قۇملۇقنىڭ گىرۋىكىنى يېشىللىق بىلەن قاشالاش داۋاملاشماقتا
ۋىلايەتلىك يۇغۇرما تاراتقۇ مۇخبىرى ئابلىكىم
سۈرەتتە: 1 - ئاينىڭ 7 - كۈنى، جۇڭگو گۇاڭخې گۇرۇھى چەكلىك مەسئۇلىيەت شىركىتىنىڭ شىنجاڭ لوپ ناھىيەسىدىكى 500 مىڭ كىلوۋاتلىق فوتوۋولت ئارقىلىق قۇم تىزگىنلەش بويىچە ئۈلگە كۆرسىتىش تۈرىنىڭ قۇرۇلۇش مەيدانىدا قۇرۇلۇش خادىملىرى فوتوۋولت تاختىلىرىنى قۇراشتۇرماقتا. ۋىلايەتلىك يۇغۇرما تاراتقۇ مۇخبىرى ئابلىكىم فوتوسى
قىشتا، قۇملۇق، چۆللۈكتە قاتتىق سوغۇق بولىدۇ، جۇڭگو گۇاڭخې گۇرۇھى چەكلىك مەسئۇلىيەت شىركىتىنىڭ شىنجاڭ لوپ ناھىيەسىدىكى 500 مىڭ كىلوۋاتلىق فوتوۋولت ئارقىلىق قۇم تىزگىنلەش بويىچە ئۈلگە كۆرسىتىش تۈرىنىڭ قـۇرۇلـۇش مەيدانى قاينام - تاشقىنلىققا چۆمگەنىدى. قۇرۇلۇش ئىشچىلىرى سوغۇق ھاۋاغا قارىماي، ۋاقىتنى چىڭ تۇتۇپ قۇرۇلۇش قىلىپ، سۈرئەتنى تېزلىتىپ، فوتوۋولت تاختىسى قۇراشتۇرۇش خىزمىتىنى تېز ئىلگىرى سۈرۈپ، تۈرنىڭ ئۆز قەرەلىدە پۈتۈپ تورلاشتۇرۇلۇپ توك تارقىتىلىشىغا ھەقىقىي كاپالەتلىك قىلدى.
