گۈزەل ھايات 10-بۆلۈم52-قىسىم _ مېنى سۆيىمەن دەڭ

  52-قىسىم   

مېنى سۆيىمەن دەڭ

بۇ قېتىم پەرىدەنىڭ لەۋلىرى تىترەپ كەتتى، بېشىنى چايقاپ، كۆزلىرىدىن ئامالسىزلىق ۋە قورقۇنچ چىقىپ:

- سىز زادى قانداق قىلماقچى - دېدى.

ئىلزات ئۇنىڭغا سوغۇق نەزەردە قاراپ:

 -  سىزچۇ،سىز قانداق قىلماقچى پەرىدە، توي قىلىشنىمۇ سىز ۋاسىتە تاللىماي قولغا كەلتۈرگەن، باشتا سىزنىڭ دېگىنىڭىز ھېساب بولغىنى بىلەن، قاچان ئاياغلىشىشتا، سىزنىڭ گېپىڭىز ئۆتمەيدۇ. ئەگەر مەن بىلەن قاتتىق تۇتۇشماقچى بولسىڭىز، قېنى سىناپ بېقىڭ،  زادى قايسىمىز قاتتىق.  - دېدى.

 -  شۇڭا، بۇنچە كۆپ سۆزلەپ زادى نېمە دېمەكچى؟ پەقەت سىز قانغۇچە ئوينىمىسىڭىزلا، مەن مەڭگۈ ئاجرىشىشنى تىلغا ئالالمايمەنمۇ؟ - دېدى پەرىدە.

 -   تىلغا ئالسىڭىز بولىدۇ، مەنمۇ قوشۇلىمەن، پەقەت پەرغانەنى ماڭا قالدۇرۇپ قويسىڭىزلا بولدى.  - دېدى ئىلزات.

 -  سىز مېنىڭ پەرغانەدىن ۋاز كېچەلمەيدىغانلىقىمنى ئېنىق بىلىسىز ، - دېدى پەرىدە.

ئىلزات سۇس كۈلۈپ تۇرۇپ:

  -  كىم بىلىدۇ؟ بەلكىم شىرئەلىنىڭ قولىدىكى   پاي چېكى  پەرغانەدىنمۇ مۇھىم بولۇشى مۇمكىن.  - دېدى.

پەرىدە لېۋىنى قاتتىق چىشلەپ، قىپقىزىل رەڭگىمۇ ئاقىرىپ:

- ئىلزات، نېمىشقا بۇنداق قىلىسىز،    پەرغانە  مېنىڭ قىزىم، سىز  بىلەن ھېچقانداق ئالاقىسى يوق، ئۇنىڭغا بۇنچە ئېسىلىۋېلىشىڭىزنىڭ نېمە  ھاجىتى ، - دېدى .

 -   نەدىمۇ ئۇنداق كۆپ سەۋەب بولسۇن، مەن ياقتۇرساملا بولدى. - دېدى ئىلزات.

ئىلزاتنىڭ بۇ شەرمەندىلەرچە باھانىسى بىلەن پەرىدەنىڭ ئۇنىڭ يۈزىگە قاتتىق بىر شاپىلاق سالغۇسى كەلدى.

 -  بىراق سىز ھامان بىر كۈنى پەرغانەگە زىيانكەشلىك قىلىسىز، ئۆزىڭىزنىڭمۇ شەخسىي تۇرمۇشى بولىدۇ، ھەتتا كېيىن يەنە باشقا ئايال بىلەن توي قىلىسىز،  پەرغانەگە نېمە ئېلىپ كېلەلەيسىز؟ توختىماي يۈز بېرىۋاتقان پىتنە-پاساتلار ئۇنى تېخىمۇ چوڭ بوران - چاپقۇنغا ئۇچراتقاندىن باشقا،  ئۇنى  ئۆگەي ئاتا-ئانىسىنىڭ ئۆيىدە ساغلام ئۆسۈپ يېتىلىشكە دەۋەت قىلامسىز؟  ئىلزات سىز زادى نېمە ئويلاۋاتىسىز؟ بۇ سىزنىڭ پەرغانەنى ياخشى كۆرۈشىڭىزدىكى سەۋەبىڭىزمۇ؟  قوشۇلمايمەن،   پەرغانەنى سىزگە بېرىشكە قوشۇلمايمەن ، - دېدى پەرىدە.

ئىلزات يەنىلا يېنىك كۈلۈپ قويۇپ:

  -  ئىختىيارىڭىز، - دېدى. 

پەرىدەنىڭ مەيدىسى سانجىلىپ ئاغرىپ، نەپەس ئالالماي قالدى.

..

