التاي ايماعى حالىقتىق كاسىپورىندار اڭگىمە ءماجىلىسىن اشتى

11-ايدىڭ 14-كۇنى التاي ايماعى حالىقتىق كاسىپورىندار اڭگىمە ءماجىلىسىن اشىپ، پارتيا 20-كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ حالىقتىق شارۋاشىلىقتى دامىتۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، اۆتونوميالى رايوندىق پارتكوم مەن حالىق ۇكىمەتىنىڭ ورنالاستىرۋلار مەن تالاپتارىن مۇقيات تياناقتاندىرىپ، حالىقتىق شارۋاشىلىقتىڭ قازىرگى دامۋ جاعدايىن ارقاۋ ەتە وتىرىپ، حالىقتىق كاسىپورىنداردىڭ سۇرانىسىن بەتپە-بەت ۇعىسىپ، ۇسىنىس-پىكىرىن مۇقيات تىڭداپ، يدەيالىق ورتاق تانىم ۇيىستىرىپ، كاسىپورىنداردىڭ سەنىمىن كۇشەيتىپ، حالىقتىق شارۋاشىلىقتىڭ جاڭالىق اشا تيپ جاڭالاۋىن، اقاۋسىز دامۋىن اناعۇرلىم ويداعىداي ىلگەرىلەتتى. ايماقتىق پارتكومنىڭ شۋجيى شيە شاۋدي ءماجىلىستى باسقاردى.

جەڭىس قادىس ۇلى، ليۋ بين، باقىت ينايات ۇلى اڭگىمە ماجىلىسىنە قاتىناستى. 

اڭگىمە ءماجىلىسى اشىلعان ورىن دۋماندى بولىپ، كاسىپورىنشىلار اقتارىلا اڭگىمەلەستى. 40 نەشە حالىقتىق كاسىپورىن تۇلعاسىنان ماجىلىسكە قاتىناسۋشىلار وزدەرىنىڭ دامۋ ناقتى جاعدايىمەن ۇشتاستىرا وتىرىپ، ماسەلە مەن قيىنشىلىقتى كوزدەپ، ۇسىنىس-پىكىرىن العا قويىپ، دامۋ جوباسىن اقتارىلا اڭگىمەلەدى. قاتىستى تاراۋ مەن فينانس قۇرىلىمىنان ماجىلىسكە قاتىناسۋشىلار كاسىپورىندار العا قويعان ماسەلە جونىندە سول جەردىڭ وزىندە جاۋاپ قايتارىپ، ساياساتتى ىشكەرىلەي ءتۇسىندىرىپ، شەشۋ جوباسىن اقىلداستى. شيە شاۋدي ولاردىڭ سويلەگەن ءسوزىن مۇقيات تىڭداپ، كاسىپورىنشىلارمەن ءالسىن-ءالى اڭگىمەلەسىپ، پىكىرلەستى. ءار دارەجەلى تاراۋلاردان ىلگەرىلەي ستيلگە بۇرىلىس جاساپ، قىزمەت وتەۋدى ساپالىلاندىرىپ، ونىمدىلىكتى ارتتىرىپ، حالىقتىق كاسىپورىنداردىڭ دامۋى ءۇشىن بار ىنتا-پەيىلىمەن، كۇش-قۋاتتى سارقا جۇمساپ تاماشا ورتا ازىرلەپ، حالىقتىق شارۋاشىلىقتىڭ جوعارى ساپالى دامۋىن جۇزەگە اسىرۋدى تالاپ ەتتى.

ماجىلىستە مىنالار اتاپ كورسەتىلدى: جۋىقتاعى جىلدان بەرى، حالىقتىق كاسىپورىندار ىندەت تۋدىرعان ءتيىمسىز ىقپالدى قۇلشىنا جەڭىپ، قيىنشىلىقتان تايسالماي ورگە ۇمتىلىپ، ىرىقتىلىقپەن ىسكەرلىك كورسەتىپ، ايماقتىڭ ەكونوميكالىق، قوعامدىق دامۋىنا ەلەۋلى ۇلەس قوستى. ايماقتاعى ءار دارەجەلى تاراۋلار پارتيا ورتالىق كوميتەتىنىڭ، اۆتونوميالى رايوندىق پارتكومنىڭ حالىقتىق شارۋاشىلىقتىڭ دامۋىن، زورايۋىن جەبەۋ جونىندەگى جالپى تۇلعالىق تالاپتارىن دالمە-ءدال ءتۇسىنىپ، يگەرىپ، ”ەكىدەن استە اۋىتقىماۋعا“، ”ءۇش وزگەرگەن جوققا“ تاباندى بولىپ، قايراتتى تاسقىنداتىپ، سەنىمدى بەكەمدەپ، حالىقتىق شارۋاشىلىقتىڭ دامۋىن، زورايۋىن جەبەۋگە تەلەگەي كۇش-قۋات توپتاۋى قاجەت.

