གཟའ་རེའི་གསུང་རབ་འོས་སྦྱོར།༣༨
每周经典推荐第三十八期
《 བསེ་ཚང་བློ་བཟང་དཔལ་ལྡན་གྱི་གསུང་འབུམ》
《赛仓·罗桑华丹文集》
ཐེངས་འདིར་ཀུན་ལ་འོས་སྦྱོར་བྱ་བ་ནི་བསེ་ཚང་བློ་བཟང་དཔལ་ལྡན་མཆོག་གི་གསུང་རྩོམ་ཕྱོགས་བསྒྲིགས་ཡིན།གསུང་འབུམ་འདི་ཉིད་2010ལོའི་ཟླ་8པར་མི་རིགས་དཔེ་སྐྲུན་ཁང་ནས་པར་དུ་བསྐྲུན་པ་དང་ཁྱོན་པོད་དགུ་བཞུགས། རང་སློབ་གླིང་གི་བཀའ་བསྟན་དཔེ་གཟིགས་ཁང་གི་དཔེ་སྒྲོམ་གཉིས་པའི་ཚན་པ་༼ཛ༽རུ་ཉར་ཡོད།
每周经典推荐第三十八期：《赛仓·罗桑华丹文集》
作者：赛仓·罗桑华丹
出版社：民族出版社
ISBN：9787105110872
馆藏地点:藏经阁2号书架
དང་པོ། བསྟན་བཅོས་ཀྱི་གཞུང་དོན་ངོ་སྤྲོད།
གསུང་འབུམ་འདི་ཉིད་ཁྱོན་པོད་དགུས་གྲུབ། པོད་དང་པོར《ཚངས་སྲས་བཞད་པའི་སྒྲ་དབྱངས》བསྒྲིགས།འདི་ནི་རྩ་བ་མེ་ལོང་མ་ཞིབ་འགྲེལ་གཞིར་བྱས་ཀྱིས་རྒྱལ་དབང་ལྔ་བ་དང་བོད་མཁས་ཀྱི་སྙན་འགྲེལ་ཁྲིད་རྒྱུན་གཞུང་གཅིག་ཏུ་བསྲེས་པའི་སྙན་འགྲེལ་རྒྱས་ཤོས་ཀྱི་བསྟན་བཅོས་ཤིག་ཡིན།དེ་ལ་ཀན་སུའུ་ཞིང་ཆེན་སྤྱི་ཚོགས་ཚན་རིག་གི་མཚར་དགའ་དང་ཞིང་ཆེན་སློབ་གྲྭ་ཆེན་མོའི་ཁྱད་འཕགས་བསླབ་དེབ་ཀྱི་བྱ་དགའ་ཐོབ།
པོད་གཉིས་པར་《སྐྱབས་རྗེ་ཨ་རོལ་རིན་པོ་ཆེའི་རྣམ་ཐར》བསྒྲིགས།འདིར་ཁོང་གི་བླ་མ་སྐྱབས་རྗེ་ཨ་རོལ་རིན་པོ་ཆེ་རྗེ་བཙུན་བློ་བཟང་ལུང་རྟོགས་བསྟན་པའི་རྒྱལ་མཚན་དཔལ་བཟང་བོས་འདུལ་བྱ་རིས་སུ་མ་བཅད་པར་རྗེས་སུ་བཟུང་ནས།ཐོས་བསམ་སྒོམ་གསུམ་གྱིས་གཙོས་པའི་སངས་རྒྱས་ཀྱི་བསྟན་པ་རིན་པོ་ཆེ་ལ་ཇི་ལྟར་ཞབས་ཞུ་མཛད་པའི་ཚུལ་ལས་བརྩམས་པའི་རྣམ་པར་ཐོས་པ་རྒྱས་པར་གསུངས། འདི་བསྟན་པ་ཡང་དར་སྐབས་ལ་བརྩམས་པའི་རྣམ་ཐར་ཆེ་མཆོག་ཅིག་ལགས།
པོད་གསུམ་པར་《དགེ་ལྡན་གྲུབ་མཐའ་འཇམ་མགོན་བསྟན་པའི་མཛེས་རྒྱན》བསྒྲིགས།གཞུང་འདི་རི་བོ་དགེ་ལྡན་པའི་ལྟ་སྤྱོད་སྒོམ་གསུམ་གྱི་གྲུབ་མཐའི་རྣམ་གཞག་ཁ་གསལ་དོན་དྲིལ་དུ་བསྟན།དེ་ཡང་གོང་ས་པཎ་ཆེན་ཐམས་ཅད་མཁྱེན་པའི་ཐུགས་བཀོད་ལྟར་ཀྲུང་གོའི་བོད་བརྒྱུད་ནང་བསྟན་མཐོ་རིམ་སློབ་གླིང་གི་བསླབ་དེབ་ལ་རྩོམ་གནང་མཛད།
པོད་བཞི་བར་《ཁྱད་པར་འཕགས་བསྟོད་ཀྱི་འགྲེལ་བ་ཐུབ་དབང་དགྱེས་པའི་མཆོད་སྤྲིན》བསྒྲིགས།འདི་བོད་ལ་འགྱུར་སྔ་ཡང་བོད་ཀྱི་རང་འགྲེལ་སྔོན་ཆད་བྱུང་མེད་པས།གཞུང་འདི་བོད་འགྲེལ་གྱི་སྟོང་ཆ་སྐོང་བའི་བསྟན་བཅོས་ཐོག་མ་ལགས།
