سوتسياليستىك وزەكتى قۇن كوزقاراسىن بارىنشا اسقاقتاتىپ، ەسكى سالت-سانانى وزگەرتۋدى دارىپتەپ، وركەنيەت جاڭا سالتتى ورناتۋ ءۇشىن، 11-ايدىڭ 15-كۇنى بۋىرشىن اۋدانى ”ەسكى سالت-سانانى وزگەرتىپ، جاڭا سالت-سانا ورناتايىق“ تاقىرىبىنداعى زەيىن سىناۋ باسەكە قيمىلىن وتكىزدى. ءارقايسى اۋىلدان (قالاشىقتان) كەلگەن 7 ۋاكىلدەر گرۋپپاسىنان 21 شەبەر بۇل باسەكەگە قاتىناستى.
وسى رەتكى باسەكەنىڭ مازمۇنى توي-تومالاقتى جاڭاشا وتكىزۋ، ءولىم-ءجىتىمدى قاراپايىم وتكىزۋ، مادەنيەتتى ازا تۇتۋ، ۇنەمشىلدىك ادەت قالىپتاستىرۋ، سونداي-اق وركەنيەتتى داستارقان جايۋ، قىستاق قاعيداسى، تۇرعىندار شارتى قاتارلى ەسكى سالت-سانانى وزگەرتۋگە قاتىستى ءبىلىم قامتىلدى. بۇل باسەكەدە جەكە ادام ءسوزسىز جاۋاپ بەرۋ، گرۋپپا ءسوزسىز جاۋاپ بەرۋ، گرۋپپالار تالاسا جاۋاپ بەرۋ، سونداي-اق كورەرمەندەر جاۋاپ بەرۋ سىندى 4 بۋىن ورنالاستىرىلدى.
باسەكەگە قاتىناسقان شەبەرلەر ۋاقىتپەن جارىسىپ تالاسا-تارماسا جاۋاپ قايتارۋ ءتاسىلى ارقىلى ەسكى سالت-سانانى وزگەرتۋ بىلىمىنەن زەيىن سىناۋ سۇراۋلارىنا جاۋاپ قايتارۋدىڭ ”جىلدامدىق جانە شابىتىن“ ناق مايداندا ايگىلەپ، كورەرمەننىڭ قىزعىن قارسى الۋىنا يە بولدى. قيان-كەسكى باسەكە ارقىلى ويماقى قالاشىعىنىڭ ۋاكىلدەر گرۋپپاسى 1-دارەجەلى سيلىققا، قوستىق قالاشىعىنىڭ ۋاكىلدەر گرۋپپاسى 2-دارەجەلى سيلىققا، بۋىرشىن قالاشىعىنىڭ ۋاكىلدەر گرۋپپاسى 3-دارەجەلى سيلىققا يە بولدى.
وسى رەتكى ەسكى سالت-سانانى وزگەرتۋ بىلىمىنەن زەيىن سىناۋ قيمىلى — ءار ۇلت كادرلارى مەن بۇقاراسىنىڭ وركەنيەت تانىمىن كۇشەيتىپ قالماستان، كادرلار مەن بۇقارانىڭ ەسكى سالت-سانانى وزگەرتۋ ءبىلىمىن يگەرىپ، جاڭا اۋقىمدى، دۇرىس سالتتى اسقاقتاتىپ، ەسكى سالت-سانانى وزگەرتۋ ۇستانىمىن جۇرت جۇرەگىنە تەرەڭ ۇيالاتتى. كوپشىلىك ءبىر اۋىزدان بىلاي دەدى: بەلسەنە اتتانىسقا كەلىپ، وزىمىزدەن باستاپ ىستەپ، وركەنيەتتى جاڭا سالتتىڭ دارىپتەۋشىسى، امالياتتا ايگىلەۋشىسى جانە يگىلىگىن كورۋشىسى بولىپ، رۋحاني وركەنيەت گۇلىنىڭ بۋىرشىن اۋدانىندا قۇلپىرا اشىلۋىنا مۇمكىندىك جاسايمىز.
ويماقى قالاشىعى سىرتقى ۇگىت كەڭسەسىنىڭ كادرى دانيا قۋانىش قىزى تىلشىگە: وسى رەتكى باسەكەگە قاتىناسقانىمدى ايرىقشا ماقتانىش سانايمىن، بۇدان بىلاي قىزمەت پەن تۇرمىستا ”ەسكى سالت-سانانى وزگەرتىپ، جاڭا سالت-سانانى ورناتۋ“ قىزمەتىن ۇگىتتەۋ سەرپىنىن ۇزدىكسىز ارتتىرىپ، وركەنيەتتى بۋىرشىن قۇرۋعا ءوز ۇلەسىمدى قوسامىن،-دەدى.
来源：雪都嘟/阿勒泰地区融媒体中心
通讯员：加孜拉·巴哈提别克
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
