10-ايدىڭ 31-كۇنى ءتىلشىنىڭ التاي كەدەنىنەن ۇعىسۋىنا قاراعاندا، 2024-جىلعى الدىڭعى 3 توقساندا التاي كەدەنى تايكەشكەن وتكەلىندە تەكسەرىلىپ، شەكارادان كىرىپ-شىققان جولاۋشى سانى 128 مىڭ 844 ادام (رەت) بولىپ، سايكەس مەزگىلدەگىدەن %46.9 ارتقان. مۇنىڭ ىشىندە شەكارادان كىرگەن جولاۋشى 62 مىڭ 752 ادام (رەت) بولىپ، سايكەس مەزگىلدەگىدەن %46.1 ارتقان، شەكارادان شىققان جولاۋشى 66 مىڭ 92 ادام (رەت) بولىپ، سايكەس مەزگىلدەگىدەن %47.6 ارتقان.
جۇڭگوداعى شينجياڭنىڭ موڭعۇلياعا اشىق ۇستاعان ءبىرىنشى ۇلكەن وتكەلى رەتىندە جۋىق جىلدارى تايكەشكەن وتكەلىنەن شەكارادان كىرىپ-شىققان جولاۋشى سانى جوعارى ورەنى ساقتاعان. وسىعان قاراتا التاي كەدەنى ادام كۇشى بايلىعىن بەلسەنە ورنالاستىرىپ، كەدەننەن ءوتۋ بارىسىن ساپالىلاندىرىپ، قىزمەت وتەۋ ساپاسىن ۇزدىكسىز جاقسارتىپ، جولاۋشىلاردىڭ كەدەننەن تەز، قولايلى وتۋىنە كەپىلدىك ەتتى.
التاي كەدەنىنىڭ ساناعىنا قاراعاندا، بيىل جولاۋشىلاردىڭ وتكەلدەن ءوتۋ ۋاقىتى %30 قىسقارعان.
شەكارادان كىرگەن موڭعۇليانىڭ قوبدا ولكەسىنەن كەلگەن ساياحاتشى ورتۋ بىلاي دەدى: ءبىز موڭعۇليادان كەلدىك، وتباسىمىزداعىلاردى ەرتىپ ۇرىمجىگە ساياحاتتاي بارماقشىمىن. كەدەننەن تەز وتتىك، وتە ريزامىز.
جەكە جولاۋشىلاردىڭ سانى كورنەكتى ارتۋدان سىرت، شەكارا اتتاعان ساياحات ۇيىرمەلەرىنىڭ سانى دا كورنەكتى ارتتى.
شىڭگىل اۋدانى شيڭچيڭ حالىقارالىق ساۋدا شەكتى جاۋاپكەرشىلىك سەرىكتەستىگىنىڭ باس ديرەكتورى ۋاڭ ليشىڭنىڭ تانىستىرۋىنا قاراعاندا، بيىل تايكەشكەن وتكەلىنەن شەكارادان كىرىپ-شىققان جولاۋشىلاردىڭ سانى كورنەكتى ارتقان، باسىم كوپ ساندىسى ۇيىرمە فورماسىمەن جۇڭگوعا ساياحاتتاي كەلىپ زات ساتىپ الادى.
”جۋىق مەزگىلدە ءبىز كەدەننەن وتۋگە پايدالانىلاتىن زەردەلى جابدىقتاردى ۇزدىكسىز ارتتىرىپ، جولاۋشىلار ارناسىنىڭ ورنالاسۋىن ساپالىلاندىرامىز ءارى كوپ تىلدە جەتەكشىلىك ەتىپ، قىزمەت وتەيتىن قىزمەتكەرلەردىڭ سانىن كوبەيتىپ، شەكارادان كىرىپ-شىققان جولاۋشىلاردىڭ تەز، ءتارتىپتى كەدەننەن وتۋىنە شىنايى كەپىلدىك ەتىپ، تايكەشكەن وتكەلىنىڭ كەدەننەن ءوتۋ ونىمدىلىگىن ارتتىرىپ، قىزمەت وتەۋ ساپاسىن اناعۇرلىم جاقسارتامىز“،-دەدى التاي كەدەنىنىڭ تايكەشكەندە تۇراتىن ءىس باسقارماسىنىڭ باستىعى جاڭ ۋىنجيە.
来源：雪都嘟/阿勒泰地区融媒体中心
记者:古丽娜
通讯员:加尼波拉提·胡阿尼西别克
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
