بۋىرشىن اۋدانى: قامتاماسىزداندىرۋ سيپاتتى مايعا بەرىلەتىن
تۇرعىن ءۇي بۇقارانى الاڭسىز ەتتى
بۋىرشىن اۋداندىق توعىسپالى مەديا ورتالىعىنىڭ ءتىلشىسى جازيرا باقىتبەك قىزى حابارلايدى. تۇرعىن ءۇي — حالىق تۇرمىسىنا ساياتىن ماڭىزدى ينجەنەريا. جاقىنعى جىلداردان بەرى، بۋىرشىن اۋدانى قامتاماسىزداندىرۋ سيپاتتى مايعا بەرىلەتىن تۇرعىن ءۇي ينجەنەرياسىن كۇش سالا اتقارىپ، سايكەستى قۇرىلعىلار قۇرىلىسىن جەدەلدەتىپ، جىل سايىن قامتاماسىزداندىرۋ سيپاتتى مايعا بەرىلەتىن تۇرعىن ۇيلەر سالىپ، سىرتتان كەلگەن جۇمىسكەرلەر، جاڭادان كاسىپتەنگەن جۇمىسشى-قىزمەتكەرلەر، قالاعا كىرىپ جۇمىس ىستەۋشىلەر قاتارلى قاۋىمنىڭ ۋاقىتتىق تۇرعىن ءۇي قيىنشىلىعىن شەشىپ، حالىق بۇقاراسىنىڭ باسىندا باسپاناسى، جايلى قونىسى بولۋىنا مۇمكىندىك جاساپ، ولاردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتتى.
جاقىندا، ءتىلشى جيالين جيڭيۋان شاعىن رايونىندا تۇراتىن ارشىن قىزىرباي ۇلىنىڭ قامتاماسىزداندىرۋ سيپاتتى مايعا بەرىلگەن ۇيىنە كەلدى، ونىڭ ءۇيى جانعا جايلى، ءتۇرلى قاجەتتى قۇرىلعىلارى تولىق ەكەن. قالاعا كىرىپ جۇمىس ىستەگەن 5 جىلدا باسپانا ماسەلەسى ارشىننىڭ ەڭ باس قاتىرىپ كەلگەن ءىسى بولاتىن. قامتاماسىزداندىرۋ سيپاتتى مايعا بەرىلەتىن تۇرعىن ءۇيدى ءوتىنىش ەتۋگە بولادى دەگەن حاباردى ەستىگەننەن كەيىن، ول دەرەۋ وتباسىنداعىلارمەن اقىلداسىپ، قاتىستى تاراۋلارعا ءوتىنىش بەرەدى.
جەمەنەي اۋدانى: وتباسىنا دەيىن تاماق جەتكىزىپ قىزمەت وتەۋ
قارتتاردىڭ تاماقتانۋ ماسەلەسىن شەشتى
جەمەنەي اۋداندىق توعىسپالى مەديا ورتالىعىنىڭ ءتىلشىسى بەردىبەك نارىنقان ۇلى حابارلايدى. جاقىنعى كۇندەردەن بەرى، جەمەنەي اۋدانى توپتەرەك قالاشىعى وركەنيەت جولى الەۋمەتتىك اۋماعى پارتيا مۇشەلەرى مەن بۇقاراعا قىزمەت وتەۋ ورتالىعىنىڭ 2-قاباتىندا قارتتارعا مەيىرىمدىلىك جەتكىزۋ قىزمەت وتەۋ رايونىن قۇرىپ، ”كەشكى التىن اراي“ نىسانىنا سۇيەنىپ، قاراستى اۋماقتاعى جالعىز تۇراتىن 34 قارتقا اقىسىز تاماقتانۋ قىزمەت وتەۋىن ازىرلەپ، ءجۇرىپ-تۇرۋى قولايسىز قارتتاردىڭ ۇيلەرىنە دەيىن تاماق جەتكىزىپ بەردى.
جالعىز تۇراتىن، جاسى ۇلعايعان قارتتار قاۋىمىنىڭ تاماقتانۋى قيىن بولۋداي شۇعىل، قيىن، ۋايىمداعان، ءزارۋ ماسەلەسىن شەشۋ ءۇشىن، توپتەرەك قالاشىعى قارتتاردىڭ تاماقتانۋىنا كومەكتەسۋ قىزمەتىن وتەپ، قارتتاردىڭ الاڭسىز، كوڭىلدى تاماقتانۋىنا مۇمكىندىك جاساپ، ولاردىڭ تابىس سەزىمى مەن باقىت سەزىمىن اناعۇرلىم جوعارىلاتتى.
