ايماقتىق پارتكوم ايماقتىق پارتكوم كوميتەتىنىڭ ءماجىلىسىن اشتى

11-ايدىڭ 14-كۇنى التاي ايماقتىق پارتكوم ايماقتىق پارتكوم كوميتەتىنىڭ ءماجىلىسىن اشىپ، باس شۋجي شي جينپيڭنىڭ حۋبەيدا قىزمەت تەكسەرگەن كەزدەگى ماڭىزدى ءسوزىنىڭ رۋحىن، گۋاڭدۇڭنىڭ جۋحاي قالاسىنداعى اۆتوكولىكپەن جۇرگىنشىلەردى سوعۋ دەلوسى جونىندە بەرگەن ماڭىزدى نۇسقاۋىنىڭ رۋحىن، قوعامدىق قىزمەت جونىندە بەرگەن ماڭىزدى نۇسقاۋىنىڭ رۋحىن جانە تاياۋداعى ماڭىزدى قۇتتىقتاۋ حاتتارىنىڭ رۋحىن ۇيرەندى، دايەكتىلەندىردى، بيڭتۋان مەن جەرگىلىكتى ورىننىڭ توعىسپالى دامۋى، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ قىزمەتىن اقىلداستى. ايماقتىق پارتكومنىڭ شۋجيى شيە شاۋدي ءماجىلىستى باسقاردى.

ماجىلىستە مىنالار باسا دارىپتەلدى: باس شۋجي شي جينپيڭنىڭ حۋبەيدا قىزمەت تەكسەرگەن كەزدەگى ماڭىزدى ءسوزىنىڭ رۋحىن مۇقيات ۇيرەنۋدى، دايەكتىلەندىرۋدى باس شۋجي شي جينپيڭنىڭ شينجياڭ جانە بيڭتۋان قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن ۇيرەنۋمەن، دايەكتىلەندىرۋمەن ۇشتاستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە-ءدال، جاپپاي دايەكتىلەندىرىپ، ايماقتىڭ رەفورما، دامۋ، ورنىقتىلىق قىزمەتىندە قۇلشىنا جاڭا جاعداي اشۋ قاجەت. عىلىم-تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن ىلگەرىلەتىپ، شەشۋشى، وزەكتى تەحنيكادان قامال الۋ جانە عىلىم-تەحنيكا جەتىستىگىن كادەگە جاراتۋ تەبىنىن ارتتىرۋ كەرەك. جوعارى دەڭگەيدەگى سىرتقا ەسىك اشۋدى جەدەل ىلگەرىلەتىپ، جىبەك جولى ەكونوميكالىق بەلدەۋى وزەكتى رايونى قۇرىلىسىنا بەلسەنە توعىسىپ، وتكەلدەردەگى كەدەننەن وتكىزۋ ونىمدىلىگىن ارتتىرىپ، كاسىپ سالالارى ىرگە تەپكەن ورىنداعى مانەرلەۋدى كۇشەيتۋ ءتيىس. قالا-اۋىلداردىڭ توعىسپالى دامۋىن ىشكەرىلەي ىلگەرىلەتىپ، اۋىل-قىستاقتى جاپپاي گۇلدەندىرۋدى ءبىرتۇتاس جوسپارلاپ ىلگەرىلەتىپ، ەگىنشى-مالشىلاردىڭ كىرىسىن ۇزدىكسىز، ورنىقتى ارتتىرىپ اۋقاتتانۋىنا جەبەۋشى بولۋ قاجەت. شينجياڭدى مادەنيەتپەن نارلەندىرۋدى ىشكەرىلەي ورىستەتىپ، مادەنيەت پەن ساياحاتتى توعىستىرا دامىتۋ ارقىلى ارالاسۋدى، ىشتەسۋدى، توعىسۋدى جەبەپ، جۇڭحۋا ۇلتى ورتاق تۇلعا تانىمىن بەكەمدەۋدىڭ جۇرت كوڭىلىنە تەرەڭ ۇيالاۋىن ىلگەرىلەتۋ كەرەك. پارتيانىڭ جاپپاي باسشىلىعىنا تاباندى بولىپ جانە ونى كۇشەيتىپ، رەفورمانى جاپپاي تەرەڭدەتۋدى ىلگەرىلەتىپ، پارتيا ورتالىق كوميتەتىنىڭ، اۆتونوميالى رايوندىق پارتكومنىڭ ورنالاستىرۋلارى مەن تالاپتارىن التايدا تياناقتاندىرىپ، ءونىمدى بولۋىنا شىنايى كەپىلدىك ەتۋ كەرەك. 4-توقسانداعى ەكونوميكالىق قىزمەتتى بار كۇشپەن ويداعىداي يگەرىپ، تۇتاس جىلداعى نىسانا-مىندەتتى جوعارى ساپامەن ورىنداۋعا شىنايى كەپىلدىك ەتۋ قاجەت.

