېگەن نەرسە بار، سىلەردىن چوڭ ئۈمىد كۈتۈشكە بولمايدۇ، - دېدى.

مەۋلان چىشىنى چىشلىدى، ئەمما زۇبەيدە گەپنى ئۇلاپ:

 ـ  غەلۋە  قىلماڭ، مەۋلان،دىلارەنىڭ بالىسىنى سەت دېسىڭىز بولمايدۇ،  ئىليار باش مۇدىر بىلەن دىلارە، بىرى كېلىشكەن، يەنە بىرى چىرايلىق، تۇغۇلغان بوۋىقى چوقۇم سەت بولمايدۇ. ئوغلىمىز سەت بولسا مەيلى، كەلگۈسىدىكى كېلىنىمىز چىرايلىق بولسىلا، نەۋرىمىزنىڭ قانچىلىك سەت بولۇشىدىن غەم قىلمىساقمۇ بولىدۇ... - دېدى. 

بۇ گەپنى ئاڭلاپ، ئىليار دىلارەنىڭ قولىدىكى يانفوننى بىۋاسىتە تارتىۋېلىپ،  چىرايى تۇتۇلۇپ، ئۇدۇل قاراشقا تاقەت قىلالماي:

 ـ كىم سىلەرنىڭ كېلىنىڭلار ؟  - دېدى.

 زۇبەيدە كۆزلىرىنى چىمچىقلىتىپ:

-  مەن دىلارە بىلەن دېيىشىپ قويدۇم، قىزىڭىز مېنىڭ كېلىنىم بولىدۇ! - دېدى. 

ئىليارنىڭ چىرايى  تېخىمۇ سوۋۇپ:

 ـ  ھېچ ئىش يوقتۇ،  چۈش كۆرۈپسىز، - دېدى. 

زۇبەيدەنىڭ يۈزىمۇ بىراقلا سوۋۇپ، تەلەپپۇزىمۇ تازا ياخشى بولماي:

 ـ  بۇ ئىشتا سىزنىڭ گېپىڭىز ھېساب ئەمەس! مەن دىلارە بىلەن دېيىشىپ قويدۇم، سىزگە گەپ قىلغۇدەك ئورۇن يوق! - دېدى. 

زۇبەيدەنىڭ بۇ گېپى  يېنىدىكى دىلارەنى چۆچۈتۈۋەتتى-دە، دەرھال بېرىپ ئىليارنىڭ قولىنى تۇتۇپ تۇرۇپ:

  ـ  ئۇنداق قىلماڭ... خاپا بولماڭ، زۇبەيدە تېخى يېڭىلا يەڭگىدى، كەيپىيات جەھەتتىن ئانچە  ياخشى كونترول قىلالمايدۇ، - - دېدى. 

ئىليار چوڭقۇر بىر نەپەس ئېلىپ، كۆڭلىدىكى غەزىپىنى بېسىۋېلىپ:

 ـ  قىزىم ئۆمۈر بويى ياتلىق بولمايدۇ!  - دېدى.

زۇبەيدە دەرھال بېشىنى كۆتۈرۈپ:

  ـ  سىز...  ئا!  - دېدى.

بىر ۋارقىراپ دىلارەنى قورقۇتۇۋەتتى:

  ـ  نېمە بولدى؟ !  - دەپ سورىدى.

كامېرا سىلكىنىپ ، زۇبەيدە يەنە بىر قېتىم يانفون كامېراسىنى قۇچىقىدىكى بوۋاققا توغرىلاپ:

 ـ  دىلارە، قاراڭ...  ئوغلۇمنىڭ كۆزى سىزنىڭ ئۆيىڭىزدىكى ئادەمنىڭ ئاچچىقىدا ئېچىلىپ كەتتى!  - دېدى.

دىلارە ئىليارنىڭ ئالدىغا كەلدى، دەرۋەقە ۋىدىيودا بايا كۆزىنى يۇمۇپ ئۇخلاۋاتقان كىچىك بالىنىڭ كۆزىنى ئېچىپ، ئوڭ-سولغا قاراپ، ئاخىرى كىچىك يۈزىنى ئاپپاراتقا قاراتتى.

كىچىك بېشى يەنىلا ناھايىتى كىچىك دائىرىدە مىدىرلىماقتا ئىدى، لېكىن نەزەر دائىرىسى خۇددى بىرەر يېڭىلىقنى بايقىغاندەك، نېمە ئىش قىلىۋاتقانلىقىنى بىلەلمەي، ئاپپاراتقا تىكىلىپ تۇراتتى.

ئىليارمۇ ئۇنىڭغا تىكىلىپ قاراپ تۇراتتى، ئۇنىڭ قەلبىدە غەلىتە كەيپىيات پەيدا بولدى.

ئەگەر نوقۇل ھالدا يېڭى تۇغۇلغان بوۋاق دەپ قارالسا، ھەقىقەتەن بۇ يېڭى ھاياتلىققا قىزىقىپ قالدى.

