قازىر، تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ تۇتىنۋشىلاردىڭ نازارىن اۋداردى، مەملەكەتتىڭ جابدىقتاردى كەڭ كولەمدى جاڭالاۋ جانە تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ سىندى ”ەكى جاڭالاۋ“ ساياساتىن ىلگەرىلەتۋ ءۇشىن، شينجياڭ ناقتى شارامەن تۇتىنۋ بازارىن جانداندىردى.
قازىر التايدىڭ جەر-جەرىندە جەلىدەن تىس تۇتىنۋ ۇزدىكسىز ارتىپ، اۆتوكولىك، ءۇي ەلەكتر جابدىقتارى، ءۇي اشەكەيلەۋ، اس ءۇي، تازالىق ءۇي بۇيىمدارى سياقتى كوپ تۇتىنىلاتىن تاۋارلاردى جاڭالاۋدىڭ قاجەتى شوعىرلى ارتتى.
جۋىردا، التاي قالاسى مادەنيەت جولى 4-كوشەسىندەگى ”ايما“ ەلەكترلى ۆەلوسيپەد دۇكەنىندە، قالا تۇرعىنى ۋاڭ جياڭجۇڭ قىزمەتكەردىڭ جەتەكشىلىگىندە تىزىمدەلۋ، كونە ەلەكترلى ۆەلوسيپەدتىن باعالاتۋ قاتارلى رەسميەتتەردى بىتىرگەننەن كەيىن، جاڭا ەلەكترلى ۆەلوسيپەدكە اۋىستىرىپ، 600 يۋان قوسىمشا قاراجاتتان يگىلىكتەندى.
»اۆتونوميالى رايوننىڭ ەلەكترلى ۆەلوسيپەدتىڭ كونەسىنىڭ ورنىنا جاڭاسىن اۋىستىرۋدى اتقارۋ ناقتى ەرەجەسىندەگى» بەلگىلەمەگە ساي، 2024-جىلى 7-ايدىڭ 25-كۇنىنەن 12-ايدىڭ 31-كۇنىنە دەيىنگى ارالىقتا بەلگىلەمەگە ۇيلەسەتىن كونە ەلەكترلى ۆەلوسيپەدتىن قايتارعان (تەپكىسى بار، جاسىل تاقتالى، كۋالىكتى قاجەت ەتپەيتىن ەلەكترلى ۆەلوسيپەدتەردى مەڭزەيدى، بۇعان ەلەكترلى موتوتسيكل مەن ەلەكترلى ءۇش دوڭگەلەكتى موتوتسيكل قامتىلمايدى) ءارى مەملەكەتتىك ولشەمگە ۇيلەسەتىن جانە ماجبۇرلەمەلى كۋالاندىرۋعا يە بولعان ەلەكترلى ۆەلوسيپەد ساتىپ العان تۇتىنۋشىلاردىڭ بارلىعى سايكەستى قوسىمشا قاراجاتتان يگىلىكتەنۋىنە بولادى. ەرەكشە نازار اۋداراتىن جايت: 2024-جىلى 7-ايدىڭ 25-كۇنىنەن كەيىن جاڭا ەلەكترلى ۆەلوسيپەد ساتىپ العان تۇتىنۋشىلار كونە ەلەكترلى ۆەلوسيپەدتىن قايتارىپ الاتىن كاسىپورىندارعا نەمەسە ۆەلوسيپەد ساتۋ كاسىپورىندارىنا اپارىپ قوسىمشا قاراجات ءوتىنىش ەتۋىنە بولادى.
ەلەكترلى ۆەلوسيپەد ساتۋ ورنىنىڭ جاۋاپتىسى لۋ حۇڭجيان بىلاي دەدى: كونەسىنىڭ ورنىنا جاڭاسىن اۋىستىرۋ ساياساتى اتقارىلعاننان بەرى، دۇكەنىمىزدە قاريدارلاردىڭ سانى كورنەكتى ارتتى. بۇل ساياسات بۇقاراعا تيىمدىلىك جاساپ قانا قالماستان ساۋداگەرلەرگە دە پايدا الا كەلدى. دۇكەنىمىزدە مەملەكەتتىك ولشەمگە ۇيلەسەتىن جاڭا ەلەكترلى ۆەلوسيپەد جەتكىلىكتى، تۇتىنۋشىلاردىڭ قاجەتىن قاناعاتتاندىرا الادى.
التايدا ەلەكترلى ۆەلوسيپەدتىڭ كونەسىنىڭ ورنىنا جاڭاسىن اۋىستىرۋ قيمىلى قاۋىرت ءجۇرىلىپ قانا قالماي، ءۇي ەلەكتر جابدىقتارى، ءۇي اشەكەيلەۋ، اس ءۇي، تازالىق ءۇي بۇيىمدارى جانە اۆتوكولىك ساتاتىن ساۋدا ورىندارىندا دا كونەسىنىڭ ورنىنا جاڭاسىن اۋىستىرۋ قيمىلى تەڭ قادامدا ورىستەتىلدى.
