بەكتىك جايلاۋى شەكارا قورعاۋىندا وتكەن 36 جىل

اكەسىنە بەرگەن ”شەكارا ءوڭىردى ءومىر بويى قورعايمىن“ دەگەن ۋادەسىندە بەرىك تۇرۋ ءۇشىن، شەكارا قورعاۋشى حۋ يۇڭجۇن 36 جىلدان بەرى جۇڭگو — موڭعۇليا شەكاراسىنداعى بەكتىك جايلاۋىنىڭ ماڭىنداعى ”3-ءنومىرلى سايدا“ تاپجىلماي شەكارانى شارلاۋدا ادالدىقتى ايگىلەپ، مال باعۋدا باسقالارعا كومەكتەسۋدى قۋانىش ساناپ، ءار ۇلت بۇقاراسىنا قىزمەت وتەۋ ۋادەسىن ورىندادى.

9-ايدىڭ 27-كۇنى ساعات 23 تە حۋ يۇڭجۇن بەيجيڭدە مەملەكەتتىك ۇلتتار ىنتىماعى العا باسارلىعى جونىندەگى ماداقتاۋ-سيلاۋ جينالىسىنا قاتىناسقاننان كەيىن، سوناۋ شينجياڭ ءوندىرىس-قۇرىلىس بيڭتۋانى 10-شىسى 181-تۋانىنداعى 95 جاستاعى اكەسىنە تەلەفونمەن كەسكىن جالعاپ: — اكە، ءسىز قامشىنى ماعان بەرگەن ەكەنسىز، مەن ۋادەمدە بەرىك تۇرىپ، ءۇمىتىڭىزدى اقتايمىن،-دەگەندە اكەسى: — ۇلىم، شەكارانى قورعاۋ ومىرلىك ۋادەمىز، مەيلى قانشاما داڭققا يە بولساڭ دا، بۇقاراعا قىزمەت وتەۋگە تاباندى بولۋىڭ كەرەك،-دەدى.

اكەسىنە بەرگەن ”شەكارا ءوڭىردى ءومىر بويى قورعايمىن“ دەگەن ۋادەسىن ورىنداۋ ءۇشىن، شەكارا قورعاۋشى حۋ يۇڭجۇن 36 جىلدان بەرى جۇڭگو — موڭعۇليا شەكاراسىنداعى بەكتىك جايلاۋىنىڭ ماڭىنداعى ”3-ءنومىرلى سايدا“ تاپجىلماي شەكارانى شارلاۋدا ادال بولىپ، مال باعۋدا باسقالارعا كومەكتەسۋدى قۋانىش ساناپ، ءار ۇلت بۇقاراسىنا قىزمەت وتەۋ ۋادەسىن ورىنداپ، ىلگەرىندى-كەيىندى ”8-كەزەكتى مەملەكەتتىك ءمورال ۇلگىسى“، ”مەملەكەتتىك ۇلتتار ىنتىماعى العا باسارلىعىنىڭ ۇلگىسى“، “اۆتونوميالى رايوندىق ەڭبەك ەرى“ قاتارلى داڭقتى اتاققا يە بولدى.

اكەسىنىڭ شەكارا قورعاۋشى مۇراگەرى

52 جاستاعى حۋ يۇڭجۇننىڭ اۋەلگى ەسىمى جۇمابەك، وقۋعا تۇسكەن كەزدە اكەسى وعان ”حۋ يۇڭجۇن“ دەپ ات قويعان. اكەسى قۇدايبەرگەن ەسىمىندەگى حۋ اربىنە ”ارميانى قولداۋ“ ءسوزىن قوسىپ حانزۋشا ات قويعان.

3 جاسىندا اكەسىنە مىنگەسىپ اكەسىنىڭ شەكارانى شارلاۋداعى ىزگى ىسىنە ءتالىم الىپ، تاۋ قويناۋىنداعى بەكتىك جايلاۋىنا تەرەڭ سۇيىسپەنشىلىك ورناتتى.

جەرگىلىكتى ورىننان العان دەرەكتەرگە نەگىزدەلگەندە، قۇدايبەرگەن بالا كەزىندە باسقالاردىڭ قويىن باعىپ ءجۇرىپ، 1952-جىلى ازاتتىق ارميانىڭ باندىلاردى الاستاۋ اتتى اسكەر 7-شىسى 19-تۋانى وسى اراعا كەلگەندە، سول جەردەگى تاۋلى وڭىرگە قانىق قۇدايبەرگەن ىرىقتىلىقپەن جول باستاۋشى بولعان. كەيىن باندىلاردى الاستاعان اتتى اسكەرلەردىڭ ءبىر ءبولىمى سول ورىننىڭ وزىندە اسكەردەن بوساپ، 10-شى 181-تۋان بولىپ قۇرىلعان. قۇدايبەرگەن وسى تۋاننىڭ قىزمەتكەرى بولىپ، بەكتىك جايلاۋىنىڭ 3-ءنومىرلى سايىندا مال باعىپ، ءبىر جاعىنان شەكارانى شارلاۋ جۇمىسىن ىستەدى.

