![]()
![]()
![]()
جۋىردا، 33-رەتكى جۇڭگو اسپازدار مەرەكەسى جانە 2024-جىلعى جۇڭگو اسپازدار كورمەسى سىچۋان ولكەسى يبين قالاسىندا اياقتادى. التاي ايماعى قابا اۋداندىق قوناقجاي اكىمشىلىگىنىڭ باس اسپازى دۋ فىڭلين ءوزى دايىنداعان ”ەرتىس ءدارى اڭعارىنداعى قوي ەتىنەن جاسالعان سەگىز ءتۇرلى تاعام“ ارقىلى ”جۇڭگوداعى ەڭ ۇزدىك اسپاز“ التىن مەدالىن الدى.قابا اۋدانىنىڭ مول جاراتىلىستىق بايلىعى مەن وزگەشە وڭىرلىك مادەنيەتىنەن، جەرگىلىكتى تۇرعىنداردىڭ قۇرمەتتى قوناعىن ءبۇتىن قويمەن كۇتەتىن سالتىنان شابىت العان دۋ فىڭلين ” قوي ەتىنەن جاسالعان سەگىز ءتۇرلى تاعامدى“ تاڭداپ الىپ، جەرگىلىكتى جۇڭگوشا دارىلىك شوپتەرمەن ۇشتاستىرۋ ارقىلى وسى تاعامدى زەر سالا دايىنداپ شىققان. بۇل سەگىز ءتۇرلى تاعام جەكە-جەكە مەرگيا سالىنعان قويدىڭ باسى، شىتىرشىق سالىنعان مويىن، تاسپا ءشوپ سالىنعان قابىرعا، شايعا پىسىرىلعان قويدىڭ ىشەگى، دەنساۋلىق كۇتىمدەۋ تاعامى، ماقسارى سالىنعان باۋىر، الاقاتپەن پىسىرىلعان سيراق، بەديان سالىنعان قارىن.قابا اۋدانىندا ”ەرتىس ءدارى اڭعارىنداعى قوي ەتىنەن جاسالعان سەگىز ءتۇرلى تاعامنان“ سىرت، شىرعاناق لاڭمانى، قارا ساڭىراۋقۇلاق سالىپ پىسىرىلعان تاۋىق ەتى، دەنساۋلىقتى كۇتىمدەيتىن دارىلىك تاعام قاتارلى ەرەكشەلىككە يە ءدامدى تاعامداردىڭ بارلىعىنىڭ وزىنە ءتان وزگەشە ءدامى بار.جۇڭگو اسپازدار مەرەكەسى ”جۇڭگو اسپازدار وليمپياداسى“ دەپ اتالعان، جۇڭگوداعى ۇزدىك اسپازداردىڭ اۋىس-كۇيىس جاساۋ مەرەكەسى، جۇڭگو اس-سۋ كاسىبىنىڭ باعدار كورسەتكىشى. بيىلعى جۇڭگو اسپازدار مەرەكەسىندە ”ءماجىلىس“، ”كورمە“، ”جارىس“ قاتارلى ءۇش ۇلكەن جەلىلەس باي قيمىل وتكىزىلدى، بۇل جۇڭگو اس-سۋ كاسىبىنىڭ دامۋ جەتىستىگىن ايگىلەپ، ءىرى ەل شەبەرلەر رۋحىنا مۇراگەرلىك ەتىپ جانە ونى ساۋلەلەندىرىپ، اس-سۋ كاسىپ تىزبەگىنىڭ ىقپالداستىعىن ىلگەرىلەتىپ، تۇتىنۋ كومەسكى كۇشىن جاپپاي قاۋلاتىپ، بەدەلدى جانە ومىرشەڭدىك كۇشكە يە ”اۋىس-كۇيىس+ ساۋدا“ تۇعىرىن قالىپتاستىردى.
来源：中国新闻网 中国烹饪协会 雪都融媒 哈巴河县零距离
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
