التايلىقتار! ەلەكتروندى نۇسقاسىنا ءوتىنىش بەرۋلەرىڭىزگە بولادى

11-ايدىڭ 18-كۇنى ءتىلشىنىڭ ايماقتىق قوعام حاۋىپسىزدىگى مەكەمەسىنىڭ قاتىناس ساقشى تارماق اترەتىنەن ۇعىسۋىنشا، قوعام حاۋىپسىزدىگى قاتىناس باسقارۋ، حالىققا قولايلىلىق جاساۋ، كاسىپورىنعا تيىمدىلىك جاساۋ رەفورماسىن اناعۇرلىم تەرەڭدەتۋ ءۇشىن، سول كۇننەن باستاپ جەكە جانە مەكەمە-ورىننىڭ اۆتوكولىك شوفەرلەرى تەك قاتىناس باسقارۋ ”12123“ APP ىنە تىركەلسە بولعانى ەلەكتروندى قاتىناۋ كۋالىگىن الۋعا ءوتىنىش بەرۋىنە بولادى ەكەن.

ۇعىسۋعا قاراعاندا، بيىل 7-ايدا قوعام حاۋىپسىزدىگى مينيسترلىگى موتورلى كولىكتەردىڭ قاتىناۋ كۋالىگىن ەلەكترونداندىرۋدى قامتىعان حالىققا قولايلى، كاسىپورىندارعا ءتيىمدى 8 ءتۇرلى جاڭا شارانى ورتاعا قويعان، سونداي-اق بەيجيڭ، تيانجين قاتارلى 60 قالادا ءتۇيىندى تۇردە سىناق ەتكەن. سىناق ءتۇيىنى كەزىندە بۇل شارا كورنەكتى ونىمدىلىككە قول جەتكىزىپ، 50 ميلليوننان استام اۆتوكولىك يەسىنە ەلەكتروندى قاتىناۋ كۋالىگىن تاراتقان. رەفورما جەتىستىكتەرىن ونان ارى كەڭەيتۋ ءۇشىن، قوعام حاۋىپسىزدىگى مينيسترلىگى 11-ايدىڭ 4-كۇنىنەن 12-ايدىڭ 2-كۇنىنە دەيىن، بۇكىل ەل كولەمىندە موتورلى كولىكتەردىڭ قاتىناۋ كۋالىگىن ەلەكترونداندىرۋدى 3 توپقا ءبولىپ جاپپاي جالپىلاستىرۋدى ۇيعارعان.

ولاي بولسا، ەلەكتروندى قاتىناۋ كۋالىگىن الۋعا قالاي ءوتىنىش بەرەدى؟ جەكەلىك اۆتوكولىك شوفەرلەرى تەك ”قاتىناس باسقارۋ 12123“ APP ىنە تىركەلىپ، باس بەتتەگى ”ەلەكتروندى كۋالىك“ يقۋاتىن باسىپ، ”ەلەكتروندى كۋالىك“ قوسىمشا يقۋاتىنا كىرگەننەن كەيىن ءوز اتىنداعى موتورلى كولىكتى كورە الادى ءارى ەلەكتروندى قاتىناۋ كۋالىك دەگەننىڭ وڭ شەتىندەگى ”ءوتىنىش بەرۋ“ دەگەندى باسىپ ءوتىنىش بەرۋىنە بولادى. مەكەمە-ورىننىڭ اۆتوكولىك شوفەرلەرى مەكەمە-ورىننىڭ اۆتوكولىگىن جۇرگىزۋشىلەر نۇسقاسىنا الماستىرۋى كەرەك. باس بەتتىڭ استىڭعى جاعىنداعى موتورلى كولىك ءتىزىمىن باسىپ، ”موتورلى كولىكتىڭ ەگجەي-تەگجەيلى ينفورماتسياسى“ بەتىنە كىرگەننەن كەيىن، ”ەلەكتروندى قاتىناۋ كۋالىگى“ دەگەندى باسىپ ءوتىنىش بەرەدى. ءوتىنىش بەرۋ بارىسىندا سيستەما موتورلى كولىكتىڭ احۋال ينفورماتسياسىن اۆتوماتتى تەكسەرەدى ءارى ”قاتىناس باسقارۋ 12123“ APP ارقىلى ءوتىنىش بەرۋ ناتيجەسىن ۇقتىرادى.

