التايعا كەلىپ، قار-مۇز سالتاناتىن بىرگە سەزىنۋگە شاقىرامىز

تۇنىق سۋ، جاسىل تاۋ — باعا جەتپەس بايلىق، قار-مۇزدىڭ ءوزى اسىل قازىنا. قىس تۇسكەننەن بەرى، التاي ايماعى وزگەشە جاعراپيالىق ابزالدىلىعى جانە مول قار-مۇز بايلىعىنا سۇيەنىپ، «مەملەكەتتىك كەڭەس كەڭسەسىنىڭ قار-مۇز سپورتىنىڭ جوعارى ساپالى دامۋى ارقىلى قار-مۇز ەكونوميكاسىنىڭ ومىرشەڭدىك كۇشىن قاۋلاتۋ جونىندەگى ءبىرقانشا پىكىرىن» (مەملەكەتتىك كەڭەس كەڭسەسى تاراتقان (2024) 49-ءنومىرلى) بەلسەنە دايەكتىلەندىرىپ، تياناقتاندىرىپ، قار-مۇز ساياحاتىن زور كۇشپەن دامىتىپ، قار-مۇز ساياحاتىنداعى تۇتىنۋدى بەلسەنە جەبەدى. دۋماندى قار مەرەكەسى، ۇلپا قار سالتاناتى، قىسقى سپورت جارىسى قاتارلى ءبىر قىدىرۋ باي مازمۇندى قيمىل ارقىلى التاي ايماعىنىڭ قار-مۇز بايلىعىنىڭ وزگەشە قۇنىن تولىق ايگىلەپ، ”جۇڭگوداعى قارلى مەكەن“ جانە ”ادامزاتتىڭ قار شاڭعى مەكەنى“ ساياحاتىنىڭ تانىمالدىعى مەن ىقپالىن ايگىلەپ، وسىزامانعى قار-مۇز كاسىبى جۇيەسىن جەدەل قۇرىپ، التاي ايماعىن حالىقارالىق ىقپالعا يە قار ـ مۇز ەكونوميكاسى شوعىرلانعان رايون جانە دۇنيە جۇزىندەگى ايگىلى قار ـ مۇز ساياحاتىنىڭ جوعارى ساپالى نىسانالى جەرى ەتىپ قۇرادى.

جاڭا قار ماۋسىمىندا التاي ايماعىنىڭ قار-مۇز ساياحات قيمىلدارى تولاسسىز وتكىزىلىپ، جارقىن تۇيىندەر ارت-ارتىنان جارىققا شىعارىلادى. مۇنىڭ ىشىندە ”داپ شالىنىپ، ءان شىرقالدى“ تۇڭعىش كەزەكتى جۇڭگو شينجياڭ حالىقتىق كوركەمونەر ماۋسىمىنىڭ 3-كەزەكتى سارالاۋ جارىسى 11-ايدىڭ 19-، 20-كۇنى التاي قالاسىندا وتكىزىلىپ، شينجياڭنىڭ حالىقتىق كوركەمونەرىنىڭ الۋان تۇرلىلىگى مەن بۇقارالىق مادەنيەتىنىڭ ومىرشەڭدىك كۇشىن تولىق ايگىلەپ، نەگىزگى ساتى مادەنيەت قيمىلىنىڭ كەڭ كولەمدە ورىستەتىلۋىن جەبەپ، ءار ۇلت بۇقاراسىنىڭ رۋحاني مادەنيەت تۇرمىسىن بايىتادى.

الداعى 2025-جىلعى 2-كەزەكتى ”قار-مۇز جىبەك جولى جۇڭگوداعى قارلى مەكەن“ اتىنداعى التاي تاۋى توڭىرەگىندەگى ەلدەردىڭ قىسقى سپورت جارىسى التاي ايماعىنىڭ قىسقى ساياحاتىنداعى سالتاناتتى ءىس. بۇل سپورت جارىسى 2025-جىلى 1-ايدىڭ 10-كۇنىنەن 15-كۇنىنە دەيىن وتكىزىلەدى دە جالپى 7 ءتۇر، 37 شاعىن ءتۇر ورنالاستىرىلادى، مۇنىڭ ىشىندە 3 مۇز ءۇستى سپورت ءتۇرى، 19 شاعىن ءتۇر بار بولىپ، مۇزدا تەز سىرعاناۋ (12 شاعىن ءتۇر)، قىسقا ارالىققا تەز سىرعاناۋ (5 شاعىن ءتۇر)، مانەرلى سىرعاناۋ (2 شاعىن ءتۇرى) قامتىلسا؛ 4 قار ءۇستى سپورت ءتۇرى، 18 شاعىن ءتۇر بار بولىپ، بيىك تاۋ قار شاڭعىسى (6 شاعىن ءتۇر)، دالالىق قار شاڭعى (6 شاعىن ءتۇر)، سىڭار تاقتالى قار شاڭعى (4 شاعىن ءتۇر)، قار شاڭعىمەن تاۋعا شىعۋ (بايىرعى تەرى قار شاڭعى) (2 شاعىن ءتۇر) قامتىلادى.

