جۋىقتا، ءتىلشىنىڭ جەمەنەي شەكارا سەلبەستىك رايونىنان (اۋىل شارۋاشىلىق سىناق رايونىنان) ۇعىسۋىنشا، جىل باسىنان بەرى، جەمەنەي وتكەلىنەن يمپورت ەتىلگەن سۋ ونىمدەرى 730 تونناعا جەتىپ، سايكەس مەزگىلدەگىدەن %47 ارتىپ، ءۇرتىس 2 جىل بۇكىل شينجياڭدا يمپورت ەتىلگەن سۋ ونىمدەرىنىڭ الدىڭعى قاتارىنا وتكەن. بۇل وسى وتكەلدىڭ حالىقارالىق سۋ ونىمدەرى ساۋداسىن جەبەۋ جاعىنداعى پارمەندى قۋاتىن ايگىلەدى.
جەمەنەي وتكەلى قازاقستاننىڭ شىعىس قازاقستان وبلىسىنىڭ زايسان اۋدانىمەن ىرگەلەس، ونىڭ ۇستىنە، بالىق ءتۇرى كوپ زايسان كولىمەن ارا قاشىقتىعى 100 كيلومەتر عانا بولعاندىقتان، سۋ ونىمدەرىن يمپورت ەتەتىن ماڭىزدى ارناعا اينالدى. قىس تۇسۋىنە بايلانىستى، سۋ ونىمدەرىن يمپورت ەتۋ قاۋىرت مەزگىلگە ءوتتى. وسى سايىسقا توتەپ بەرۋ ءۇشىن، جەمەنەي شەكارا سەلبەستىك رايونى (اۋىل شارۋاشىلىق سىناق رايونى) جەمەنەي كەدەنىمەن تىعىز سەلبەسىپ، ”ءبىردىڭ-بىرگە“ ساياساتتىق قىزمەت وتەۋىن ورتاعا قويدى. مۇنداعى ماقسات — سۋ ونىمدەرىن يمپورت ەتۋدەگى بوگەتتى، قيىن تۇيىندەردى اشىپ، كاسىپورىنداردىڭ قارجىنى جانداندىرۋىنا دەم بەرىپ، سىرتقى ساۋدا دامۋىنىڭ تىڭ ومىرشەڭدىك كۇشىن تاسقىنداتۋ.
جەمەنەي وتكەلى سۋ ونىمدەرىن يمپورت ەتۋ مولشەرىنىڭ ارتۋىن جۇزەگە اسىرۋمەن بىرگە، يمپورت ەتىلگەن سۋ ونىمدەرى وتكەلدىڭ فۋنكتسيالىق رولىن ونان ارى كەمەلدەندىردى. جەمەنەي شەكارا سەلبەستىك رايونىندا (اۋىل شارۋاشىلىق سىناق رايونىندا) شەكارادان كىرگەن ازىقتىق سۋ ورگانيزمدەرىن باقىلاۋ-باسقارۋ ورنى، توڭازىتىلعان جاس كۇيدەگى سۋ ونىمدەرىن وتكەلدە بەلگىلەنگەن باقىلاۋ-باسقارۋ ورنى قاتارلى كوپتەگەن كەدەندىك باقىلاۋ-باسقارۋ تەكشەسى قۇرىلىپ، كاسىپورىندارعا جان-جاقتى يمپورت ەتۋ جاعىنان قىزمەت وتەدى. سونىمەن بىرگە، كاسىپورىندارعا قىزمەت وتەۋدى وزەك ەتىپ، جەمەنەي كەدەنى قاتارلى وتكەلدەگى بىرلەسىپ تەكسەرۋ ورىندارىمەن تىعىز سەلبەسىپ، ”جەتەلەۋ، جەتىلدىرۋ، قىزمەت وتەۋ“ ونىمدىلىگىن تولىق ساۋلەلەندىرىپ، كەدەننەن ءوتۋ ونىمدىلىگىن ۇزدىكسىز ارتتىرىپ، سۋ ونىمدەرىنىڭ كوشباسشى كاسىپورىننان بىرەۋىن تىڭنان قوسىپ، كاسىپورىنداردىڭ پارمەندى دامۋىنا قوزعاۋشى كۇش قوستى.
”ءبىز قىزمەت وتەۋ ۇلگىسىن ۇزدىكسىز جاڭالاپ، شارۋاشىلىق ساۋدا ورتاسىن ساپالىلاندىرىپ، كەدەننەن ءوتۋ ونىمدىلىگىن ارتتىرىپ، كاسىپورىنداردىڭ وزىندىك قۇنىن تومەندەتىپ، ءتىپتى دە كوپ كاسىپورىنداردىڭ اناعۇرلىم قولايلى، جوعارى ءونىمدى كەدەننەن ءوتۋ قىزمەت وتەۋىنەن يگىلىكتەنۋىنە مۇمكىندىك جاسايمىز، جەمەنەي وتكەلىنىڭ سۋ ونىمدەرىن يمپورت ەتۋ كاسىبىنىڭ باياندى، اقاۋسىز دامۋىن ىلگەرىلەتەمىز“،-دەدى جەمەنەي شەكارا سەلبەستىك رايونى (اۋىل شارۋاشىلىق سىناق رايونى) پارتيا قىزمەتى كوميتەتىنىڭ مۇشەسى، باسقارۋ كوميتەتىنىڭ ورىنباسار مەڭگەرۋشىسى ەرلان مىرزاقالي ۇلى.
بۇدان كەيىن ءتىپتى دە كوپ ساياساتتىق شارالاردىڭ تياناقتانىپ اتقارىلۋىنا بايلانىستى، جەمەنەي وتكەلى ەلىمىزدىڭ سۋ ونىمدەرىن يمپورت ەتۋدەگى ماڭىزدى تورابىنا اينالىپ، ەلىمىزدىڭ كورشىلەس ەلدەرمەن ەكونوميكا-ساۋدا سەلبەستىگىن ىلگەرىلەتۋگە اناعۇرلىم زور ۇلەس قوسادى.
来源：雪都嘟/阿勒泰地区融媒体中心
记者：胡俊秀 通讯员：孙瑜 徐丹
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
