جەمەنەي شەكاراسىنان ۆيزاسىز كىرىپ-شىققان جولاۋشىلار %309 ارتتى

2023-جىلى 11-ايدىڭ 10-كۇنى جۇڭگو مەن قازاقستاننىڭ ءوزارا ۆيزاسىز ءوتۋ كەلىسىمى رەسمي كۇشكە يە بولدى. ءبىر جىلدان بەرى، جۇڭگو مەن قازاقستان اراسىندا قاتىنايتىن حالىقارالىق جولاۋشى تاسىمال مولشەرى ءۇرتىس ارتتى. جۇڭگونىڭ قازاقستانعا اشىق ۇستالعان قۇرلىق جولى وتكەلدەرىنىڭ ءبىرى رەتىندە جەمەنەي وتكەلىنەن قازاقستانعا قاتىنايتىن حالىقارالىق جولاۋشى تاسىمال اۆتوبۋزى 2500 رەتتەن، شەكارادان كىرىپ-شىققان جولاۋشى 110 مىڭ ادامنان (رەت) اسىپ، سايكەس مەزگىلدەگىدەن جەكە-جەكە %389 جانە %309 ارتتى.

پارحات ساتۋ ۇلى قازاقستاننىڭ استانا قالاسىنىڭ تۇرعىنى، شەكارادان ۆيزاسىز وتكەننەن كەيىن شينجياڭعا ساياحاتتاي كەلدى. بيىل 11-ايدىڭ 12-كۇنى ول جەمەنەي وتكەلىنەن شەكارادان شىقتى، شەكارادان ۆيزاسىز ءوتۋ وعان شەكارادان كىرىپ-شىعۋدىڭ قولايلىلىعىن شىنايى سەزىندىردى.

— جۇڭگو مەن قازاقستاننىڭ شەكارادان ءوزارا ۆيزاسىز ءوتۋ ساياساتى ەكى ەل تۇرعىندارىنا اسا زور قولايلىلىق اكەلدى. كەلەسى جولى وتباسىمداعىلاردى ەرتىپ كورىكتى شينجياڭدى ساياحاتتايمىن،-دەدى پارحات ساتۋ ۇلى.

ايشا ەركىن قىزى قازىر اۋدارما قىزمەتىمەن شۇعىلدانادى. تاياۋدا ول جەمەنەي شەكارا وتكەلىنەن كىرىپ ءۇرىمجى، سانشي سياقتى جەرلەرگە باردى، جۇڭگو مەن قازاقستاننىڭ شەكارادان ءوزارا ۆيزاسىز ءوتۋ كەلىسىمى بويىنشا ول پاسپورتى ارقىلى شەتەلگە شىعىپ، شەكارادان ءوتۋ ۋاقىتىن ۇنەمدەدى.

— شەكارادان ۆيزاسىز ءوتۋ ساياساتى كۇشكە يە بولعاننان بەرى، ءبىر پاسپورتپەن جۇڭگو مەن قازاقستانعا بارۋعا بولادى. كەيىن مەن ساياحات ۇيىرمەسىن باستاپ جەمەنەي وتكەلىنەن كىرىپ، شەتەلدىك دوستاردىڭ جۇڭگونىڭ كورىنىسىن تاماشالاۋىنا مۇمكىندىك جاسايمىن،-دەدى ايشا ەركىن قىزى.

ءبىر جىلدان بەرى، جۇڭگو مەن قازاقستاننىڭ شەكارادان ءوزارا ۆيزاسىز ءوتۋ ساياساتى جۇڭگو مەن قازاقستان ازاماتتارىنىڭ ساۋدا، ساياحات سياقتى جاقتارداعى اۋىس-كۇيىسىن جەبەپ، شەكارادان كىرىپ-شىعۋشىلار زور مولشەردە ارتتى، بۇل دا جۇڭگو مەن قازاقستاننىڭ حالىقارالىق جولاۋشى تاسىمال اۆتوبۋزدارىن ءتىپتى دە قاربالاستىققا ءتۇسىردى. بيىل جەمەنەي اۋدانى جەمەنەي وتكەلىنەن قازاقستاننىڭ شىعىس قازاقستان وبلىسى زايسان اۋدانىنا باراتىن حالىقارالىق كەزەكشى اۆتوبۋز سانىن كوبەيتتى، اپتاسىنا بارىپ-قايتقان حالىقارالىق جولاۋشى تاسىمال اۆتوبۋزى ورتا ەسەپپەن 50 رەت بولدى.

سونىمەن بىرگە، جولاۋشى تاسىمال كەزەكشى اۆتوبۋزىنىڭ بىرتىندەپ كوبەيۋىنە قاراتا جەمەنەي شەكارادان كىرىپ-شىعۋ شەكارا قورعانىس تەكسەرۋ پۋنكتى كەدەننەن ءوتۋ بارىسىن ۇزدىكسىز ساپالىلاندىرىپ، اۆتوكولىك تەكسەرۋدىڭ قاۋىرت مەزگىلىندە قالعان قىزمەت ورىندارىنداعىلار سايكەسىپ مىندەت وتەدى ءارى كەدەننەن ءوتۋ ۋاقىتىن پارىقتاندىرۋ، ۋاقىتتى ۇزارتۋ سياقتى قولايلى شارالاردى قولدانىپ، اۆتوكولىكتەردىڭ كەدەننەن ءوتۋ ونىمدىلىگىن ونان ارى ارتتىردى.

— مەملەكەتتىك كوشى-قون باسقارۋدىڭ ”ۇقىقتى تومەنگە بەرۋ، باسقارۋ، قىزمەت وتەۋ“ رەفورماسىنىڭ ءتۇرلى شارالارىن ىشكەرىلەي دايەكتىلەندىرىپ، تياناقتاندىرىپ، ەستەلىككە الىنعان سەنىمدى كاسىپورىنداردىڭ شەكارا اتتاعان جۇك تاسىمال اۆتوكولىكتەرىن الدىن الا كەلىسىپ كەدەننەن ءوتۋ قىزمەت وتەۋىمەن قامداپ، ۇكىمەت جۇمىسى، سەنىمدى ەرەكشە اۆتوكولىكتەردىڭ ارناۋلى تەز قارقىندى ارناسىن اشىپ، شەكارالىق تەكسەرۋدى، كەدەن ساندى مالىمەتتەرىنەن بىرگە يگىلىكتەنۋدى، ماشينالىق تەكسەرۋدى ءوزارا مويىنداۋدى جولعا قويىپ، جۇك تاسىمال وتكەلدەرىنىڭ كەدەننەن وتكىزۋ ونىمدىلىگىن ارتتىردىق. سونىمەن بىرگە، كەدەنمەن بىرلەسىپ ”سەلبەسىپ تەكسەرۋ، ءبىر جولدا وتكىزۋ“ سىندى تەكسەرۋ ۇلگىسىن قولدانىپ، ”اۆتوكولىكتى ءبىر رەت عانا توقتاتۋ، تەكسەرۋدى ءبىر رەت قابىلداۋدى“ جۇزەگە اسىرىپ، كاسىپورىنداردىڭ وزىندىك قۇنىن تومەندەتىپ، ونىمدىلىگىن ارتتىرىپ، شەكارا ساۋداسى ەكونوميكاسىنىڭ دامۋىنا دەم بەردىك،-دەدى جەمەنەي شەكارادان كىرىپ ـ شىعۋ شەكارا قورعانىس تەكسەرۋ پۋنكتىنىڭ كەزەكشى قىزمەتكەرى قۋانىش بولاتبەك ۇلى.