ཁུ་བྱུག ཕ་ཡུལ་མདོ་སྨད་རྔ་བ་ནས་ཡིན། ཀྲུང་དབྱངས་མི་རིགས་སློབ་ཆེན་གྱི་དགེ་རྒན་ཆེན་མོ། ཞིབ་འཇུག་སློབ་མའི་དགེ་རྒན། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་རིག་གཞུང་ཚོགས་པའི་ཚོགས་མི། ཀྲུང་གོའི་སྤྱི་ཚོགས་ཚན་རིག་ཁང་གི་ཆེད་བསྐོས་གདན་ཞུས་དགེ་རྒན་ཆེན་མོ་དང་། ཀྲུང་དབྱངས་མི་རིགས་ཀུན་ཁྱབ་རླུང་འཕྲིན་ལས་ཁུངས་ཀྱི་ཆེད་བསྐོས་གདན་ཞུས་བློ་འདྲི་ས། པེ་ཅིན་མི་རིགས་དཔེ་སྐྲུན་ཁང་གི་ཆེད་བསྐོས་གདན་ཞུས་རྩོམ་སྒྲིག་པ་སོགས་ཡིན། ཞིབ་འཇུག་གི་ཁ་ཕྱོགས་གཙོ་བོ་ནི་བོད་ཀྱི་སྐད་ཡིག་རྩོམ་རིག་དང་ཆོས་ལུགས་རིག་གནས་ཡིན།
ནང་དོན་གནད་བསྡུས། རྩོམ་འདིར་གྲྭ་ཐང་གཙུག་ལག་ཁང་ལ་བོད་ཀྱི་བི་ཀྲ་མ་ཤཱི་ལའི་གཙུག་ལག་ཁང་དུ་གྲགས་པའི་ཁུངས་དང་། ཞ་ལུ་ལོ་ཆེན་ཉིད་གྲྭ་ཐང་གཙུག་ལག་ཁང་གི་གདན་སའི་མཁན་པོར་ཕེབས་ནས་བཀའ་མདོ་རྒྱུད་ཀྱི་ཆོས་སྐོར་བསྒྱུར་རྩོམ་མཛད་ཚུལ། དེ་ནས་རིམ་པར་ཞ་ལུ་ལོ་ཆེན་གྱི་སློབ་རྒྱུད་ཀྱིས་གྲྭ་ཐང་གཙུག་ལག་ཁང་གི་གདན་ས་མཛད་དེ་གང་དེར་ཆོས་གཞུང་བསྒྱུར་བ་དང་ཕྱག་རྩོམ་མཛད་ཚུལ་བཅས་པར་བཀའ་བསྟན་གྱི་འགྱུར་བྱང་དང་ཞ་ལུ་ལོ་ཆེན་གྱི་རྣམ་ཐར། ཆོས་འབྱུང་དང་དེབ་ཐེར་སོགས་དཔྱད་གཞིའི་ཡིག་ཆ་ཁུངས་བཙན་དག་ཕན་ཚུན་དཔྱད་བསྡུར་བགྱིས་ཏེ། གྲྭ་ཐང་གཙུག་ལག་ཁང་དང་ཞ་ལུ་ལོ་ཆེན་གཙོས་པའི་སློབ་རྒྱུད་བར་གྱི་འབྲེལ་བའི་སྐོར་རགས་ཙམ་གླེངས་ཡོད།
བརྡ་ཆད་གཙོ་བོ། གྲྭ་ཐང་དགོན་པ། ཞ་ལུ་ལོ་ཆེན། སློབ་རྒྱུད་འབྲེལ་བ།
摘要：文章以相关历史文献为主要依据，通过考察《夏鲁大译师传》、藏文《大藏经》《印度佛教史》等书籍，分析了扎唐寺号称西藏的毗讫罗摩尸罗的由来，阐述夏鲁译师担任扎唐寺堪布以及夏鲁师徒在该寺的传法和翻译、著述情况，并就扎唐寺与夏鲁译师师徒之关系进行探讨。
关键词：扎唐寺；夏鲁译师；师徒关系
རྩོམ་ཁུངས།《ཀྲུང་གོའི་བོད་རིག་པ།》2020ལོའི་དེབ་བཞི་པ།