التاي قالاسى ۋانچى الاڭى جيڭدۇڭ ءۇي ەلەكتر جابدىقتارىن ارناۋلى ساتۋ دۇكەنىندە، تەلەۆيزور، مۇزداتقىش، كىر جۋۋ ماشيناسى قاتارلى ءۇي ەلەكتر جابدىقتارى تۇگەلدەي كونەسىنىڭ ورنىنا جاڭاسىن اۋىستىرۋ قوسىمشا قاراجات قيمىلى كولەمىنە ەنگىزىلىپ، تۇتىنۋشىلاردى باۋرادى. قالا تۇرعىنى لي لي قوسىمشا قاراجاتتان يگىلىكتەنگەننەن كەيىن، اۋەلگى باعاسى 3499 يۋاندىق ىس سورعىشتى 2800 يۋانعا ساتىپ الدى.
كونەسىنىڭ ورنىنا جاڭاسىن اۋىستىرۋ ساياساتىنىڭ ءساتتى تياناقتانۋىن ىلگەرىلەتۋ ءۇشىن، التاي ايماقتىق ساۋدا ىستەرى مەكەمەسى مەن جەرگىلىكتى ساۋداگەرلەر ۇگىت تەبىنىن ارتتىرىپ، ”جەلىدە، جەلىدەن تىس“ ءتاسىلدى ۇشتاستىرۋ ارقىلى كونەسىنىڭ ورنىنا جاڭاسىن اۋىستىرۋ ساياساتى ينفورماتسياسى، قوسىمشا قاراجات ولشەمى جانە قاتىناسۋ ءتاسىلى قاتارلىلاردى كەڭ كولەمدە ۇگىتتەپ، تۇتىنۋشىلاردىڭ تۇسىنۋىنە مۇمكىندىك جاسادى. سونىمەن قاتار، ساۋداگەرلەر دە كونەسىنىڭ ورنىنا جاڭاسىن اۋىستىرۋ نەگىزىندە، قوسىمشا قاراجاتتان تىس ارزانداتۋ، نەمەسە سيلىق بۇيىم ۇسىنۋ قاتارلى ءبىر قىدىرۋ تيىمدىلىك جاساۋ ساياساتىن جولعا قويىپ، تۇتىنۋشىلاردىڭ قىزعىندىلىعىن ارتتىردى.
سۋرەتپەن قامداعان: التاي قالالىق توعىسپالى مەديا ورتالىعى
التاي قالاسى ۋانچى الاڭى جيڭدۇڭ ءۇي ەلەكتر جابدىقتارىن ارناۋلى ساتۋ دۇكەنىنىڭ جاۋاپتىسى ران شيانگو بىلاي دەدى: تۇتىنۋشىلار يۇنشانفۋ APP ىنە تىركەلىپ تۇتىنۋ بەلەتىن ءوتىنىش ەتىپ الۋىنا ءارى كونەسىنىڭ ورنىنا جاڭاسىن اۋىستىرۋ قيمىلىنا قاتىناسۋىنا بولادى، قولايلى ءارى تەز. كونەسىنىڭ ورنىنا جاڭاسىن اۋىستىرۋ قيمىلى ورىستەتىلگەننەن بەرى، سەرىكتەستىگىمىزدىڭ ساتۋ مولشەرى %60 ارتتى.
ساتىپ العان اۆتوكولىگى جاڭا ەنەرگيالى اۆتوكولىك بولىپ، ساتىپ الۋ تالونىنداعى باعاسى (باعاسى مەن باجىسىن قوسقاندا، تومەندەگى دە ۇقساس) 50 مىڭ يۋاننان (50 مىڭ يۋاندى قامتيدى) جوعارى بولسا، 18000 يۋان قوسىمشا قاراجات بەرىلەدى. جاڭا ساتىپ العان اۆتوكولىگى جانار مايمەن جۇرەتىن اۆتوكولىك بولىپ، ساتىپ الۋ تالونداعى باعاسى 50 مىڭ يۋاننان (50 مىڭ يۋاندى قامتيدى) جوعارى بولسا، 13000 يۋان قوسىمشا قاراجات بەرىلەدى. قوسىمشا قاراجات شارتىنا ۇيلەسەتىن تۇتىنۋشىلار قول تەلەفون APP ى ارقىلى ”شينجياڭ اۆتوكولىكتىڭ كونەسىنىڭ ورنىنا جاڭاسىن اۋىستىرۋعا قىزمەت وتەۋ تەكشەسىنە“ كىرىپ، سەستاماداعى كورسەتۋ بويىنشا قوسىمشا قاراجاتتى ءوتىنىش ەتۋ ينفورماتسياسىن تولىق، دۇرىس، انىق تولتىرىپ تاپسىرۋى كەرەك.
التاي قالاسى جينشان جىشيڭ اۆتوكولىك ساتۋ شەكتى سەرىكتەستىگىنىڭ جاۋاپتىسى ما شيۋفاڭ بىلاي دەدى: قيمىل ورىستەتىلگەننەن بەرى، ەكى دۇكەندەگى قاريدارلار سانى مەن ساۋدالاسۋ مولشەرى كورنەكتى جوعارىلادى، اۆتوكولىكتى اۋىستىرۋ سالىستىرماسى %50 تەن استام ارتتى.