10 نەشە جاسىندا اكەسى ونى 3-ءنومىرلى شەكارا بەلگىسىنىڭ جانىنا ەرتىپ بارىپ: تابانىمىزدىڭ استىنداعى وسىناۋ ۇلان-بايتاق مەملەكەت توپىراعىنىڭ ءبىر سۇيەم جەرىنەن دە ايرىلۋعا بولمايدى، وتاننىڭ شەكاراسىن ويداعىداي قورعاۋىمىز كەرەك،-دەگەن ءسوزىن حۋ يۇڭجۇن ەسكە الىپ، اكەسىنىڭ ونى تاۋ-تاستى تانىپ، جولعا قانىق بولىپ، شەكارانى شارلاۋ ىسىنە تاربيەلەگەن اڭگىمەسىن باياندادى.

جاپالى ورتادا تاپجىلماي قىزمەت وتەدى

ماۋسىمنىڭ الماسۋىنا ساي، مالشىلار ءتور جايلاۋعا قونىس جاڭالاپ كوشىپ وتىرادى. ءار جىلى جاز ايىندا 10-شى 181-تۋانىنىڭ بەكتىك جايلاۋىن 100 نەشە مىڭ باس (تۇياق) مال جايلايدى. بۇل جەرگە مالشىلار مالىن ايداپ ءبىر اي ىشىندە نەشە 100 كيلومەتر جول باسىپ جەتەدى.

حۋ يۇڭجۇن تىلشىگە: وسى وڭىردە نەشە 10 كيلومەتر شەكارا سىزىعى بار، 200 مىڭ مۋدان استام جايىلىمدى كەمىندە 3 كۇندە ارالاپ شىعۋعا بولادى، ەكى كەش تاۋ باسىندا نەمەسە ساي تاعانىندا تۇنەۋگە تۋرا كەلەدى،-دەدى.

حۋ يۇڭجۇن تۇرعان قاراۋىل ورنى جۇڭگو — موڭعۇليا شەكاراسىنىڭ 3-ءنومىرلى شەكارا بەلگىسىنە جاقىن. ول ۇنەمى نان الىپ، اتقا ءمىنىپ، ءدۇربى، بالتا اسىنىپ، ويلى-شۇڭقىر تاۋ اڭعارىندا شارلاۋ جۇرگىزىپ، مال قايىرادى.

حۋ يۇڭجۇن تىلشىگە: جۇڭگو — موڭعۇليا شەكاراسىنداعى ’3-ءنومىرلى سايعا‘ باراتىن جالعىز اياق جول عانا بار، جول ويلى-شۇڭقىر، تاۋ قويناۋىنىڭ بارلىق جەرى تۇيە قورىم تاس جانە سولقىلداعان ساز، ابايلاماسا ات اياعىن تاسقا قىستىرىپ الىپ مەرتىگەدى، جول سىرىن بىلمەسەڭىز اداسىپ كەتەسىز، تىم قاتەرلى،-دەدى.

حۋ يۇڭجۇننىڭ ايەلى جانار تىلشىگە: بىلتىر 11-ايدا حۋ يۇڭجۇن مالشىلاردىڭ اتىن ىزدەپ كەتكەن، 10 نەشە كۇن حابارلاسا المادىق، تاۋدىڭ قارى توتەنشە قالىڭ بولعاندىقتان، قاتتى الاڭدادىق،-دەدى.

بيىل 9-ايدا حۋ يۇڭجۇن بەيجيڭدەگى مەملەكەتتىك ۇلتتار ىنتىماعى العا باسارلىعىنداعى وزاتتاردى ماداقتاۋ-سيلاۋ جينالىسىنا قاتىناسۋدان بۇرىن تاۋدى شارلاپ ءجۇرىپ ابايسىزدا سازعا ءتۇسىپ كەتكەندە، باقىتقا جاراي كوشىپ كەلە جاتقان مالشىلار كورىپ قالىپ، ونى سازدان شىعارىپ الدى.

ۋادەسىندە تۇرىپ شەكارا قورعاۋدى، باسقالارعا كومەكتەسۋدى قۋانىش سانادى

قانشا جاپا تارتىپ، قانشا شارشاسا دا 3-ءنومىرلى شەكارا بەلگىسىنىڭ بويىنان تاپجىلماي، ءار ۇلت مالشىلارىنا بار ىنتاسىمەن كومەكتەستى. حۋ يۇڭجۇن تىلشىگە: بۇل مەنىڭ اكەمە بەرگەن ۋادەم،-دەدى.

كوكتەم، قىس ماۋسىمىندا حۋ يۇڭجۇن قىران وزەنى بويىنداعى مال شارۋاشىلىق تۇيىنىندە تۇرادى، بۇل جەر كوشى-قونداعى ماڭىزدى قاتىناس جولى ەسەپتەلەدى. ءار جولى مالشىلار تولدەۋلىككە، ونان سوڭ بەكتىك جايلاۋىنا كوشكەندە، ول مالشىلارعا ءۇي تىگىپ، مال قامايتىن قورا دايىنداپ، جەم-شوپپەن قامداپ كومەكتەسەدى.

