ۋىلايىتىمىز جىددىي ماددىي ئەشيا توپلاپ، يەر تەۋرەش ئاپىتى يۈز بەرگەن رايونغا ياردەم بەردى
سۈرەتتە: 1 - ئاينىڭ 8 - كۈنى كەچتە، پىدائىيلار ئاپەتتىن قۇتقۇزۇش ماددىي ئەشيالىرىنى تۈرگە ئايرىپ ئاپتوموبىلغا قاچىلىماقتا. ۋىلايـەتلىك يۇغۇرما تاراتقۇ مۇخبىرى ئابلىكىم فوتوسى
ۋىلايەتلىك يۇغۇرما تاراتقۇ خـەۋىرى (مۇخبىر ئابلىكىم) بىر تەرەپ قىيىنچىلىققا ئۇچرىسا، ھەممە تەرەپ ياردەم بېرىدۇ. شىزاڭ رېكازې شەھىرىنىڭ دىڭرى ناھىيەسىدە 6.8 بال يەر تەۋرىگەندىن كېيىن، ۋىلايىتىمىزنىڭ ھەرقايسى ناھىيە (شەھەر)لىرىدىكى تارماقلار تېزلىكتە ھەرىكەتكە كېلىپ، يېمەكلىك، پاختىلىق چېدىر، يوتقان - كۆرپە قاتارلىق تۈرلۈك جىددىي ئېھتىياجلىق ماددىي ئەشيالارنى پائال توپلاپ، 1 - ئاينىڭ 9 - كۈنى چۈشتىن بۇرۇن يەر تەۋرەش ئاپىتى يۈز بەرگەن رايونغا جىددىي ئەۋەتتى.