بۋرىلتوعاي اۋدانى: نازاردى لاس سۋدى ءبىرجايلى ەتۋگە شوعىرلاندىرىپ،
بۇقارانىڭ تۇرمىس ورتاسىن جاقسارتتى
بۋرىلتوعاي اۋداندىق توعىسپالى مەديا ورتالىعىنىڭ تىلشىلەرى مەرەكە قاليقان ۇلى، جۇلدىز نۇرعالىم قىزى حابارلايدى. قالا مەن اۋىلدىڭ لاس سۋىن ءبىرجايلى ەتۋ ماڭىزدى حالىق تۇرمىسى ينجەنەرياسى. 2024-جىلى بۋرىلتوعاي اۋدانى قالا مەن اۋىلدىڭ تۇرمىستىق لاس سۋىن جونگە سالۋعا ۇزدىكسىز نازار اۋدارىپ، لاس سۋدى تازارتىپ، قالانى اناعۇرلىم كورىكتەندىرىپ، بۇقارانى اناعۇرلىم جايلى تۇرمىسقا كەنەلتتى.
شينجياڭ يۇنتاي ورتانى قورعاۋعا قارجى قوسۋ شەكتى سەرىكتەستىگى بۋرىلتوعاي اۋداندىق لاس سۋدى ءبىرجايلى ەتۋ زاۆودىندا قىزمەتكەرلەر لاس سۋدى ءبىرجايلى ەتۋ جۇمىسىن تارتىپپەن جۇرگىزىپ، الدىن الا ءبىرجايلى ەتۋ، بيولوگيالىق ءبىرجايلى ەتۋ، ىشكەرىلەي ءبىرجايلى ەتۋ قاتارلى ءبىرقىدىرۋ جۇمىس تارتىپتەرى ارقىلى قىرۋار تۇرمىستىق لاس سۋ مەن ونەركاسىپ جاراقسىز سۋىن ءونىمدى تازارتتى.
شينجياڭ يۇنتاي ورتانى قورعاۋعا قارجى قوسۋ شەكتى سەرىكتەستىگى بۋرىلتوعاي اۋداندىق لاس سۋدى ءبىرجايلى ەتۋ زاۆودىنىڭ باستىعى ابدۋايات ابىلاحات بىلاي دەدى: قازىر لاس سۋدى ءبىرجايلى ەتۋ مەملەكەتتىك 1-دارەجەلى A تۇردەگى ءبىر جاقتى ەتۋ ولشەمىنە جەتتى ءارى S21 قۇمدى ءشول تاس جولى (التاي — ءۇرىمجى جوعارى قارقىندى تاس جولى) مەن كۇيتۇن — التاي جوعارى قارقىندى تاس جولىنىڭ ەكى جاعىنداعى 7600 مۋعا جۋىق ورمان بەلدەۋىن سۋارۋعا، جاسىلداندىرۋعا پايدالانىلادى. سونىمەن بىرگە، سۋ ساپاسىن تەكسەرۋ لاباراتورياسى مەن جەلىدە باقىلاۋ-تەكسەرۋ بولمەسىن ورنالاستىرىپ، بۋرىلتوعاي اۋدانىنىڭ لاس سۋدى ءبىر ءبىرجايلى ەتۋدەگى ءتۇرلى قىزمەتتەرىن قامتاماسىزداندىردىق.
قازىرگە دەيىن، شينجياڭ يۇنتاي ورتانى قورعاۋعا قارجى قوسۋ شەكتى سەرىكتەستىگى بۋرىلتوعاي اۋداندىق لاس سۋدى ءبىرجايلى ەتۋ زاۆودى تۇتاس جىلدا جيىنى 2 ميلليون 372 مىڭ 500 تەكشەمەتر لاس سۋدى ءبىرجايلى ەتىپ، كۇندىك ەڭ جوعارى ءبىرجايلى ەتۋ مولشەرى 6500 تەكشەمەترگە جەتىپ، شىققان سۋ «قالا-قالاشىق لاس سۋدى ءبىرجايلى ەتۋ زاۆودىنىڭ لاس زاتتاردى شىعارۋ ولشەمىندەگى» (GB18918-2002) 1-دارەجەلى A تۇردەگى ولشەمگە جەتتى. قالا-قالاشىقتارداعى تۇرمىستىق لاس سۋدى ءبىرجايلى ەتۋ قابىلەتى قۇرىلىسىن ۇزدىكسىز كۇشەيتۋ ارقىلى حالىق بۇقاراسىن ”سۋ باسقارۋدىڭ“ باقىت سەزىمى مەن تابىس سەزىمىنەن يگىلىكتەندىردى.
来源：雪都嘟/阿勒泰地区融媒体中心综合
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