ماجىلىستە مىنالار تالاپ ەتىلدى: ايماقتاعى ءار دارەجەلى تاراۋلار حالىقتىق شارۋاشىلىقتىڭ اقاۋسىز دامۋىن ىلگەرىلەتۋ سىندى ساياسي جاۋاپكەرشىلىكتى باتىل ارقالاپ، ساياساتتىق قولداۋدى جانە فاكتور قامتاماسىزدىعىن كۇشەيتىپ، كاسىپورىنداردىڭ تۇتاس تىرشىلىك پەريودىنا قىزمەت وتەۋدى نىعايتىپ، ءارقايسى حالىقتىق كاسىپورىننىڭ ايماقتىڭ دامۋ كەلەلى جاعدايىمەن توعىسۋىنا، مەملەكەت مەنشىگىندەگى كاسىپورىندارمەن بىرگە جاسىل كەن شارۋاشىلىعى، تازا ەنەرگيا، ساياحات، اۋىل شارۋاشىلىعى قاتارلى ەرەكشەلىككە يە كاسىپ سالالارىن زورايتۋىنا، كۇشەيتۋىنە جەتەكشىلىك ەتىپ، قولداۋ كورسەتۋلەرى كەرەك. بازارلانعان، زاڭمەن باسقارىلاتىن، حالىقارالانعان شارۋاشىلىق ساۋدا ورتاسىن بەلسەنە تۇلعالاپ، كاسىپورىنداردىڭ دامۋىنا قاي-قاشان دا قورعاۋشى بولىپ، كاسىپورىنداردىڭ تىلەك-تالابىن بار كۇشپەن ويداعىداي شەشىپ، حالىقتىق كاسىپورىنشىلاردىڭ التايدا الاڭسىز قارجى قوسۋىنا، دەن قويا شارۋاشىلىق جۇرگىزۋىنە، الاڭسىز دامۋىنا بار كۇشپەن قىزمەت وتەپ، قامتاماسىزدىق ازىرلەۋ قاجەت. ساۋدا-ونەركاسىپشىلەر بىرلەستىگىنىڭ كوپىرلىك-دانەكەرلىك رولىن تولىق ساۋلەلەندىرىپ، كوتەرەگە الىپ بايلانىس جاساۋ، قىزمەت وتەۋ جۇيەسىن كەمەلدەندىرىپ، كاسىپورىندارعا تيىمدىلىك جەتكىزۋ ساياساتتارىن زور كۇشپەن ۇگىتتەپ، كاسىپورىندارعا قولايلىلىق جاساۋ ىستىق لەنياسىن، ارناسىن ىركىلىسسىزدەندىرىپ، ۇكىمەت ىستەرى جاعىندا كاسىپورىندارعا جالپى تىزبەكتە، بارلىق جاعدايدا، جالپى بارىستا جوعارى ءونىمدى قىزمەت وتەۋ كەرەك.

ماجىلىستە مىنالار باسا دارىپتەلدى: حالىقتىق كاسىپورىنشىلار دامۋ سەنىمىن بەكەمدەپ، التايداعى ءداستۇرلى كاسىپ سالالارىنىڭ شىت جاڭا بەينەگە ەنۋى، جاڭا گۇلدەنگەن كاسىپ سالالارىنىڭ زورايۋى، جاڭا كاسىپ كۇيلەرى مەن جاڭا ۇلگىلەردىڭ مولىنان شىعۋى سىندى تاريحي ورايدى مىقتى يگەرىپ، جۇرەكتىلىكپەن شارۋاشىلىق قۇرىپ، ەمىن-ەركىن دامىپ، ءداستۇرلى ماركالاردىڭ دەڭگەيىن ۇزدىكسىز جوعارىلاتۋ جاعىنا كۇش سالۋدان تىس، جاڭا گۇلدەنگەن كاسىپ سالالارىنىڭ ارتۋ ۇيەگىن جەتىلدىرۋ جاعىنا دا كۇش سالىپ، بايلىق پەن كۇش-قۋاتتى شوعىرلاندىرا وتىرىپ نەگىزگى كاسىپتى زورايتىپ، كاسىپكەرلىكتى كۇشەيتىپ، كاسىپورىندى تاراۋدىڭ ۇلگىسىنە، كاسىپ سالاسىنىڭ باستاماشىسىنا اينالدىرۋعا قۇلشىنىپ، التايدىڭ جاڭا كەزەكتى دامۋ ورلەۋىندە وزىندىك دامۋدىڭ ساپاسىن جوعارىلاتۋدى جانە مولشەرىن ارتتىرۋدى جۇزەگە اسىرىپ، اناعۇرلىم زور سەرپىلىستى، اناعۇرلىم زور ىلگەرىلەۋدى قۇلشىنا جۇزەگە اسىرۋى كەرەك.

ما تيانيۇي، لان شىڭشين، ليۋ بيڭچيڭ، ۋاڭ يۇن، سەرىك ماقات ۇلى، تاڭ جيە قاتارلى ايماق باسشىلارى اڭگىمە ماجىلىسىنە قاتىناستى. اڭگىمە ماجىلىسىنە ايماقتىڭ قاتىستى تاراۋلارى مەن ورىندارىنداعى نەگىزگى جاۋاپتى جولداستار، اۋداندار مەن قالاداعى نەگىزگى جاۋاپتى جولداستار جانە ايماقتاعى حالىقتىق كاسىپورىنداردىڭ، ساۋدا قوعامدارىنىڭ، فينانس قۇرىلىمدارىنىڭ ۋاكىلدەرى قاتىناستى.