པོད་ལྔ་བར་《དམ་ཆོས་འདུལ་བའི་ཟིན་བྲིས་ཐུབ་བསྟན་ལྷུན་པོའི་མཛེས་རྒྱན》བསྒྲིགས།གཞུང་འདི་ནི་རྗེ་ཉིད་ཀྱིས་ཀྲུང་གོའི་བོད་བརྒྱུད་ནང་བསྟན་མཐོ་རིམ་སློབ་གླིང་དུ་རྒྱལ་དབང་ལྔ་བ་ཆེན་པོས་མཛད་པའི་ཡན་ལག་བརྒྱད་པའི་ཆོ་གའི་ལག་ལེན་གྱི་སྙིང་བོ་བསྡུས་པ་གསལ་བྱེད་ནོར་བུའི་ཕྲེང་བ་དང་སོ་ཐར་གྱི་ཚུལ་ཁྲིམས་ལ་དགའ་བའི་དཔྱོད་ལྡན་གྱི་ཚོགས་ལ་ཕན་བྱེད་ཉུང་ངུ་རྣམ་གསལ་སྒྲོན་མ་གཉིས་དམ་ཆོས་འདུལ་བའི་བསླབ་གཞིར་བཟུང་སྟེ་དཔེ་ཁྲིད་གནང་བའི་སྒྲ་ཕབ་འབྲུར་བཤུས་པ་སླར་ཡང་ཁོང་གིས་གཟིགས་ཏེ་གནད་འདྲིལ་སྙིང་བསྡུས་སུ་བཅོས་པ་དེ་ལྟར་བསྒྲིགས།གཞུང་འདིར་སོ་ཐར་གྱི་སྡོམ་པའི་རྣམ་གཞག་གནད་བསྡུས་གོ་སླར་གསུང་ཡོད།
པོད་དྲུག་པར་《གསུང་རྩོམ་ཐོར་བུའི་སྐོར》བསྒྲིགས།གཞུང་འདི་བརྗོད་བྱ་དང་རྗོད་བྱེད་རྣམ་གྲངས་སྣ་ཚོགས་ཀྱིས་གྲུབ་ཅིང་།སྤྱིའི་ཆ་ནས་རིགས་བཅུ་གཅིག་ཏུ་བཀར་ཏེ་ཆེ་བ་ལམ་རིམ་ནས་ཆུང་བ་འཕྲིན་ཡིག་བར་ཕལ་ཆེར་དུས་ཀྱི་སྔ་ཕྱིའི་གོ་རིམ་ལྟར་བསྒྲིགས་ཡོད།
པོད་བདུན་པ་ནས་དགུ་བའི་བར་ནི།ཕལ་ཆེར་ཐོར་བུའི་རིགས་ཅན་ཕྱོགས་གཅིག་ཏུ་བསྒྲིགས་པ་ཡིན་ལ།སྒྲིག་རིམ་ཐད་དུས་ཚོད་སྔ་ཕྱིའི་གོ་རིམ་གཞིར་བྱས་ཀྱིས་རིགས་དབྱེ་བཀར་ནས།གཞུང་ཁོག་ཆེན་པོ་རྣམས་དམིགས་བསལ་གྱིས་སྔོན་ལ་བཀོད་ཅིང་འབྲིང་བོ་དང་ཐོར་བུ་རྣམས་རིམ་པས་རྗེས་སུ་བསྒྲིགས་ཡོད།
རྗེ་འདིའི་གསུང་རྩོམ་ལ་བརྗོད་བྱ་རྒྱ་ཆེ་ཞིང་ཁྱབ་ཁོངས་ཤིན་ཏུ་ནས་ཀྱང་ཡངས་པས་བོད་ཀྱི་རིག་གནས་ཡོད་ཚད་ཀྱི་ཉིང་བཅུད་གོང་བུ་གཅིག་ཏུ་བསྡུས་པ་ལྟ་བུ་དང་རྗོད་བྱེད་ཀྱི་ཆ་ནས་བཅད་ལྷུག་སྤེལ་མ་ཅི་རིགས་ཀྱི་སྒོ་ནས་ཚིག་གསལ་དོན་དྲིལ་ཀློག་བདེ་སོགས་ཀྱི་ཡོན་ཏན་དུ་མས་ཕྱུག་པས།བློ་ཁ་མཐོ་དམན་གང་ལ་ཡང་ཧ་ཅང་འཚམ་པའི་ཁྱད་ཆོས་གཟེངས་སུ་ཐོན་པ་སོགས་དེབ་འདིའི་དཔེ་སྐྲུན་གསལ་བཤད་ལས་བཏུས་སོ།།
མཁོ་འདོན་པ། རྡོ་རྗེ་དོན་གྲུབ།
དོ་དམ་པ། ཤ་བོ་རིན་ཆེན།
རྩོམ་སྒྲིག་འགན་འཁུར་བ། མགོན་པོ་ཚེ་རིང་།ལིག་བཱེ།
长按二维码
关注我们
互联网宗教信息服务许可证|编号：青（2022）1000002
