جۋىقتا، التاي اۋىل شارۋاشىلىق ساۋدا بانكەسى مەن التاي قالالىق اۋىل-قىستاق مال-مۇلىك ۇقىعىن اينالىمعا سالۋ ساۋدا ورتالىعى شەكتى جاۋاپكەرشىلىك سەرىكتەستىگى مەردىگەر شاقىرۋ تەكشەسى قۇرىلىس نىسانى جونىندە ىشكەرىلەي كەڭەس وتكىزدى ءارى جوعارى دارەجەلى سەرىكتەستىكپەن 5 جىلدىق ستراتەگيالىق كەلىسىمگە قول قويىستى. بۇل ەكى جاقتىڭ فينانستىق قىزمەت وتەۋى مەن جەردى اينالىمعا سالۋ سالاسىندا ىشكەرىلەي سەلبەستىك ورناتىپ، ”بانكە مەن ۇكىمەت بىرلەسە قيمىلداپ“، ”اۋىل-شارۋاشىلىق، اۋىل-قىستاق، شارۋالارعا“ قىزمەت وتەۋدىڭ جاڭا ارناسىن كەڭەيتۋىنە بەرىك نەگىز قالاعاندىعىنان دەرەك بەرەدى.
التاي اۋىل شارۋاشىلىق ساۋدا بانكەسى التاي قالالىق پارتكوم، قالالىق ۇكىمەتتىڭ قاتىستى تاراۋلارىمەن بەلسەنە سايكەسىپ، نازاردى ”اۋىل شارۋاشىلىعى، اۋىل-قىستاق، شارۋالارعا“ قىزمەت وتەۋدىڭ تۇلعالىق جاۋاپكەرشىلىگىنە شوعىرلاندىردى؛ ”تەز ارەكەتتەنۋ، ەرتە تياناقتاندىرۋ“ قىزمەت پرينسىبى بويىنشا، دەن قويا ۇيىمداستىرىپ، ”العاشقى قادامدى“ ويداعىداي باسىپ، جەردى اينالىمعا سالۋعا قارجى جاعىنان پارمەندى قولداۋ كورسەتتى جانە فينانستىق قىزمەت وتەدى.
سەلبەستىكتىڭ ءونىمدى، ىركىلىسسىز بولۋىنا شىنايى كەپىلدىك ەتۋ ءۇشىن، التاي اۋىل شارۋاشىلىق ساۋدا بانكەسى قاتىستى مەحانيزم ورناتىپ جانە كەمەلدەندىرىپ، باستاماشى تاراۋلار جان-جاقتى ورنالاستىرۋ جاساپ، ”جاسىل تەرەزە“ اشتى ءارى ارناۋلى ادام ورنالاستىرىپ، ەسەپ اشۋ قىزمەتىن جان-جاقتى ىستەدى. بۇل شارا قىزمەت وتەۋ ونىمدىلىگىن زور مولشەردە جوعارىلاتىپ، جەردى اينالىمعا سالۋ ساۋداسىنىڭ ءساتتى ءجۇرىلۋىن كەپىلمەن قامدادى.
بۇدان سىرت، ەكى جاقتىڭ سەلبەستىگى ينفورماتسيانى ورتاقتاسۋ جانە ابزالدىلىقتارىمەن ءوزارا تولىقتاۋدى جۇزەگە اسىردى. وسى رەتكى سەلبەستىك ارقىلى جەردى اينالىمعا سالۋ بازارى اناعۇرلىم ارناعا ءتۇسىپ، ساۋدا ونىمدىلىگى مەن جاريالىلىعى كورنەكتى جوعارىلاپ، بۇدان بىلايعى قارجىنى بانكەگە قايتارۋ مەن قارىز اقشانى دالمە-ءدال تيجارات ەتۋدى ماڭىزدى ينفورماتسيالىق تىرەكپەن قامدادى.
ۇعىسۋعا قاراعاندا، التاي قالالىق اۋىل-قىستاق مال-مۇلىك ۇقىعىن اينالىمعا سالۋ ساۋدا ورتالىعى شەكتى سەرىكتەستىگى 43100 مۋ جەردى اينالىمعا سالىپ، جەر ينفورماتسياسىنان 69 ىن جاريالاپ، 24 بولەك جەردى اينالىمعا ءساتتى سالىپ، ساۋدا سوماسى 33 ميلليون 180 مىڭ يۋانعا جەتتى. بۇل ءبىر قىدىرۋ ناتيجە التاي اۋىل شاراشىلىق ساۋدا بانكەسىنىڭ فينانستىق قىزمەت وتەۋ ۇلگىسىندە جاڭالىق اشۋ ىزدەنىسىن ايگىلەپ قانا قالماي، قاراستى وڭىردەگى جەردى شوعىرلاندىرۋ جانە اينالىمعا سالۋدى ارنايىلاندىرۋ، جۇيەلىلەندىرۋ، سيفرلاندىرۋ جاعىندا قول جەتكىزگەن كورنەكتى تابىستارىن ايگىلەدى.
来源：雪都嘟/阿勒泰地区融媒体中心
通讯员：谢雨超
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
