”قول تەلەفونىڭىزدىڭ سالماعى 220 گرام ەكەن...“ جۋىردا، التاي ايماقتىق بازاردى باقىلاۋ-باسقارۋ مەكەمەسى التاي قالاسى مادەنيەت جولى ورىس ۇلگىسىندەگى جاياۋلار كوشەسى جالپى ماۋسىمدىق اۋىل شارۋاشىلىق ساۋدا بازارىندا ”قول تەلەفوندى تارازى تاسىنا اينالدىرىپ، ولشەۋدە حالىق تۇرمىسىنا تيىمدىلىك جەتكىزۋ“ تاقىرىپتىق ۇگىت قيمىلىن وتكىزدى.
قيمىلدا، قىزمەتكەرلەر ۇلگى كورسەتۋ جانە ءتۇسىندىرۋ ارقىلى تۇرعىندارعا ولشەۋ بىلىمدەرىن، سونداي-اق ”قول تەلەفوندى تارازى تاسىنا اينالدىرۋ“ سىندى وسى ءبىر جاڭا ولشەۋ ءتاسىلىنىڭ قولدانىلۋىن كورسەتىپ، تۇتىنۋشىلاردىڭ زات ساتىپ العاندا ءوز ۇقىق-مۇددەسىن قورعاۋىنا جول سىلتەدى.
قىزمەتكەرلەر ناق مايداندا ”قول تەلەفوندى تارازى تاسىنا اينالدىرۋدىڭ“ قولدانىلۋ ءادىسىن كورسەتتى: الدىمەن تارازىدا تۇتىنۋشىلاردىڭ قول تەلەفونىنىڭ سالماعىن ولشەيدى، سوڭىنان تىركەلۋ ارقىلى قول تەلەفوندا ارناۋلى ”سالماق“ ەلەكتروندى بەلگىسىن تۇلعالايدى. وسىلايشا، تۇتىنۋشىلار ”ءادىل تارازىنى“ جانىنا الىپ جۇرۋىنە بولادى. زات ساتىپ العاندا قول تەلەفوندى ەلەكتروندى باعا ولشەۋ تارازىسىنىڭ ۇستىنە قويىپ، بەلگىلەنگەن سالماقپەن سالىستىرسا بولعانى كەم-كەتىگىن العاشقى ادىمدا تۇجىرىمداپ، سول ارقىلى تارازىدان تارتىپ قالۋدان ساقتانۋعا بولادى.
— بۇل ”قول تەلەفون تارازىسى“ وتە قولايلى بولدى، بۇدان كەيىن كوكونىس ساتىپ العاندا قول تەلەفوندى تارازىعا قويساق بولعانى ارتىق كەمىن بىلە الامىز، الاڭسىز بولاتىن بولدىق،-دەدى التاي قالاسىنىڭ تۇرعىنى دۋان شۋپيڭ.
”قول تەلەفوندى تارازى تاسىنا اينالدىرۋ“ ەلەكتروندى بەلگىسى ءداستۇرلى تارازى تاسىمەن سالىستىرعاندا كورنەكتى ارتىقشىلىققا يە، الىپ جۇرۋگە قولايلى، تۇتىنۋشىلار ولشەمدى تارازى تاسىن الىپ ءجۇرۋدى قاجەت ەتپەيدى، تۇتىنۋشىلارعا كەڭ كولەمدە جالپىلاستىرۋعا ۇيلەسىمدى، بارلىق ادام تارازىنى باقىلاۋشى بولا الادى، قاعاز بەلگىگە قاراعاندا پايدالانۋعا ءتوزىمدى.
ۇعىسۋعا قاراعاندا، التاي ايماعى شينجياڭ بويىنشا ”قول تەلەفوندى تارازى تاسىنا اينالدىرۋ“ شاعىن باعدارلاماسىن تۇڭعىش رەت جالپىلاستىرعان ايماق ەكەن، 10-ايدىڭ ورتا شەنىنەن بەرى، ءارقايسى اۋداندىق (قالا) بازاردى باقىلاۋ-باسقارۋ مەكەمەسى ارت-ارتىنان كوپ رەت ۇگىت قيمىلدارىن ورىستەتكەن.
التاي ايماقتىق بازاردى باقىلاۋ-باسقارۋ مەكەمەسى ولشەۋ ءبولىمىنىڭ قىزمەتكەرى ليۋ ياڭفيفي بىلاي دەدى: كەلەسى قادامدا ءبىز ”قول تەلەفوندى تارازى تاسىنا اينالدىرۋ“ ەلەكتروندى بەلگىسىن جالپىلاستىرۋ جانە ۇگىتتەۋ تەبىنىن ۇزدىكسىز ارتتىرىپ، حالىق بۇقاراسىنىڭ ءتول مۇددەسىمەن تىعىز قاتىستى ولشەم ءمانىنىڭ دۇرىس، سەنىمدى بولۋىنا شىنايى كەپىلدىك ەتەمىز.
来源：雪都嘟/阿勒泰地区融媒体中心
实习记者：刘欢
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
