ساقتاندىرۋ اسپابىن ورناتتى

قىس كەلىسىمەن ءار ۇلت بۇقاراسىنىڭ جىلىنۋ حاۋىپسىزدىگىنە كەپىلدىك ەتىپ، كومىر ىسىنان ۋلانۋ سياقتى حاۋىپسىزدىك شىرعالاڭىنىڭ تۋىلۋىنان ساقتانۋ جانە ونى تەجەۋ ءۇشىن، بىرنەشە كۇننەن بەرى ايماقتاعى ءارقايسى اۋدان (قالا) بەلسەنە اتتانىسقا كەلىپ، قاتىستى قىزمەتكەرلەردى ءارقايسى اۋىلدارعا (قالاشىققا)، قىستاقتارعا (الەۋمەتتىك اۋماقتارعا) بارىپ كومىر ىسىنان ساقتاندىرۋ اسپابىن ورناتۋ جاعدايىن جاپپاي تەكسەرۋگە ۇيىمداستىرىپ، بۇقارانىڭ باس اماندىعى قورعانىس شەبىن ونان ارى بەكەمدەدى.

بيىل شىڭگىل اۋدانىنىڭ اۋىل-قىستاقتارىندا كومىر ىسىنان ساقتاندىرۋ اسپابى مەن جانار گاز سيگنال قوندىرعىسىنىڭ وتباسىلارىنا كىرۋ مولشەرى %100 كە جەتتى. شىڭگىل اۋدانى ارالتوبە قالاشىعى تاستوبە قىستاعىندا قىزمەتكەرلەر قىستاق تۇرعىندارىنا كومىر ىسىنان ساقتاندىرۋ اسپابىن قالاي پايدالانۋدى جانە تەڭشەۋدى سابىرلىلىقپەن ءتۇسىندىرىپ، ءاربىر قىستاق تۇرعىنىنىڭ ونىڭ جۇمىس ءادىسىن جەتىك يگەرۋىنە كەپىلدىك ەتتى.

شىڭگىل اۋدانى ارال قالاشىعى تاستوبە قىستاعىنىڭ تۇرعىنى حان حۋساي بىلاي دەدى: مەشتەن ازىراق ءتۇتىن شىقسا بولعانى ساقتاندىرۋ اسپابى سيگنال بەرەدى، وتە پايدالى.

بۇدان سىرت، شىڭگىل اۋدانى شالعاي قىستاۋلىقتا تۇراتىن مالشىلاردىڭ حاۋىپسىز جىلىنۋ ماسەلەسىنە نازار اۋدارىپ، ىلگەرىندى-كەيىندى 397 مالشى وتباسىنا وشاقتان گاز قاشۋدان ساقتاندىرۋ اسپابىن ورناتىپ، ولاردىڭ قىستان امان-ەسەن وتۋىنە كەپىلدىك ەتتى. ارداق ەرتىس ۇلى قۋانىشتى بەينەدە: بيىل پارتيا مەن ۇكىمەتتىڭ قامقورلىعىندا جاڭا ءۇي سالدىم، كۇن ەنەرگياسى، كومىر ىسىنان ساقتاندىرۋ اسپابى سياقتى قۇرىلعىلار بار، جايلى ءارى حاۋىپسىز،-دەدى.

ساناققا قاراعاندا، شىڭگىل اۋدانى ءارقايسى اكىمشىلىك قىستاقتارعا 7318 وشاقتان گاز قاشۋدان ساقتاندىرۋ اسپابىن تەگىن ورناتقان.

كومىر ىسىنان ساقتاندىرۋ اسپابىن ورناتۋ ءۇشىن، جەمەنەي اۋدانى شالشىقاي اۋىلى ليانتۇڭ سەرىكتەستىگىمەن بىرلەسىپ قىستاق كادرلارىن، تور كوزدەندىرۋ قىزمەتكەرلەرىن وتباسىلارىن ارالاپ كومىر ىسىنان ساقتاندىرۋ اسپابىن ورناتۋعا ۇيىمداستىردى. ءار وتباسىنا بارعاندا، قىزمەتكەرلەر كومىر ىسىنان ۋلانۋدىڭ الدىن الۋ حاۋىپسىزدىك ساۋاتىن ەگجەي-تەگجەيلى ءتۇسىندىردى.

التاي قالاسى شەمىرشەك قالاشىعى اقكەرىش قىستاعىنىڭ تۇرعىنى جاڭ شيۋمەيدىڭ وتباسىندا جۇڭگو تەلەگرافى شينجياڭ التاي بولىمشە سەرىكتەستىگىنىڭ قىزمەتكەرلەرى مەن اۋىلداعى كادرلار كومىر ىسىنان ساقتاندىرۋ اسپابىن تەكسەردى ءارى وعان سيگنال بەرۋ اسپابىنىڭ قاعيداسىن، رولىن جانە كۇندەلىكتى پايدالانۋ ءادىسىن ءتۇسىندىردى.

جۇڭگو تەلەگرابى التاي قالالىق تيجارات ورتالىعىنىڭ ورىنباسار مەڭگەرۋشىسى فىڭ رۇيفىڭ بىلاي دەدى: بىلتىر كومىر ىسىنان ساقتاندىرۋ اسپابىنان 15 مىڭ 212 سىن ورناتتىق. بيىل بۇرىنعى جابدىقتاردى قورعاۋدان سىرت، جاڭادان 131 جابدىق ورناتۋدى جوسپارلادىق. قازىرگە دەيىن 53 ىن ورناتىپ بولدىق، ايدىڭ سوڭىنان بۇرىن ورناتۋ مىندەتىن ورىندايمىز.

كومىر ىسىنان ساقتاندىرۋ اسپابى ىقپالداستىق ابزالدىلىعىنا يە، كومىرتەگى شالا توتىعىنىڭ قويۋلىق جاعدايىن دەركەزىندە كورسەتە الادى، سونداي-اق قويۋلىعى سيگنال بەرۋ دارەجەسىنە جەتكەن كەزدە دىبىس-جارىق سيگنالىن تاراتادى، سونىمەن بىرگە، تەكشەگە جولداپ، ءتۇرلى تاسىلدەر ارقىلى تۇتىنۋشىلار مەن باقىلاۋ-باسقارۋ قىزمەتكەرلەرىنە ۇقتىرىپ، بۇقارانىڭ ءومىرى مەن مال-مۇلكىنىڭ حاۋىپسىزدىگىن شىنايى قامتاماسىزداندىرادى.