لېكىن ئۇنىڭ قىزىنىڭ كويىدا بولغانلىقىنى ئويلىغىنىدا، ھەش-پەش دېگۈچە ھېچقانداق ياخشى تەسىرى قالمىدى.

بۇ دۇنيادا تېخى ھېچقانداق بىر ئەر ئىليارنىڭ قىزىغا ماس كەلمەيدۇ.

ئۇنىڭ چىرايى شۇ ھامان سۈرلۈك تۈسكە كىرىپ، ئالدىدىكى بالىنى چەتكە قاقتى.

يان تېلېفون ئاپپاراتىغا بىر ھازا تىكىلىپ قاراپ تۇرغاندىن كېيىن، بوۋاقنىڭ ئېغىزى ياپىلاقلىنىپ، يىغلايدىغاندەك قىلدى.

ئىليار قېشىنى ئېتىپ، يامان نىيەت بىلەن ئۇنىڭ يىغلىشىنى كۈتتى.

 لېكىن، خېلى ئۇزاق ساقلىغاندىن كېيىن، شاكىچىك ئىككى قولى بىلەن پۇتىنى پۇلاڭلىتىپ، ئاپپاراتقا قاراپ ئاغزىنى پۈرۈشتۈرۈپ قويدى، ئويلىمىغان يەردىن خۇشال بولۇپ كۈلۈپ كەتتى.

تۇرقى بەك ئوماق ، بەك تاتلىق ئىدى.

ئىليارمۇ ھەيرانلىقتا گەپ قىلالماي قالدى.

دىلارە ھەيرانلىق بىلەن ئاغزىنى ئېتىۋېلىپ:

 ـ  زۇبەيدە.... بوۋاق كۈلۈۋاتىدۇ... ئۇ...  ئىليارغا قاراپ كۈلۈۋاتامدۇ؟ - دەپ سورىدى.

زۇبەيدە بىر نېمە دېيىشكە ئۈلگۈرەلمىدى، ئەمما ئاپپاراتتا كېيىنكى دەقىقە  يوغان باش پەيدا بولدى.

مەۋلان ئېڭىشىپ ئوغلىنىڭ كۈلۈمسىرەپ تۇرغان چىرايىنى كۆرۈپ، چىرايى بىردىنلا قارىداپ:

- زادى كىمنىڭ  ئۆز داداڭ ئىكەنلىكىنى بىلەمسەن! ؟  - دېدى.

زۇبەيدە تېخىمۇ ھەيران بولۇپ ئاغزىنى يوغان ئېچىپ تۇرۇپ قالدى.

ئەجەبا، ئاچچىق ھەيۋە، تېلېفون ئارقىلىقمۇ تارقىلامدۇ؟

ئۇنىڭ ئوغلى ئىليارغا بەك يۈز بېرىپ كەتتىمۇ؟

ئويلىمىغان يەردىن، ئوغلىنىڭ تۇنجى تەبەسسۇمىنى ئۇنىڭغا ئەمەس، مەۋلانغىمۇ ئەمەس، ئانىسى ۋە مومىسىغىمۇ ئەمەس، بەلكى

ئۇنىڭغا ۋە ئۇنىڭ قىزىغا قوشۇلمىغان ئىليارغا بەردى!

بۇ قانداق گەپ؟ !

بىراق بىردەمدىن كېيىن، زۇبەيدە يېنىك كۈلۈپ قويۇپ:

 ـ  ئىليار باش مۇدىر، قاراڭ، ئوغلۇم تۇغۇلۇشىدىنلا سىزگە ياخشىچاق بولۇشنى بىلىپتۇ! شۇڭا قىزىڭىزنى، ئوغلۇم ئۈچۈن ساقلاپ قويۇڭ... ئۇنىڭ بۇ ھەرىكىتىدىن قارىغاندىمۇ قىزىڭىزغا ياخشى مۇئامىلە قىلىدۇ! - دېدى. 

ئىليار دىمىقىدا كۈلۈپ تۇرۇپ:

  ـ  تېمىدىن پايدىلانماڭ، ھېچنېمىنى بىلمەيدىغان كىچىك بالا تۇرسا،  نېمىنى بىلەتتى؟ ماڭا قاراپ كۈلۈپ قويسا، قىزىمنى بېرەمدىم،  زادى نېمە سىزگە خاتا تۇيغۇ بېرىپ قويدى، مېنى مۇشۇنداق ئاسان گەپ يەيدۇ دەپ قارامسىز؟  - دېدى.

 زۇبەيدە ئۆزىنى تۇتۇۋالالماي كۆزىنى ئالايتىپ قويۇپ:

 ـ  ماقۇل، ماقۇل بولمىسىڭىز مەيلى، 20 نەچچە يىلدىن كېيىن، ئۇ ئىككىسى گۈرۈچنى پىشۇرۇپ بولغاندا، يەنە نېمە دەيسىزكىن قېنى! - دېدى.  

ئىليارنىڭ قاپىقى تۈرۈلۈپ:

-  مەن ئۇلارغا ھېچقانداق ئۇچرىشىش پۇرسىتى بەرمەيمەن. - دېدى. 