10-شى 181-تۋاننىڭ قاتىستى جاۋاپتىسى حى يۇڭحۇي تىلشىگە: بوراندى، جاۋىندى كۇندەرى مالشىلاردىڭ سول جەردە تاماقتانىپ، ەرۋلەپ كوشۋى قالىپتى جاعداي. ءشوپ بولماسا، حۋ يۇڭجۇننەن ءشوپ تاسىپ اكەلىپ مالعا بەرىپ، جاي بولىپ كەتسە ونىڭ ۇيىنە قونىپ، اتتانىپ جاتادى،-دەدى.

حى يۇڭحۇي تىلشىگە: مال شارۋاشىلىق رايونىندا قوسىمشا ۇگىتشى مىندەتىن اتقاراتىن حۋ يۇڭجۇن ۇنەمى مالشىلارعا پارتيانىڭ حالىققا تيىمدىلىك جاساۋ ساياساتىن ۇگىتتەپ، ماڭىنداعى ۇلتتار ىنتىماعى جونىندەگى تارتىمدى حيكايالاردى اڭگىمەلەيدى. حۋ يۇڭجۇن ۇزدىك شەكارا قورعاۋشى عانا ەمەس، مالشىلاردىڭ جاناشىرى ءارى جەرگىلىكتى مالشى اراسىندا اسا جوعارى قۇرمەتكە يە،-دەدى.

حى يۇڭحۇيدىڭ تانىستىرۋىنا قاراعاندا، جاقىنعى جىلداردان بەرى، حۋ يۇڭجۇن قۇنى 20 مىڭ يۋاننان استام تۇراتىن 700 تاي ءشوپتى مالشىلارعا جەتكىزىپ بەرگەن.

تولىقسىز ساناققا قاراعاندا، حۋ يۇڭجۇن 36 جىل مال باعىپ، شەكارانى شارلاپ، 4000 نەشە مالدى شەكارادان قايىرىپ اكەلىپ، مالشىلارعا 200 رەتتەن استام زاڭ-ەرەجە ۇگىتتەپ، زاڭعا قايشى ءدارى ءشوپ قازعان 100 نەشە ادامعا تيىم سالىپ، 10 نەشە قۇندى ينفورماتسيا بەرگەن.

قازىرگە دەيىن حۋ يۇڭجۇن جۇڭگو — موڭعۇليا شەكاراسىنىڭ 3-ءنومىرلى شەكارا بەلگىسىنىڭ ماڭىندا مال باعىپ، شەكارانى شارلاپ، شەكارانى قورعاپ، باسقالارعا كومەكتەسۋدى قۋانىش ساناپ كەلەدى.

حۋ يۇڭجۇن تىلشىگە: مەن ماقتارلىقتاي ءىس تىندىرعام جوق، باسقالاردىڭ دا جاقسى ىستەي الاتىندىعىنا سەنەمىن. بالام، قاي جەرگە ەمتيحان بەرسەم دە، وقۋىمدى تامامداعاننان كەيىن، قايتىپ كەلىپ وسىندا قىزمەت ىستەيمىن،-دەدى.

رەداكتوردان:

حۋ يۇڭجۇن 30 نەشە جىلدان بەرى، جۇڭگو — موڭعۇليا شەكاراسىنىڭ ءبىرىنشى شەبىنە تامىر تارتىپ، جەرگىلىكتى مالشىلارمەن تاتۋ-ءتاتتى ءوتىپ، ءبىر ءۇيلى جانداي ەتەنە بولدى. ول قىزۋ ىنتامەن قىزمەت ىستەپ جانە مال شارۋاشىلىق رايونىنداعى مول قىزمەت تاجىريبەسىمەن مالشىلارعا قىزمەت وتەپ، مالشىلاردىڭ مۇڭ-مۇقتاجىن قاي-قاشان دا كوكەيىندە بەرىك ساقتادى. قاراپايىم، شىنايى جانە قالتقىسىز ۇلەس قوسىپ، پارتيانىڭ حالىققا ءتيىمدى ساياساتىن مال شارۋاشىلىق رايونىنداعى ءاربىر مالشىعا ۇگىتتەپ، شالعاي مال شارۋاشىلىق رايونىندا ”قىستاقتاردا بىردە-ءبىر وتباسىن، وتباسىندا بىردە-ءبىر ادام قاعىس قالدىرماۋدى“ قۇلشىنا جۇزەگە اسىرىپ، شالعاي اۋىل-قىستاقتاعى مالشىلاردىڭ ”جاناشىرى“ بولۋداي اۋىر جۇكتى ارقالادى، ول ءوزىنىڭ ءىس جۇزىندىك ارەكەتى ارقىلى اكەسىنە بەرگەن ۋادەسىن امالياتتا ايگىلەۋدە.