༄༄།།རྒྱལ་ཁབ་ཀྲུང་ལུགས་གསོ་རིག་ལས་བོད་ལུགས་གསོ་རིག་ལྟེ་གནས་ཀྱི་སྒོ་བྱང་འགེལ་བའི་མཛད་སྒོ་དེ་སྤྱི་ཟླ་༡༢པའི་ཚེས་༡༩ཉིན་ལྷ་སར་འཚོགས་པ་དང་། དེ་ནི་རྒྱལ་ཁབ་ཀྲུང་ལུགས་གསོ་རིག་དོ་དམ་ཅུད་ཀྱིས་དངོས་སུ་ཆོག་མཆན་སྤྲད་ནས་བཙུགས་པའི་རྒྱལ་ཡོངས་ཁོངས་རྒྱལ་ཁབ་ཀྱི་མི་རིགས་གསོ་རིག་ལྟེ་གནས་ཐོག་མ་དེ་ཡིན་པ་རེད། སླད་ཕྱིན་ལྟེ་གནས་འདིས་བོད་ཀྱི་བོད་ལུགས་གསོ་བ་རིག་པའི་སྨན་བཅོས་སློབ་གསོ་དང་ ཚན་ཞིབ། ཐོན་ལས་འཕེལ་རྒྱས། བོད་ལུགས་གསོ་རིག། བོད་སྨན་གྱི་ནད་ཐོག་ཞིབ་འཇུག་ལག་རྩལ་གསར་གཏོད། གྲུབ་འབྲས་གཞན་སྒྱུར་སོགས་ཀྱི་ཐད་ལ་སྐུལ་འདེད་ནུས་ལྡན་བཏང་ནས་བོད་ལུགས་གསོ་རིག་དང་བོད་སྨན་གྱི་སྤུས་ཚད་མཐོ་རུ་གཏོང་བར་ཕན་ཐོགས་ངེས་རེད།
ལྟེ་གནས་འདིས་ས་མཐོའི་ཁུལ་དུ་འཚོ་བཞིན་པའི་མི་དམངས་མང་ཚོགས་ལ་འབྱུང་སླ་བའི་ནད་རིགས་ལ་དམིགས་ནས། དེའི་སྐོར་གྱི་སྨན་བཅོས་དང་། རིགས་པའི་གཞུང་ལུགས། ཞིབ་འཇུག་གི་བྱ་གཞག བོད་སྨན་ཐོན་སྐྱེད་ཀྱི་ཚད་གཞི་སྡེབ་སྒྲིག་བྱས་སྟེ། ཀླད་པའི་ནད་དང་བོད་ལུགས་གསོ་རིག་གི་སྨན་ལུམས་བཅོས་ཐབས་གཙོ་བོར་འཛིན་པ་དང་། ནད་རིགས་གཞན་དག་སྡེབ་གཅིག་ཏུ་འཕེལ་རྒྱས་གཏོང་བར་ནུས་པ་འདོན་སྤེལ་བྱེད་པའི་སྨན་རིགས་ཀྱི་ཞིབ་འཇུག་ལྟེ་གནས་ཤིག་ཡིན། རིགས་པའི་གཞུང་ལུགས་ཞིབ་འཇུག བོད་ལུགས་གསོ་རིག་གི་གོམ་བགྲོད་ལག་ཁྱེར། ཚད་གཞི་གཏན་འབེབས། བོད་སྨན་ཞིབ་འཇུག་གསར་བཟོ། གྲུབ་འབྲས་འཕོ་འགྱུར་སོགས་ཀྱི་ཐད་སྣེ་ཁྲིད་ཀྱི་ནུས་པ་འདོན་སྤེལ་བྱ་རྒྱུ་རེད།
ངོ་སྤྲོད་བྱས་པར་གཞིགས་ན། ད་ཆ་བོད་དུ་བོད་ལུགས་གསོ་རིག་གི་ཆེད་ལས་ལག་རྩལ་མི་སྣ་༥༢༠༠ལྷག་ཙམ་ཟིན་པ་དང་། བོད་ལུགས་གསོ་རིག་སྨན་བཅོས་སྒྲིག་གཞི་༥༡ཡོད། སྡེ་ཁུལ་ཁྱོན་ཡོངས་ལ་བོད་ལུགས་གསོ་བ་རིག་པའི་ཞབས་ཞུ་བཙུགས་ཡོད་པ་དང་། ཤང་དང་གྲོང་རྡལ་དུ་བོད་ལུགས་གསོ་བ་རིག་པའི་ཞབས་ཞུ་ལྟེ་གནས་ཁྱབ་ཚད་༩༤%ཡན་ཟིན་ཡོད། རྒྱལ་ཁབ་ཀྱི་ཚད་ལྡན་ཡིག་ཨང་ལོན་པའི་སྨན་སྣ་༣༡༡ཡོད། ད་ལོའི་ལོ་སྟོད་ཟླ་བ་༡༠ཡི་རིང་བོད་སྨན་ཁེ་ལས་༡༧གྱིས་སྒོར་དུང་ཕྱུར་༢༦.༦ཙམ་རི་བའི་སྨན་རྫས་ཐོན་སྐྱེད་བྱས་ཡོད་པ་རེད།
གཙོ་སྒྲིག་པ། ཁྲི་གོང་ཨོ་རྒྱན་ཚེ་རིང་།
གཙོ་སྒྲིག་གཞོན་པ། ཕུན་རྡོར། བཟང་པོ།
རྩོམ་སྒྲིག་པ། བྱམས་པ། ནོར་བུ་དོན་གྲུབ།
主编 | 吾见才让
副主编 | 平多 桑布
编辑 | 先巴 罗布顿珠
来源 | 西藏日报
译文 | 阳光西藏