ەلەكتروندى قاتىناۋ كۋالىگىنىڭ قولدانىلۋى توتەنشە قولايلى. تۇتىنۋشىلار تەك ”قاتىناس باسقارۋ 12123“ APP ىن اشىپ، باس بەتتەگى ”ەلەكتروندى كۋالىك“ يقۋاتىن باسسا بولعانى ەلەكتروندى قاتىناۋ كۋالىگىن كورسەتە الادى. بۇدان سىرت، ەلەكتروندى قاتىناۋ كۋالىگىندە باسقالار ءسىزدىڭ كۋالىگىڭىزدى كورسەتىپ ىستەتۋ يقۋاتى بار. ۇقىق بەرۋ ءونىمدى ۋاقىتى ەڭ ۇزاق بولعاندا 7 قىزمەت كۇنى، ونىڭ ۇستىنە، موتورلى كولىك يەلەرى نەمەسە مەكەمە-ورىننىڭ زاڭدى ادامدارى، اۆتوكولىك باسقارۋشىلارى كەز كەلگەن ۋاقىتتا ۇقىق بەرۋ تىزىمىندەگى ”ۇقىق بەرۋدى كۇشىنەن قالدىرۋ“ دەگەندى باسىپ، ۇقىق بەرۋدى كۇشىنەن قالدىرۋىنا بولادى. ۇقىق بەرۋدى كۇشىنەن قالدىرۋ نەمەسە ۇقىق بەرۋ مەرزىمى تولعاننان كەيىن ەلەكتروندى قاتىناۋ كۋالىگى اۆتوماتتى تۇردە كۇشىن جويىپ، ۇقىق قابىلداۋشىنىڭ قاتىناس باسقارۋ ”12123“ APP ىنەن ءسىزدىڭ ەلەكتروندى قاتىناۋ كۋالىگىڭىز كورىنبەيتىن بولادى.

پايدالانۋشىلاردىڭ تۇرلىشە قاجەتىن قاناعاتتاندىرۋ ءۇشىن، ەلەكتروندى قاتىناۋ كۋالىگىن قول تەلەفونعا ءتۇسىرىپ الۋعا بولادى. تۇسىرىلگەن ەلەكتروندى قاتىناۋ كۋالىگىنىڭ سۋرەتىنە پايدالانۋشى، پايدالاناتىن ىستەر جانە ءونىمدى ۋاقىت بەلگىسى كولەڭكە سۋرەت بويىنشا سالىنادى دا، كۇشكە يە ۋاقىتى ەڭ ۇزاق بولعاندا 7 قىزمەت كۇنى بولىپ، پايدالانۋشىلاردىڭ كەز كەلگەن ۋاقىتتا كورسەتۋىنە قولايلى.

تەكسەرۋ جاعىندا، ”قاتىناس باسقارۋ 12123“ APP ىن تۇتىنۋشىلار ەكىلىكتى جايمالاۋ ارقىلى ەلەكتروندى قاتىناۋ كۋالىگىنىڭ ونىمدىلىگىن وپ-وڭاي تەكسەرە الادى. سونىمەن بىرگە، حالىق ساقشىلارى زاڭ اتقارعاندا نەمەسە جۇمىس بىتىرگەندە، شوعىرلى قولباسشىلىق تەكشەسىنىڭ APP ىنان، زاڭ اتقارۋ PDA ىنان پايدالانىپ، ەكىلىكتى جايمالاپ، ەلەكتروندىق قاتىناۋ كۋالىگىنىڭ شىنايىلىعىن تەز ارادا تەكسەرىپ تۇراقتاندىرۋىنا دا بولادى.

ەلەكتروندى قاتىناۋ كۋالىگى قولايلى بولسادا، «جۇڭحۋا حالىق رەسپۋبليكاسىنىڭ جول قاتىناس حاۋىپسىزدىگى زاڭىنداعى» بەلگىلەمەسىنە نەگىزدەلەدى، قاعاز نۇسقاسىنداعى قاتىناۋ كۋالىگىن ءالى دە، ءسوزسىز، اۆتوكولىكپەن بىرگە الا ءجۇرۋ كەرەك.

وسى رەتكى ەلەكتروندى قاتىناۋ كۋالىگىن جاپپاي الۋعا ءوتىنىش بەرۋ وڭىرلىك قاتىناس باسقارۋ قىزمەت وتەۋىنىڭ تىڭ ساتىعا وتكەندىگىنەن دەرەك بەرەدى. ايماقتىق قوعام حاۋىپسىزدىگى مەكەمەسى قاتىناس ساقشى تارماق اترەتىنىڭ قاتىستى جاۋاپتىسى بىلاي دەدى: حالىققا قولايلى، كاسىپورىندارعا ءتيىمدى بولۋ ماقساتىنا ۇزدىكسىز تاباندى بولىپ، قاتىناس باسقارۋ مەن قىزمەت وتەۋدى ۇزدىكسىز ساپالىلاندىرىپ، قالىڭ اۆتوكولىك يەلەرىنە اناعۇرلىم قولايلى، جوعارى ءونىمدى قاتىناس ورتاسىن ازىرلەيمىز. سونىمەن بىرگە، اۆتوكولىك يەلەرىنە ەلەكتروندى قاتىناۋ كۋالىگىن الۋعا دەر كەزىندە ءوتىنىش بەرۋدى، سونىمەن بىرگە، قاعاز جۇزىندەگى قاتىناۋ كۋالىگىن جاقسى ساقتاپ، حاۋىپسىز، ءتارتىپتى جول قاتىناس ورتاسىن بىرگە ازىرلەۋدى ەسكەرتەمىز.