باشقىلار تەرىپىدىن قىسىلىپ تىنىق ئالالماي قالغان تۇيغۇ، ھەقىقەتەن ئازابلىق ئىدى.

ئىلزات ئۇنىڭ پۈتۈنلەي ئامالسىز قالغانلىقىنى كۆرۈپ، كەينىگە ئىككى قەدەم چېكىنىپ، ئۆيدىن چىقىپ كەتمەكچى بولدى.

ئەمما پەرىدە كىيىمگە چىڭ ئېسىلىپ  كۈچەپ تارتىپ كەينىگە ياندۇرۇپ:

 -  سىز زادى مېنى قانداق قىلسۇن دەيسىز؟ قانداق قىلسام مېنى قويۇپ بېرىسىز؟ - دېدى.

   ـ سىزنى قويۇۋېتەمدىم،  -   دېدى ئىلزات سوغۇق تەلەپپۇزدا،  -   نېمىشقا ھەممە گەپنى سىز دەيسىز؟ ئەينى چاغدا مېنى قەستلىگەن چېغىڭىزدا، سىزنى قويۇۋېتىدىغان ياكى قويۇۋەتمەيدىغانلىقىمنى ئويلاپ باقمىغانمىتىڭىز،   - دېدى.

پەرىدە بېشىنى كۆتۈرۈپ ئۇنىڭغا قارىدى،  چىرايى  مۇرەككەپ بولۇپ:

  -  بۇنداق گەپلەرنى  بەك كۆپ ئاڭلىدىم،خاتالاشقانلىقىمنى ئېتىراپ قىلىمەن، لېكىن بىزنىڭ توي تۇرمۇشىمىز  بۇنداق سۆرەلمىلىك قىلىپ كەينىگە سۈرۈلسە بولمايدۇ شۇنداققۇ؟ ماڭا كونكرېت ۋاقىتنى دەپ بېرىڭ، بىز زادى قاچان ھەقىقىي ئاخىرلاشتۇرىمىز؟ -  دېدى.

ئىلزاتنىڭ چىرايى سەۋەبسىزلا تۇتۇلۇپ:

 -   پەرىدە، قېنى دەڭە، بۇ قېتىم زادى نېمە ئۈچۈن ئاجرىشىدىغان ئىشنى تىلغا ئالىدىڭىز؟ - دەپ سورىدى.

پەرىدە بىردەم ھاڭۋىقىپ تۇرۇپ قالدى، ئۇ ئىككىسى شۇنچە ئۇزۇن تاكالىشىپ، تالىشىپ يۈرۈپ نېمە ئۈچۈن يەنە تۇيۇقسىز بۇ گەپ ئوتتۇرىغا چىقىپ قالىدۇ؟

نېمە ئۈچۈن تىلغا ئالدى؟

ئىلزات ئۇنىڭ مۈرىسىنى چىڭ سىقىپ تۇرۇپ:

  -  ئەگەر مەن سىزنىڭ شىركەتكە ئېرىشىشىڭىزگە ياردەم قىلسامچۇ؟ - دېدى .

پەرىدەنىڭ كۆزى تۇيۇقسىز تىترەپ كەتتى.

- شىرئەلىنىڭ قولىدىكى پايمۇ كېرەك بولمايدۇ، مەقسىتىڭىزگە يەتكەندىن كېيىن يەنە ئاجرىشىشنى تىلغا ئالامسىز؟  ياكى بۇ سوئالنى شىرئەلى ئۈچۈن مەندىن ئاجراشماقچىمۇ سىز دەپ سورىشىم كېرەكمۇ؟ - دېدى.

 پەرىدەنىڭ قاپىقى تۈرۈلۈپ كەتتى،  خېلى ئۇزۇنغىچە بېشىنى چايقاپ:

  -  ياق، مەن ئۇنى كەچۈرمەيمەن، ئەگەر ئۇنىڭ قولىدىكى پاي بولمىسا، ئۇنى بىر ئۆمۈر قايتا كۆرگۈم يوق، سىزدىن ئاجراشقان تەقدىردىمۇ، ئۇنىڭ بىلەن قايتا تېپىشىپ قېلىشىم مۇمكىن ئەمەس، مەن ئۇنى ياخشى كۆرمەيمەن،  بۇرۇنلا ئۇنتۇپ كەتكەن، - دېدى.

- ئۇنداقتا سىز ھازىر كىمنى ياخشى كۆرىسىز ؟ - دېدى ئىلزات.

پەرىدە ھاڭۋىقىپ تۇرۇپلا قالدى، جان تالىشىۋاتقاندەك چىچاڭشىپ:

  -  مەن ... مەن... پەرغانەنى ياخشى كۆرىمەن، - دېدى.

