11-ايدىڭ 15-كۇنى ءتىلشىنىڭ التاي ايماقتىق اۋىل شارۋاشىلىعى، اۋىل-قىستاق مەكەمەسىنەن ۇعىسۋىنشا، قازىرگە دەيىن ايماق كۇزگى استىق جيناۋ قىزمەتىن ءساتتى ورىنداپ بولعان.
بيىل جىل باسىندا ايماقتىڭ قاتىستى تاراۋلارى جەرگىلىكتى ورىننىڭ توپىراعى، كليماتى قاتارلى جاراتىلىستىق شارت-جاعدايىنا نەگىزدەلىپ، اۋىل شارۋاشىلىق ءوندىرىس جوباسىن عىلمي جاساپ، كۇزگى استىق داقىلىن ەگۋ قۇرىلىمىن ساپالىلاندىردى. استىق پەن مايلى داقىلىنىڭ ەگىلۋ كولەمىن ۇيلەسىمدى ورنالاستىرۋ ارقىلى بايلىقتان جوعارى ءونىمدى پايدالانىپ، كۇزگى استىقتان مول ءونىم الۋعا بەرىك نەگىز قالادى.
اۋىل شارۋاشىلىق تەحنيكاسىن قولدانۋدا اۋىل شارۋاشىلىق اگروتەحنيك ۇيىرمەسىن اتىز باسىنا بارۋعا ۇيىمداستىرىپ، شارۋالارعا ەگۋدەن جيىپ الۋعا دەيىنگى تۇتاس بارىستا تەحنيكالىق جاقتان جەتەكشىلىك ەتىپ، شارۋالاردىڭ ەگىنشىلىك ورەسى مەن داقىلدىڭ ءونىم مولشەرىن ءونىمدى جوعارىلاتتى. سونىمەن بىرگە، استىق داقىلىنىڭ سۋدان پايدالانۋىن قامتاماسىزداندىرىپ، اۋىل شارۋاشىلىعىنا پايدالانىلاتىن سۋ قاجەتىن قاناعاتتاندىرۋعا كەپىلدىك ەتتى.
بيىل ايماق بويىنشا 210 جۇگەرى ورۋ ماشيناسى ىسكە كىرىسىپ، كۇزگى جيىن-تەرىننىڭ ونىمدىلىگىن بارىنشا جوعارىلاتتى. ماشينا جابدىعىنىڭ جوعارى ءونىمدى اينالىمىنا كەپىلدىك ەتۋ ءۇشىن، ايماعىمىزدان جيىنى 14 مىڭنان استام جۇگەرى ورۋ ماشينا شوفەرىن تاربيەلەدى ءارى بەيدوۋ جولجەتەگىمەن شوفەرسىز مەڭگەرىلەتىن جۇيەدەن، 1900 نەشە رەت ۇلگى كورسەتىپ جالپىلاستىردى.
كۇزگى استىق ساتىپ الۋ بارىسىندا جەر-جەر، قاتىستى تاراۋلار فينانس قۇرىلىمدارىمەن تىعىز سەلبەسىپ، ”استىق ساتىپ الاتىن ادام بولۋ، استىق ساتىپ الاتىن اقشا بولۋ، استىق ساقتايتىن قامبا بولۋ، استىق تاسيتىن اۆتوكولىك بولۋ، استىق شارۋاشىلىعىن دامىتاتىن كاسىپ بولۋ، استىقتى قامتاماسىز ەتەتىن زاڭ بولۋ“ قاتارلى شەشۋشى بۋىندى ارقاۋ ەتىپ، استىق بازارىندا تاماشا جاعداي قالىپتاستىرۋدى بار كۇشپەن ىلگەرىلەتىپ، شارۋالاردىڭ استىق ەگۋ بەلسەندىلىگىن شىنايى قوزعادى.
قازىرگە دەيىن ايماق بويىنشا 140 مىڭ 800 توننا ءبيداي، 788 مىڭ 600 توننا جۇگەرى ساتىپ الىندى.
来源：雪都嘟/阿勒泰地区融媒体中心
实习记者：刘欢
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
