جانىمىزداعى ۇلگىلەردەن ۇيرەنەيىك

جۋىقتا، ايماقتىڭ 2024-جىلعى اتويشى بولۋعا قۇلشىنۋداعى ”پارتيا ساباعى باستالدى“، ”جانىمىزداعى ۇلگىلەردەن ۇيرەنەيىك“ اتىنداعى تاڭداۋلى مىسالدى ايگىلەۋ قيمىلى التاي قالالىق مادەنيەت قيمىل ورتالىعىندا وتكىزىلدى. پارتيا مۇشەسى مەن كادردان 400 نەشە ادام تارتىمدى پارتيا ساباعىن بىرگە تىڭداپ، ۇلگىلەردىڭ كۇشىن سەزىندى.

ۇعىسۋعا قاراعاندا، 4-ايدىڭ باسىنان بەرى ايماعىمىزداعى اۋداندار مەن قالا، ايماققا توتە قاراستى ورگاندار مەن مەكەمە-ورىندار جاڭا داۋىردە پارتيا مۇشەلەرى ”نەنى بايانداۋ“، ”كىم بايانداۋ“، ”قالاي بايانداۋ“ سىندى 3 شەشۋشى بۋىندى ارقاۋ ەتىپ، ءوز جەرىندەگى، ءوز سالاسىنداعى قىزىل بايلىق پەن ماڭىنداعى تيپتىك ىزگى ىستەردى ىشكەرىلەي كادەگە جاراتقان. ءار دارەجەلى پارتيا ۇيىمدارىنىڭ شۋجيى، پارتيالى باسشى كادرلار، تاڭداۋلى كوممۋنيستەر، ساقا پارتيا مۇشەلەرى مىنبەگە شىعىپ، ورامدى ءتىل، اسەرلى حيكايالار ارقىلى پارتيا مۇشەلەرى مەن كادرلارعا تەرەڭ ءارى تاربيەلىك مانگە يە پارتيا ساباعىن ءوتتى. ساتىلار بويىنشا سارالاۋ، كورسەتۋ ارقىلى سوڭىندا، 9 تاڭداۋلى مىسال سارالانىپ، ايماقتا كورسەتىلەتىن تۋىندىلار قاتارىنا تاڭدالدى.

قيمىلدا، بەينەلەۋ فورماسى الۋان ءتۇرلى، مازمۇنى باي پارتيا ساباعى مىسالى كورسەتىلدى. «ايەلىمە حات» اتتى قويىلىمدا قاھارمان لين جۋەميننىڭ جۇبايىنا دەگەن تەرەڭ ماحابباتى مەن وتانعا دەگەن قويۋ سۇيىسپەنشىلىگى بەينەلەندى؛ «ارالدى كۇزەتكەن قاھارمان» اتتى قويىلىمدا ۋاڭ جيساي مەن جۇبايىنىڭ وتان ءۇشىن ارالدى 32 جىل كۇزەتىپ، ءۇن-ءتۇنسىز ۇلەس قوسقان تاباندى رۋحى، وتباسىنا، وتانعا دەگەن سۇيىسپەنشىلىگى باياندالدى؛ «كوڭىلدەگى بەلگى» اتتى قويىلىمدا قۇسىمان ءنۇسىپجان ۇلى وتباسىنداعى 3 ۇرپاقتىڭ وتان ءۇشىن شەكارانى كۇزەتكەن اسەرلى ىزگى ىستەرى تانىستىرىلدى. ولار مەملەكەتتىڭ ءار سۇيەم جەرىن قورعاپ، جاستىق ورالى مەن ماڭداي تەرى ارقىلى شەكارا قورعانىسى شەبىندە بەرىك ۇلى قورعان ورناتقان. بۇدان تىس، «شينجياڭ، ءبىز تاعى كەلەمىز»، «سايداعى جاڭعىرىق» قاتارلى قويىلىم كورسەتىلگەندە پارتيالى كادر مەن بۇقارانىڭ شاپالاق ءۇنى تولاستامادى.

بۋرىلتوعاي اۋداندىق پارتيا مۇشەلەرىن تاربيەلەۋ ورتالىعىنىڭ مەڭگەرۋشىسى ياڭ شۇي تىلشىگە: وسى حيكايالار مۇنان دا كوپ كوممۋنيستىك پارتيا مۇشەسىن قاجىرلىلىقپەن كۇرەس جۇرگىزۋ، وتان ءۇشىن شەكارانى كۇزەتۋ رۋحىن ساۋلەلەندىرىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋ جولىندا كۇش قوسۋعا تاربيەلەپ شابىتتاندىردى،-دەدى.

قيمىلدا لەكسيا سويلەگەن 15 ادام بايدانداۋ ۇلگىسىن، كورىنىستىك ۇلگىنى، سارالاۋ ۇلگىسىن قولدانۋ ارقىلى تارتىمدى ”ەرەكشەلىككە يە پارتيا ساباعىن“ ءوتتى.

التاي قالاسىنىڭ تۇرعىنى گو جيانيۇي تىلشىگە: قيمىلداعى تاڭداۋلى مىسالدى سول جەردىڭ وزىندە كورۋ ارقىلى ماڭايىمىزداعى ونەگەلى ادامداردى اناعۇرلىم تەرەڭ تۇسىندىك. ەندى وسى ۇلگىلەردەن، تاڭداۋلى پارتيا مۇشەلەرى مەن كادرلاردان ۇيرەنىپ، ۇلگىلەردىڭ رۋحىن ءىس جۇزىندىك ارەكەتىمىزبەن امالياتتا ايگىلەپ، ۇلگىلەردىڭ كۇش-قۋاتىن جالعاستىرامىز،-دەدى.

”پارتيا ساباعى باستالدى“، ”جانىمىزداعى ۇلگىلەردەن ۇيرەنەيىك“ اتىنداعى تاڭداۋلى مىسالدى ايگىلەۋ قيمىلىنىڭ وتكىزىلۋى ايماقتاعى پارتيالى كادرلارعا ءبىر رەتكى تاماشا ۇيرەنۋ جانە اۋىس-كۇيىس ورتاسىن ازىرلەپ، قالىڭ پارتيالى كادردىڭ وتاندى ءسۇيۋ رۋحى مەن كۇرەسكەرلىك رۋحىن تاسقىنداتتى.