ماجىلىستە مىنالار باسا دارىپتەلدى: باس شۋجي شي جينپيڭنىڭ گۋاڭدۇڭنىڭ جۋحاي قالاسىنداعى اۆتوكولىكپەن جۇرگىنشىلەردى سوعۋ دەلوسى جونىندە بەرگەن ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، تەرەڭ ساباق قابىلداپ، بىرەۋى ارقىلى وزگەسىن تۇسپالداۋعا تاباندى بولىپ، حاۋىپ-قاتەردەن تۋ باستان ساقتانۋ-تىزگىندەۋدى اناعۇرلىم كۇشەيتىپ، قايشىلىق پەن داۋ-شاردى ايرىقشا قۇنتتىلىقپەن ويداعىداي ءبىر-بىرلەپ تەكسەرىپ شەشۋ، الەۋمەتتىك حاۋىپسىزدىك سالاسىنداعى حاۋىپ-قاتەر مەن كومەسكى كىناراتتى ءبىر-بىرلەپ تەكسەرۋ، جونگە سالۋ قىزمەتىن جاپپاي ورىستەتىپ، قوعام اماندىعى جاعىنداعى ءتۇرلى كورنەكتى كومەسكى كىناراتتى شىنايى ارىلتۋ، قوعامدىق كەلەلى جاعدايدىڭ ورنىقتىلىعىنا جانە حالىق بۇقاراسىنىڭ ءومىرى مەن مال-مۇلكىنىڭ حاۋىپسىزدىگىنە بار كۇشپەن شىنايى كەپىلدىك ەتۋ كەرەك.

ماجىلىستە مىنالار باسا دارىپتەلدى: ورتالىق كوميتەت تۇڭعىش رەت قوعامدىق قىزمەت ءماجىلىسىن اشتى، باس شۋجي شي جينپيڭ قوعامدىق قىزمەت جونىندە ماڭىزدى نۇسقاۋ بەرىپ، جاڭا داۋىردەگى قوعامدىق قىزمەتتى ويداعىداي ىستەۋگە ايقىن باعدار كورسەتتى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن مۇقيات ۇيرەنىپ، دايەكتىلەندىرىپ، پارتيانىڭ قوعامدىق قىزمەتكە جاپپاي باسشىلىعىنا تاباندى بولىپ جانە ونى كۇشەيتىپ، جاڭا داۋىردەگى پارتيانىڭ بۇقارالىق لۋشيانىن ىشكەرىلەي امالياتتا ايگىلەپ، نەگىزگى ساتىنى باسقارۋ مەن نەگىزگى ساتى بيلىك قۇرىلىسىنا پارتيا قۇرىلىسى ارقىلى جەتەكشىلىك ەتۋگە تاباندى بولۋ كەرەك. قوعامدىق قىزمەت ءتۇزىلىس-مەحانيزمىن ۇزدىكسىز اقاۋسىزداندىرىپ، قوعامدىق قىزمەتتىڭ ءتاسىلى مەن ءادىس-امالىنا جاڭالىق ەنگىزىپ، قوعامدىق قىزمەتتى جوعارى ءونىمدى ءبىرتۇتاس جوسپارلاپ سايكەستىرۋگە، ءار جاقتاعى بايلىقتى ءونىمدى رەتتەپ بىرىكتىرۋگە قوزعاۋشىلىق ىستەپ، ايماقتا قوعامدىق قىزمەتتىڭ جوعارى ساپالى دامۋىن ىلگەرىلەتۋ قاجەت.