شينجياڭنىڭ قىسقى ساياحاتىنىڭ تانىسقىسى بولعان ۇلىڭگىر كولىندەگى قىسقى بالىق اۋلاۋ مادەنيەت-ساياحات مەرەكەسى دە جۇرت نازارىن اۋداردى. بيىلعى قىسقى بالىق اۋلاۋ مەرەكەسى 2025-جىلى 1-ايدىڭ 18-كۇنىنەن 20-كۇنىنە دەيىن بۋرىلتوعاي اۋدانىنداعى ۇلىڭگىر كولىنىڭ قيىنكەرىش كورىنىس رايونىندا وتكىزىلەدى. اشىلۋ سالتى، حالىقتىق سالت-سانا باقىت تىلەۋ قيمىلى، الاۋدى جالعاۋ جانە الاۋ تۇتاندىرۋ سالتى، ”كولگە قۇرمەت ەتىپ، بالىق اۋلاۋ“ باقىت تىلەۋ سالتى، قىسقى بالىق اۋلاۋ، اۋ تارتۋ كورمەسى، بالىق پەن قويدىڭ جاس سورپاسىنان ناق مايداندا اۋىز ءتيۋ قاتارلى تارتىمدى قيمىلدار شار تاراپتان كەلگەن ساياحاتشىلارعا ءداستۇرلى قىسقى بالىق اۋلاۋ مادەنيەتىن سەزىندىرۋمەن بىرگە، قار-مۇزدىڭ قىزىعىنا باتىرادى.

بۇدان سىرت، الۋان ءتۇرلى قار-مۇز سپورت جارىس قيمىلدارى دا ۇزدىكسىز وتكىزىلەدى. 2024-جىلعى شينجياڭ دۋماندى قار مەرەكەسى 2024-جىلى 11-ايدىڭ 22-كۇنىنەن 2025-جىلى 1-ايدىڭ 2-كۇنىنە دەيىن ءۇرىمجى قالاسىندا، التاي ايماعىندا وتكىزىلسە؛ 12-ايدىڭ 4-كۇنىنەن 12-ايدىڭ 8-كۇنىنە دەيىن FWT دۇنيە جۇزىلىك دالالىق قار شاڭعى اينالمالى جارىسى جىكبەلەڭ حالىقارالىق قار شاڭعى دەمالىس رايونىندا وتكىزىلەدى؛ 2024-، 2025-جىلعى جارىس ماۋسىمىنداعى مەملەكەتتىك دالالىق قار شاڭعى اعا جۇلدەگەرلىك جارىسى التايدا تاعى وتكىزىلەدى. بۇدان سىرت، ۇلپا قار سالتاناتى قيمىلىندا دۇنيە جۇزىنە تانىمال ۇستازداردىڭ ساباعى وتىلسە، دۋماندى قار مەرەكەسىندە شيندۇڭفاڭ جاس وسپىرىمدەردىڭ ەركىن قار شاڭعى تەبۋ لاگەرى، (قوس ءتىل)، قار شاڭعىمەن تاۋعا شىعۋ جاتتىعۋ لاگەرى، ۇلپا قار قوناق بولمەسى قاتارلى تارتىمدى قيمىل ورىستەتىلەدى.

جەلىلەس قيمىلدار التاي ايماعىندا ىركەس-تىركەس وتكىزىلىپ، قار شاڭعى اۋەسكەرلەرىنە ونەر كورسەتۋ تەكشەسىن ازىرلەپ قالماستان، التايدىڭ قار-مۇز ساياحاتىنىڭ دامۋىن دا ونان ارى ىلگەرىلەتەدى.

شياۋحۇڭشۋ قار ادام مەرەكەسى 2.0 12-ايدىڭ 20-كۇنىنەن 23-كۇنىنە دەيىن، گەنەرال تاۋى حالىقارالىق قار شاڭعى دەمالىس رايونىندا وتكىزىلەدى. بۇل قيمىل قار شاڭعى تەبۋدى، قار ويىندارىن نەگىزگى تاقىرىپ ەتىپ، قار شاڭعى الاڭىندا ارناۋلى رايون قۇرۋ ارقىلى جانە جۇرگىزۋشى، كوركەمونەرشىلەردىڭ ات سالىسۋى ارقىلى ساياحاتشىلاردى وزگەشە قار-مۇز كەشىرمەسىمەن قامدايدى.

وسى قىستا سىزدەردى التايعا كەلىپ، قار-مۇز سالتاناتىن بىرگە سەزىنۋگە شاقىرامىز!