ئىلزاتنىڭ ئېغىرلىشىپ كەتكەن تىنىقى توختاپ ، يۈز  مۇسكۇللىرى تارتىشىپ:

 -  پەرغانە؟  بۇ يەردە پەرغانەنىڭ ئىشى يوق، - دېدى ئۆزىنى تۇتۇۋالالماي  غەزەپ بىلەن ۋارقىراپ. پەرىدە قورققىنىدىن كۆزىنى چىڭ يۇمۇۋالدى.

ئىلزات ئاستا چوڭقۇر نەپەس ئېلىپ، كەيپىياتىنى تەڭشەپ:

- شۇنىڭ بىلەن سىزنىڭ ئالدىراپ - تېنەپ مەندىن ئاجراشماقچى بولغانلىقىڭىزنىڭ سەۋەبى نېمە؟ - دەپ سورىدى .

 -   پاي ئۈچۈن، - دېدى پەرىدە.

-  قۇرۇق گەپ قىلماڭ، شىرئەلى پاي چېكىنى قولىدا تۇتۇپ، سىزنى ئوتتۇرىدا ئېسىلىپ قويغىلى بىر-ئىككى كۈن بولمىدى، ئىلگىرى سىزنىڭ بۇنى دەپ ئاجرىشىمەن دېگىنىڭىز ئاڭلاپ باقمىغان  ، - دېدى ئىلزات  ئاچچىقى كېلىپ، يەنە بىر قېتىم ۋارقىرىدى، پەرىدە پۈتۈن يۈزىنىڭ ئۇيۇشۇپ قالغانلىقىنى ھېس قىلدى.

ئۇ جاۋاب بېرىشكە ئۈلگۈرمەيلا، ئىلزات يەنە :

  -  گەپ قىلىڭا، - دەپ ۋارقىرىدى.

ئارقا-ئارقىدىن ۋارقىراش پەرىدەنىڭ قۇلىقىنى ئاغرىتىۋەتتى.

 -  سىزنىڭ سىرتتا ئەركىن-ئازادە يۈرگەنلىكىڭىزدىن بولمامدۇ، سىرتلاردا قالايمىقان ئىش قىلىپ پەرغانەنى پىتنە - پاساتلارغا تارتىپ كىرمىگەن بولسىڭىز، مېنىڭ ئاجرىشىشنى تىلغا ئېلىشىمنىڭ  ھاجىتى يوقتى، سىز بىزنى قايسى ئورۇنغا  قويدىڭىز؟  باشقا ئاياللار بىلەن ئويناۋاتقاندا، خوتۇنىڭىز بارلىقىنى ئويلاپ باقتىڭىزمۇ ؟ - دېدى ئاچچىقىدا.

پەرىدەنىڭ ياۋاش، ئوڭلۇق مىجەزىدە بۇنداق قاتتىق ئاچچىقلاپ كېتىشى ئىلزاتنى بىر پەس ھاڭ-تاڭ قالدۇردى .

- سىز تېخى ئۆزىڭىزنىڭ مېنىڭ خوتۇنۇم ئىكەنلىكىڭىزنى بىلەمسىز؟ - دېدى ئىلزات.

-  مېنىڭ بىلگىنىمنىڭ نېمىگە پايدىسى بار؟  بىلسەم ئوينىغىلى بارمامتىڭىز؟ - دېدى پەرىدە.

 -  ئەگەر سىزدە خوتۇن بولۇشقا تېگىشلىك قىياپەت بولسا، مېنىڭ سىرتقا چىقىپ ئويناش پۇرسىتىم بولاتتىمۇ؟ - دېدى ئىلزات.

پەرىدە  ئاچچىقلاپ كۈلۈپ كېتىپ:

 -   بۇ گەپلىرىڭىز چاكىنا بىلىنمىدىمۇ؟  ئۆزىڭىز چىقىپ ئاياللار بىلەن ئويناپ، مەسئۇلىيەتنى خوتۇنىڭىزغا ئارتىپ قويامسىز، - دېدى.

ئىلزاتنىڭ چىرايى قارىداپ، ئۇنىڭغا بىر ھازا تىكىلىپ قارىغاندىن كېيىن، بىردىنلا پەسكويغا چۈشۈپ، ئۇنىڭغا ئىككى قەدەم يېقىنلىشىپ، يېقىن ئارىلىقتىن قاراپ:

 -  شۇڭا  ئاجراشماقچى بولۇشىڭىز شىرئەلى ئۈچۈن ئەمەس، مېنىڭ  سەۋەبىمدىنمۇ؟ - دەپ سورىدى.