ماجىلىستە باس شۋجي شي جينپيڭنىڭ تۇڭعىش كەزەكتى دۇنيە ءجۇزى كلاسسيكالار جينالىسىنا، ”جەر شارىنىڭ وڭتۇستىگى“ مەديا اقىلماندار قويماسى جوعارى دارەجەلىلەر تالقى مىنبەرىنە جانە جۇڭشان داشۋەسى قۇرىلعاندىعىنىڭ 100 جىلدىعىنا جولداعان ماڭىزدى قۇتتىقتاۋ حاتتارىنىڭ رۋحىن جەتكىزدى، ۇيرەندى. ماجىلىستە مىنالار باسا دارىپتەلدى: توڭىرەكتەگى ەلدەرمەن مادەنيەت اۋىس-كۇيىسى مەن سەلبەستىگىن تەرەڭدەتىپ، ”شاقىرىپ اكەلۋ“، ”سىرتقا شىعارۋ“ تەبىنىن ارتتىرىپ، التايدىڭ وبرازىن ايگىلەپ، التاي حيكاياسىن ويداعىداي بايانداۋ قاجەت. وقۋ-اعارتۋ ءتۇزىلىسى رەفورماسىن ۇزدىكسىز تەرەڭدەتىپ، وقۋ-اعارتۋدى باسقارۋ جۇيەسى مەن باسقارۋ قابىلەتىن وسىزامانداندىرۋدى تىڭعىلىقتى ىلگەرىلەتىپ، وقۋ-اعارتۋ ىستەرىنىڭ دامۋىن شىنايى ىلگەرىلەتۋ ءتيىس.

ماجىلىستە بيڭتۋان مەن جەرگىلىكتى ورىننىڭ توعىسپالى دامۋى قىزمەتىنە قاتىستى احۋالدار جونىندە مالىمەت تىڭدالىپ، مىنالار باسا دارىپتەلدى: باس شۋجي شي جينپيڭنىڭ بيڭتۋان مەن جەرگىلىكتى ورىننىڭ توعىسپالى دامۋى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، وڭىرلەردى سايكەستى دامىتۋ ۇستانىمىنا تاباندى بولىپ، ”ءبىرتۇتاس جۇيە“ يدەياسىن بەرىك ورناتىپ، توعىسپالى دامۋدا اناعۇرلىم كەڭ كولەمگە، اناعۇرلىم تەرەڭ قاباتقا، اناعۇرلىم جوعارى دەڭگەيگە قادام تاستاۋدى ىلگەرىلەتۋ كەرەك.

ماجىلىستە فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ قىزمەتىن اقىلداستى. ماجىلىستە مىنالار باسا دارىپتەلدى: پارتيا ورتالىق كوميتەتىنىڭ فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋ قىزمەتىن ورىستەتۋىنىڭ كەلەلى ءمانىن تەرەڭ ءتۇسىنىپ، ساياسي سانالىلىقتى، يدەيالىق سانالىلىقتى، ارەكەت سانالىلىعىن شىنايى كۇشەيتىپ، وڭاۋ، رەتتەۋ-تۇزەتۋ قىزمەتىن شەگە قاعۋ رۋحىمەن ىلگەرىلەتۋ قاجەت. جوعارىنىڭ تومەنگە باستاماشىلدىق ەتۋىنەن جازباي، شىندىققا جۇگىنۋ، ناقتى ءىس ىستەۋ ستيلىن اسقاقتاتىپ، فورماشىلدىقتى وڭاپ نەگىزگى ساتىنىڭ اۋىرتپالىعىن جەڭىلدەتۋدەگى زاڭ-ەرەجەلەر مەن تۇزىمدەردىڭ ناقتىلانۋىن، تياناقتانۋىن، ارەكەتتە ايگىلەنىپ، ءونىمدى بولۋىن ىلگەرىلەتۋ كەرەك. ۇقىق پەن جاۋاپكەرشىلىكتىڭ بىردەيلىگىنە، ءىس ۇقىعىن زاڭدا بەلگىلەۋگە تاباندى بولىپ، ءتارتىپتىڭ اتقارىلۋىن باقىلاۋدى قاتاڭداستىرىپ، تۇلعالىق جاۋاپكەرشىلىكتى ناقتىلاندىرىپ، مىندەتىن وتەمەگەندەردى، جاۋاپكەرسىزدىك ىستەگەندەردى قاتاڭ قۋزاستىرۋ، كورنەكتى ماسەلەلەردى دەركەزىندە شەشىپ، نەگىزگى ساتىنىڭ اۋىرتپالىعىن جەڭىلدەتۋ قىزمەتىنىڭ تەرەڭدەۋىن، ناقتىلانۋىن ىلگەرىلەتۋ كەرەك.

ماجىلىستە باسقا دا قاتىستى ىستەردى اقىلداستى.