གྱོད་དཔེ་དང་པོ།
དྲ་དམངས་ལི་ཆེ་གེ་མོ་དང་། ཕེང་ཆེ་གེ་མོ། ཚེ་ཆེ་གེ་མོ་བཅས་ཀྱིས་གཞན་གྱི་དོ་ཁུར་ཐོབ་ཆེད། དྲ་རྒྱའི་འབྲེལ་ཚོམས་སུ“དིང་རིའི་ས་ཡོམ་ཁྲོད་མི་208རྐྱེན་ལམ་དུ་ཤོར་འདུག”ཅེས་པ་དང་། “དིང་རིའི་ས་ཡོམ་ཁྲོད་མི་200ལྷག་ཙམ་རྐྱེན་ལམ་དུ་ཤོར་འདུག” “རྐྱེན་ལམ་དུ་ཤོར་བའི་མི་གྲངས་265བར་འཕར་འདུག”ཅེས་པ་སོགས་དོན་དངོས་དང་མི་མཐུན་པའི་ཆ་འཕྲིན་རྫུན་མ་སྔ་རྗེས་སུ་སྤེལ་དེ་སྤྱི་ཚོགས་ཀྱི་སྤྱི་པའི་སྒྲིག་ལམ་གཏོར་བཤིག་བཏང་ཡོད།
གྱོད་དཔེ་གཉིས་པ།
དྲ་དམངས་བུ་ཆེ་གེ་མོས་དྲ་ཐོག་ནས་ས་ཁུལ་གཞན་དག་གི་ས་ཡོམ་གྱི་བརྙན་ཐུང་ཁག་གཅིག་ཕབ་སྟེ། བོད་ལྗོངས་གཞིས་རྩེའི་ས་ཡོམ་གྱི་བརྙན་ཐུང་ཡིན་ཁུལ་བྱས་ནས་དྲ་ཐོག་ཏུ་སྤེལ་བས་བརྒྱུད་སྤེལ་བྱེད་མཁན་མང་པོ་བྱུང་སྟེ་སྤྱི་ཚོགས་ཀྱི་སྤྱི་པའི་སྒྲིག་ལམ་གཏོར་བཤིག་བཏང་ཡོད།
གྱོད་དཔེ་གསུམ་པ།
དྲ་དམངས་བདེ་ཆེ་གེ་མོས་གཞན་གྱི་དོ་ཁུར་ཐོབ་ཆེད། དྲ་ཐོག་ནས་བརྙན་ཐུང་ཞིག་ཕབ་སྟེ། དེའི་གཤམ་ལ“ས་ཡོམ་གྱི་གནོད་འཚེ་ཕོག་ནས་ཁང་པ་བརྡིབས་ཀྱང་གེགས་ཁུལ་གྱི་མང་ཚོགས་ལ་རོགས་སྐྱོར་བྱེད་མཁན་མི་འདུག”ཅེས་བྲིས་ནས་སྤེལ་བས། བརྒྱུད་སྤེལ་བྱེད་མཁན་མང་པོ་བྱུང་སྟེ་སྤྱི་ཚོགས་ཀྱི་སྤྱི་པའི་སྒྲིག་ལམ་གཏོར་བཤིག་བཏང་ཡོད།
གོང་གསལ་གྱི་དཀྲོག་གཏམ་བཟོ་མཁན་དང་སྤེལ་མཁན་ཚང་མར་སྤྱི་བདེ་ལས་ཁུངས་ཀྱིས་སྐྱོན་བརྗོད་སློབ་གསོ་བཏང་བའམ་ཡང་ན་སྲིད་འཛིན་ཆད་པ་བཅད་ཡོད། འབྲེལ་ཡོད་མི་སྣས་རང་ཉིད་ཀྱི་ནོར་འཁྲུལ་ངོས་འཛིན་ཐུབ་ནས་སླད་ཕྱིན་དྲ་རྒྱའི་བཅའ་ཁྲིམས་དང་ཁྲིམས་སྲོལ་ལ་བརྩི་སྲུང་ནན་པོ་ཞུས་ཏེ་དྭངས་གཙང་དྲ་རྒྱའི་བར་མཐོངས་ལ་རང་རྟོགས་ངང་སྲུང་སྐྱོང་བྱ་རྒྱུ་ཡིན་ཞེས་ཁས་བླངས་པ་རེད།