پەرىدە ئاغزىنى ئېچىپ تۇرۇپ قېلىپ:

  -  نېمە سىزنىڭ سەۋەبىڭىزدىن؟ - دېدى

ئىلزات كۆزىنى قىسىپ تۇرۇپ:

  -  چۈنكى مەن سىرتتىن بىر ئايال تېپىۋالدىم، شۇڭا كۈندەشلىك قىلىپ چىدىيالمىدىڭىز، كۆڭلىڭىز يېرىم بولدى، شۇڭا ئاجراشماقچى بولدىڭىز، - دېدى .

ئىلزاتنىڭ   ئۇنىڭدىن بۇنداق بىۋاسىتە سورايدىغانلىقىنى ئويلاپمۇ باقمىغان ئىدى،  بۇ گەپتىن يۈزلىرى قىزىرىپ:

 -  كىم كۈنلەپتۇ.  چۈنكى ...  قىلغان ئىشىڭىز پەرغانەگە تەسىر كۆرسەتتى... - دېدى.

 -  پەقەت پەرغانەگىلىمۇ؟ - دېدى  ئىلزات قوشۇمىسىنى تۈرۈپ.

- مەن، - دېدى پەرىدە.

-  پەرىدە، -   دېدى ئىلزات ئۇنىڭ گېپىنى بۆلۈپ، -   ئەڭ ياخشىسى ئويلىنىپ بولۇپ ئاندىن دەڭ، - دېدى. 

پەرىدە بىردەم جىمىپ قالغاندىن كېيىن، بېشىنى كۆتۈرۈپ ئۇنىڭغا قاراپ:

  -  مېنى نېمە دېسۇن دەيسىز؟ -  دېدى.

 -   ھەقىقىي تەسىراتىڭىزنى سۆزلەپ بېرىڭ، - دېدى ئىلزات.

پەرىدە لېۋىنى چىڭ يۇمۇپ، قايتۇرما سوئال شەكلىدە :

 -  سىز ماڭا شۇنچىلىك ئۆچمۇ؟ - دەپ سورىدى.

ئىلزات قوشۇمىسىنى تۈرۈپ:

  -  مەن سىزدىن سوئال سوراۋاتىمەن. - دېدى. 

 -  ئەگەر مەن سىزنى ياخشى كۆرىمەن دېسەم،  خۇشال بولامسىز؟ - دېدى پەرىدە.

ئىلزاتنىڭ كۆزلىرى تۇيۇقسىز تارىيىپ:

 -  باشقىلارنىڭ ياخشى كۆرۈشى ئەلۋەتتە ياخشى ئىش.  - دېدى.

 -  پەقەت ياخشى كۆرسىلا بولامدۇ؟ - دېدى پەرىدە.

ئىلزات قوشۇمىسىنى تۈردى.

ئەمما پەرىدە يەنە سۆزىنى داۋاملاشتۇرۇپ:

  -  ئەگەر مەن سىزنى ياخشى كۆرۈپلا توختاپ قالمىسامچۇ؟ - دېدى.

ئۇنىڭ مۈرىسىنى چىڭ تۇتۇپ تۇرغان قول بىردىنلا بوشاپ كەتتى.

پەرىدەنىڭ بۇ گەپلەرنى قىلىشتا زادى قانچىلىك غەيرەتكە كەلگەنلىكىنى بىر ئۆزى بىلىدۇ، ئەگەر بۈگۈن ئىككىيلەن كەيپىياتىنى كونترول قىلالماي، يەنە ئىلزات بىر قەدەم-بىر قەدەمدىن يېتەكچىلىك قىلمىغان بولسا، ئۇ بەلكىم بۇ گەپلەرنى بىر ئۆمۈر دېمىگەن بولاتتى.

ئىشقىلىپ ئىچىدىكى گەپنى دەپ بولدى، ئەگەر ئىلزات بىزار بولسا، ئاجرىشىپ كەتسىلا بولىدۇ.

لېكىن ئۇ روھىي جەھەتتىن تەييارلىق كۆرۈپ قويغان بولسىمۇ،  ئۇنىڭ ئىنكاسىنى ھېس قىلغان چاغدا، كۆڭلى يەنىلا يېرىم بولدى، ياق قاتتىق ئۈمىدسىزلەندى.

ئۇ بۇرۇنلا بىلەتتى.

ئۇ ئۆزىنى بەك ئېنىق ئىپادىلىمەسلىككە قايىل قىلىپ، يالغاندىن  پەرۋاسىز كۈلۈپ قويۇپ:

 -  ئەنسىرىمەڭ، مەنمۇ مۇنداقلا دەپ قويدۇم، - دېدى.

