11-ايدىڭ 15-كۇنى شينجياڭ جياڭنان حالىقارالىق ساۋدا شەكتى سەرىكتەستىگىنىڭ 90 توننا يوۋزى تولتىرا تيەلگەن 4 توڭازىتىپ ساقتاۋ اۆتوكولىگى جيچيڭ جەمىس-جيدەك، كوكونىس قامباسىنان شىعىپ، قازاقستانعا جول الدى. بۇل جەمەنەي وتكەلىنىڭ جەمىس-جيدەك، كوكونىس ەكسپورت كاسىبىنىڭ تىڭ قادام تاستاعاندىعىنان دەرەك بەرەدى. بۇل وسى سەرىكتەستىكتىڭ قاتىستى تولىمدىلىققا يە بولعاننان كەيىنگى تۇڭعىش زات جونەلتۋى.
شينجياڭ جياڭنان حالىقارالىق ساۋدا شەكتى سەرىكتەستىگىنىڭ ساۋدا ديرەكتورى ساۋ گاڭ بىلاي دەدى: بۇدان كەيىن گۋاڭجوۋ جياڭنان بازارىنىڭ بايلىق ارتىقشىلىعىنان تولىق پايدالانىپ، الما، المۇرت قاتارلى ساپالى جەمىس-جيدەك، كوكونىستى كوپتەپ ەكسپورت ەتىپ، حالىقارالىق بازاردى اناعۇرلىم كەڭەيتەمىز.
ۇعىسۋعا قاراعاندا، جيچيڭ جەمىس-جيدەك، كوكونىستى قامبادا ساقتاۋ قامباسىنىڭ جالپى يەلەگەن جەر اۋماعى 3000 شارشى مەتر بولىپ، مۇنداعى 200 شارشى مەترلىك 6 جاس كۇيىندە ساقتاۋ قامباسى 2000 توننا جەمىس-جيدەك، كوكونىستى قامبادا ساقتاۋ قاجەتىن قاناعاتتاندىرا الادى ەكەن. قازىر بۇل قامبادا الما، المۇرت، يوۋزى، ليمون، بايشياڭگو سياقتى ءتۇرلى جەمىس-جيدەك، كوكونىستى ەكسپورت ەتۋ شارت-جاعدايى ازىرلەنگەن، جەرگىلىكتى ۇكىمەت پەن كەدەن، شەكارالىق تەكسەرۋ قاتارلى بىرلەسىپ تەكسەرۋ ورىندارىنىڭ بار كۇشپەن قولداۋىندا، كەدەننەن تەز وتكىزۋگە بولادى ەكەن.
جەمىس-جيدەك، كوكونىس جاس كۇيدەگى تاۋار رەتىندە زات اينالىمى تاسىمالى مەن كەدەننەن ءوتۋدىڭ كۇشكە يە ۋاقىتىنا وتە جوعارى تالاپ قويادى. جەمىس-جيدەك، كوكونىس كاسىپورىندارىنىڭ ەكسپورت كولەمىن كەڭەيتۋىنە كومەكتەسۋ ءۇشىن، جەمەنەي كەدەنى دالمە-ءدال شارا قولدانىپ، ”جاسىل ارنا“ اشتى ءارى ”ينتەرنەت +“ سياقتى زەردەلى تۇعىرلاردان پايدالانىپ، كەدەننەن ءوتۋ ۋاقىتىن 30 مينۋتقا قىسقارتتى.
بۇدان سىرت، جەمەنەي شەكارادان كىرىپ-شىعۋ شەكارا قورعانىسىن تەكسەرۋ پۋنكتى كەدەننەن ءوتۋ ورتاسىن ۇزدىكسىز ساپالىلاندىرىپ، كەدەننەن ءوتۋدىڭ قاۋىرت مەزگىلىندە كەدەننەن ءوتۋ ۋاقىتىن ۇزارتۋ سياقتى ءتۇرلى شارالاردى قولدانىپ، ەكسپورت كاسىپورىندارىمەن ىرىقتى تۇردە ۇشتاسىپ، كەدەننەن ءوتۋدى قامتاماسىزداندىرۋ قىزمەتىن بەلسەنە ويداعىداي ىستەپ، ەكسپورت ەتىلەتىن جەمىس-جيدەكتەردىڭ تەز ارادا تەكسەرىلۋىنە كەپىلدىك ەتەدى.
جاقىنعى جىلداردان بەرى، التاي ايماعى سىرتقا ەسىك اشۋ ستراتەگياسىن جەدەل ىلگەرىلەتكەندىكتەن، شەكارا ساۋداسى قارىشتاپ دامىپ، وتكەل ەكونوميكاسىندا ورنىقتى، ويداعىداي دامۋ جاعدايى جارىققا شىقتى.
来源：雪都嘟/阿勒泰地区融媒体中心
记者：古扎丽·阿布都热西提
通讯员：胡阿尼什·那斯哈提
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