قوسىمشا قاراجات تاراتۋدان سىرت، التاي ايماعى تاعى ءتۇرلى اۆتوكولىكتى كورمەگە قويىپ ساتۋ قيمىلىن دا وتكىزدى، گۋاڭچي چۋانچي، بىنتيان قاتارلى 32 ماركادان 220 تۇرلىدەن استام اۆتوكولىك قيمىلعا قاتىناستىرىلدى. ءتۇرلى ءىرى اۆتوكولىك كاسىپورىندارى دا قوسىمشا قاراجات ساياساتى مەن فينانىس ساياساتىنا سايكەسىپ تيىمدىلىك جاساپ، اۆتوكولىك بازارىنىڭ ساتۋ مولشەرىنىڭ جوعارى ورلەۋگە كوتەرىلۋىنە دەم بەردى.
ۇعىسۋعا قاراعاندا، قازىر، التاي ايماعىندا جالپى 395 كاسىپورىن تۇتىنۋ بۇيىمدارىنىڭ كونەسىنىڭ ورنىنا جاڭاسىن اۋىستىرۋ قيمىلىنا ات سالىسقان. مۇندا، اۆتوكولىكتىڭ كونەسىنىڭ ورنىنا جاڭاسىن اۋىستىراتىن، جاڭا اۆتوكولىك ساتاتىن 74 كاسىپورىن، اۆتوكولىكتى جاراقسىزعا شىعاراتىن 1 كاسىپورىن؛ ءۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىراتىن (مەملەكەتتىڭ قوسىمشا قاراجاتى بويىنشا) 45 كاسىپورىن، ەلەكتروندى ونىمدەردىڭ كونەسىنىڭ ورنىنا جاڭاسىن اۋىستىراتىن (اۆتونوميالى رايوننىڭ قوسىمشا قاراجاتى بويىنشا) 212 كاسىپورىن، ەلەكترلى ۆەلوسيپەدتىڭ كونەسىنىڭ ورنىنا جاڭاسىن اۋىستىراتىن 21 كاسىپورىن، ءۇي ەلەكتر جابدىقتارى، اشەكەيلەۋ ماتەريالدارى، اس ءۇي، تازالىق ءۇي بۇيىمدارىنىڭ كونەسىنىڭ ورنىنا جاڭاسىن اۋىستىراتىن 42 كاسىپورىن بار ەكەن.
قازىرگە دەيىن، التاي ايماعىندا 86 اۆتوكولىكتى كونەسىنىڭ ورنىنا جاڭاسىن اۋىستىرۋدى قاراپ بەكىتىپ، ءبىر ميلليون 340 مىڭ يۋان قوسىمشا قاراجات بەرىلدى، 205 اۆتوكولىكتى اۋىستىرىپ جاڭالاۋدى قاراپ بەكىتىپ، 2 ميلليون 880 مىڭ يۋان قوسىمشا قاراجات بەرىلدى، 869 ءۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋدى قاراپ بەكىتىپ (مەملەكەتتىڭ قوسىمشا قاراجاتى بويىنشا)، 433 مىڭ يۋان قوسىمشا قاراجات بەرىلدى، 2485 ءۇي ەلەكتر جابدىعىنىڭ كونەسىنىڭ ورنىنا جاڭاسىن اۋىستىرۋدى (اۆتونوميالى رايوننىڭ قوسىمشا قاراجاتى بويىنشا) قاراپ بەكىتىپ، ءبىر ميلليون 288 مىڭ يۋان تۇتىنۋ بەلەتىن تاراتتى، 17 ەلەكترلى ۆەلوسيپەدتىڭ كونەسىنىڭ ورنىنا جاڭاسىن اۋىستىرۋدى قاراپ بەكىتىپ، 9 مىڭ يۋان قوسىمشا قاراجات بەرىلدى.
وسى رەتكى كونەسىنىڭ ورنىنا جاڭاسىن اۋىستىرۋ ساياساتىن اتقارۋ تۇتىنۋ بازارىنىڭ گۇلدەنۋىن جەبەپ قانا قالماي، كونە ونىمدەردى جاراقسىزعا شىعارىپ جاڭالاۋدى دا جەدەلدەتىپ، تۇرعىنداردىڭ تۇرمىس ساپاسى مەن قورشاعان ورتا ساپاسىن جوعارىلاتۋعا دا ءتيىمدى بولدى.
تۇتىنۋشىلاردىڭ حالىققا تيىمدىلىك جاساۋ قيمىلىنا بەلسەنە ات سالىسىپ، تۇتىنۋ بازارىنىڭ باياندى، اقاۋسىز دامۋىن بىرگە ىلگەرىلەتۋىن ءۇمىت ەتەمىز!
来源：雪都嘟/阿勒泰地区融媒体中心
记者：古扎丽·阿布都热西提 阿丽娜·阿依登
编辑：米拉木古丽·穆斯那提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