زۇبەيدەنىڭ بېشى ئازراق قېيىپ :

 ـ  ئوغلۇمغا قوشۇلمىسىڭىز، قىزىڭىز ھامان بىر كۈنى باشقىلارنىڭ چوشقىدەك سەت بالىسى تەرىپىدىن بوزەك قىلىنىدۇ!  - دېدى.

ئىليارنىڭ قاپىقى قايتىدىن تۈرۈلۈپ، دىلارەنىڭ يانفونىنى چېقىۋەتكىلى تاسلا قالدى.

دىلارە دەرھال تېلېفوننى ئېلىۋېلىپ:

 ـ  بالا تۇغۇپ بولغاندىن كېيىن چوقۇم ياخشى كۈتۈنۈشىڭىز كېرەك، يەنە بالىنىڭ ھالىدىن  خەۋەر ئالمىسىڭىز بولمايدۇ،شۇڭا سىزمۇ  دەرھال ئارام ئېلىڭ، مەن ئەتە سىزنى ئىزدەيمەن. - دېدى . 

زۇبەيدەمۇ ئۆزىنىڭ خاتا گەپ قىلغىنىنى ھېس قىلغاندەك بولدى، ئارقا-ئارقىدىن بېشىنى لىڭشىتىپ:

 ـ  ھە، ماقۇل،  بىلدىم، ئۇنداقتا سىزمۇ نېمىتى؟... ھە سىزمۇ دىققەت قىلىڭ ھە!  - دېدى.

- بىلىمەن.  - دېدى دىلارە.

ئىككىيلەن بىر-بىرى بىلەن خوشلىشىپ، تېلېفوننى قويۇۋەتتى.

دىلارە يان تېلېفوننى بىر چەتكە تاشلىغاندىن كېيىن، چىرايى قارىداپ كەتكەن ئىليارغا قاراپ، قولىنى سوزۇپ ئۇنىڭ يېڭىدىن تارتىپ:

- راستتىنلا خاپا بولدىڭىزمۇ؟   ئەمەلىيەتتە،زۇبەيدەنىڭ ئېيتقانلىرىمۇ توغرا  ... - دېدى.

ئىليارنىڭ كۆزى  دىلارەگە تىكىلدى، قاراشلىرى تولىمۇ سوغۇق ئىدى.

دىلارە كۈلۈپ تۇرۇپ: 

ـ  قىزىمىز ھامان ياتلىق بولىدۇ، ئۇنىڭ ئۈستىگە، مەنمۇ زۇبەيدەنىڭ چوقۇم  مۇنەۋۋەر ئوغۇلنى تەربىيەلەپ چىقىدىغانلىقىغا ئىشىنىمەن، باشقىلارغا سېلىشتۇرغاندا، مەن يەنىلا ئۇنىڭدىن خاتىرجەم بولالايمەن. - دېدى. 

ئىليار قوپال تەلەپپۇزدا:

  ـ  مەن ئۇنى بىر ئۆمۈر باقالايمەن.  - دېدى.

دىلارە قېشىنى ئېتىپ:

  ـ  ۋاقتى كەلگەندە ئۇ ئۆزى مۇھەببەتلىشىشنى ئويلايدۇ. ھامان ئۇنىڭغا تەئەللۇق كەلگۈسى تۇرمۇشى بولىدۇ، ئۇ كۈنى سىزمۇ ئۇنى توسىيالمايسىز، زۇبەيدەنىڭ ئوغلى ئەمەس، بەلكىم باشقا بىرى بولۇشىمۇ مۇمكىن. - دېدى.

ئىليار بىر ئاز سۈكۈتتە تۇرۇپ:

  ـ  قىزىمنى ياخشى كۆرسە، ئۇنى كۈيئوغۇل قىلىۋالساق بولىدۇ، بۇنى ئويلىشىپ باقسام بولىدۇ، - دېدى. 

دىلارە بىردەم ھاڭۋىقىپ تۇرۇپ قېلىپ،   تۇمشۇقلىرىنى ئۇچۇرۇپ، ئامالسىز بېشىنى لىڭشىتىپ:

 ـ  بولىدۇ... - دېدى  .

سىز نېمە دېسىڭىز شۇ بولسۇن.

ھازىر پەقەت مۇنداقلا دەپ قويدۇم، ئۇ كۈنى يېتىپ كەلگەندە، قانداق بولۇشىنى ھېچكىم بىلمەيدۇ.

 ـ  زۇبەيدەنىڭ بالىسى بەك ئوماقكەن...  ئۇلارنىڭمۇ تېزراق بۇ دۇنياغا كېلىشىنى ئويلاۋاتىمەن... - دېدى دىلارە.

كاللىسىدا يەنە زۇبەيدەنىڭ بالىسىنى قۇچاقلاپ تۇرغان قىياپەت بار ئىدى.

ئۇ راستتىنلا ھەۋەس قىلىپ قالدى.