بيىل بۋرىلتوعاي اۋدانى سۋ يگىلىگى قۇرىلىسىن دانەكەر ەتىپ، 10 ءتۇيىندى سۋ يگىلىگى قۇرىلىسى نىسانىن جۇرگىزدى، بۇل جاڭادان سالىناتىن 7 نىسانعا، جالعاستى سالىناتىن 3 نىسانعا سايادى، جاڭادان سالىناتىن نىساندارعا جيىنى 788 ميلليون 999 مىڭ 800 يۋان، جالعاستى سالىناتىن نىساندارعا 18 ميلليون يۋان قارجى قوسىلادى.
11-ايدىڭ 17-كۇنى بۋرىلتوعاي اۋدانى ۇلىڭگىر كولى سۋ ەكولوگياسىن قالپىنا كەلتىرۋ جانە جونگە سالۋ نىسانىنىڭ 4-بولەگىندەگى قۇرىلىس ورنىندا قازۋ اۆتوكولىگى، تاسىمال اۆتوكولىگى سياقتى ءىرى تۇرپاتتى اۆتوكولىكتەر قاربالاس جۇمىس ىستەدى. ۇعىسۋعا قاراعاندا، ۇلىڭگىر كولىنىڭ سۋ ەكولوگياسىن قالپىنا كەلتىرۋ جانە جونگە سالۋ قۇرىلىسى نىسانىنا جيىنى 250 ميلليون يۋان قارجى قوسىلعان، قۇرىلىس كولگە قۇياتىن سور ىعىستىرۋ توعانىن جان-جاقتى جونگە سالۋ ينجەنەرياسى، كولگە جاقىن سۋارمالى ءوڭىردىڭ سۋ ساپاسىن جاقسارتۋ، ەگىس اتىزدارىنىڭ ەكولوگيالىق قۇرىلىسى، وزەن-كول جاعالاۋى بەلدەۋىنىڭ ەكولوگياسىن جونگە سالۋ، وزەن-كول دالىزىن جونگە سالۋ، سونداي-اق سۋ ساپاسىن، سۋ مولشەرىن تەكسەرۋ سىندى 6 ۇلكەن بولەكتى قامتىپ، 8-ايدىڭ 30-كۇنى باستالعان.
بۋرىلتوعاي اۋداندىق سۋ ىستەرىن باسقارۋ باس پۋنكتى ينجەنەريا ءبولىمىنىڭ ورىنباسار باستىعى شاۋ بوۋىن بىلاي دەدى: قازىر اۋدانىمىزدىڭ ءىرى، ورتاشا سۋارمالى وڭىرلەردەگى سۋ يگىلىگى ينجەنەريالارىن وزگەرتىپ سالۋ جالپى تۇلعالىق قۇرىلىس اياق الىسى جاقسى، ءتۇرلى قىزمەتتەر تارتىپپەن ىلگەرىلەتىلۋدە. قازىر جۇرگىزىلىپ جاتقان سۋارمالى وڭىردەگى توعان جۇيەسىن وزگەرتىپ سالۋ ينجەنەرياسى مەجەمەن كەلەر جىلى 5-ايدا، ەكولوگيانى جونگە سالۋ ينجەنەرياسى مەجەمەن كەلەر جىلى 12-ايدا اياقتايدى.
جىل باسىنان بەرى، بۋرىلتوعاي اۋدانى سۋ ۇنەمدەۋ، سۋ ساقتاۋ، سۋ رەتتەۋ، سۋ مولايتۋ ىستەرىن ءبىر تۇتاس جوسپارلاپ، ويداعىداي ىستەپ، كەلەلى سۋ يگىلىگى ينجەنەرياسى قۇرىلىسىن مىقتى يگەرىپ، تۇتاس اۋدانداعى فۋنكتسيالىق تاراۋلار ءبىرىنشى شەپكە بارىپ قىزمەت وتەپ، نىسانداردى باقىلاۋ مەن باسقارۋدى ۇزدىكسىز كۇشەيتىپ، ينجەنەريا قۇرىلىسىن بەرىك كەپىلمەن قامدادى. قازىر 8 ءتۇرلى ينجەنەريا اياقتاپ، 2 ءتۇرلى ينجەنەريا ىلگەرىلەتىلۋ ۇستىندە، 30 دان استام سۋ سىڭبەيتىن توعان جاڭالانىپ، ۇزىندىعى 179.4 كيلومەترگە جەتتى، 61.8 كيلومەتر جەردەگى تۇنبا تازالانىپ، سۋارمالى وڭىردەگى 211 ورىنداعى ولشەۋ قۇرىلعىلارى جاڭالاندى.
بۋرىلتوعاي اۋداندىق سۋ ىستەرى مەكەمەسىنىڭ باستىعى جاڭ يحاي بىلاي دەدى: وزگەرتىپ سالۋ الدىنداعى توعان جۇيەسىنىڭ كەمەلدىلىگى نە ءبارى %58.7 عانا بولاتىن، قازىر %71.33كە جەتتى. 180 كيلومەترلىك توعان جاقسارىپ، سۋارىلاتىن جەر اۋدانى 620 مىڭ 530 مۋ بولىپ، 50 ميلليون تەكشەمەتر سۋدى ۇنەمدەپ پايدالانۋ جۇزەگە اسىرىلدى.
来源：雪都嘟/阿勒泰地区融媒体中心
通讯员:王呈 朱丽得孜·努尔哈力木
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