-پەقەت ياخشى كۆرۈشلا ئەمەس، شۇڭا مېنى سۆيىمەن دېمەكچىمۇ؟ - دەپ سورىدى ئىلزات ئۇنىڭغا ئېغىر-بېسىقلىق بىلەن قاراپ.

پەرىدە گەپ قىلمىدى.

 -   ئىشەنمەيمەن. - دېدى ئىلزات يەنە .

- ئىشەنمىسىڭىز بوپتۇ، -   دېدى پەرىدە چوڭقۇر ئۇھسىنىپ. 

ئۇ قولىنى سوزۇپ ئىلزاتنىڭ قولىنى ئىتتىرۋېتىپ، يەنىلا بۈگۈنكى ئايىقى چىقماس تالاش-تارتىشنى توختىتىشنى ئويلىدى.

نەتىجىدە تۇيۇقسىز قۇچاقلىنىپ كارىۋاتقا تاشلاندى.

 بېشى قېيىپ كۆزى تورلاشتى.

 ئىلزات ئۇنى بېسىۋېلىپ:

 -  بۇ قېتىم  ئەزمىلىك قىلىپ، كۆز بويامچىلىق بىلەن ئۆتكەلدىن ئۆتىمەن دېمەڭ، مېنى ياخشى كۆرىدىغان-كۆرمەيدىغانلىقىڭىزنى ئېنىق ئېيتىڭ ، - دېدى.

 پەرىدە ناھايىتى تەستە ئېسىنى يىغىپ:

  -  دېسەممۇ ئىشەنمەيسىز؟ - دېدى.

 -  ئۇنداقتا مەن ئىشەنگۈچە دەڭ، - دېدى ئىلزات.

 -   بولىدۇ، ئەمىسە نېمىشقا ئىشەنمەيدىغانلىقىڭىزنى دەپ بېرىڭ؟  -   دېدى پەرىدە كەينىگە بۇرۇلۇپ.

 -  مەن بىر توپ ئاياللارنى ئېلىپ ئاكامنىڭ ئۆيىگە بارسام، يەڭگەم ھەممىنى ماڭا ئارتىپ قويسا،پەرۋامۇ قىلمىدىڭىز. مەن باشقىلار بىلەن ئاياللارنى تالىشىپ ئۇرۇشۇپ كەتسەم،  ساقچىخانىدىن ئېلىپ چىقىشقىلا مەسئۇل بولدىڭىز، نېمە ئىش يۈز بەرگەنلىكى بىلەن كارىڭىز بولمىدى، تۈنۈگۈن ئۇ ئايال بىلەن بولغان ئۆسەك سۆزلەر ھەممە يەرنى قاپلىدى، سىز بۈگۈن ئۇ ئايالنىڭ ئىشىنى تىلغا ئېلىپمۇ قويمىدىڭىز...

سىز  مېنى مۇشۇنداق ياخشى كۆرەمسىز؟ مەن باشقا ئاياللار بىلەن بىللە بولسام، بىرەر قېتىم كارىڭىز بولۇپ، كۆڭۈل بۆلۈپ باقتىڭىزمۇ؟ - دېدى ئىلزات.

پەرىدەنىڭ كۆزلىرى چاقناپ:

-   كارىم بولدى دەپ ياقىڭىزغا ئېسىلىپ، يىغلاپ قاقشاپ، يۈز - كۆزىڭىزنى تاتىلىسام بولامتى؟  مېنىڭ سىز بىلەن سوقۇشقۇدەك نېمە سالاھىيىتىم بار؟ سىزنىڭ ماڭا ئۆچ بولغىنىڭىزغا بىر-ئىككى كۈن بولمىدى،  مەسخىرە قىلماقچى بولسىڭىز قىلىۋېرىڭ،  كۈندەشلىك قىلغانلىقىم ئېيتسام ئويۇنۇمنى كۆرۈپ ئولتۇرارسىز، - دېدى.

ئىلزاتنىڭ قوشۇمىسى تېخىمۇ چىڭ تۈرۈلۈپ:

 -  يەنە بىر قېتىم  سوراي، مېنى ياخشى كۆرەمسىز؟ -  دېدى

 -  مەندەك ھىيلىگەر ئايال بىرەرسىنى ياخشى كۆرەلمەيمەن، يەنە تېخى بىر بالام بار، سىزنى ياخشى كۆرۈشكە لايىق ئەمەسمەن، - دېدى پەرىدە. 

ئىلزات تۇيۇقسىز قولىنى ئۇنىڭ بوينىغا ئۇزاتتى.