جۋىقتا، ءتىلشىنىڭ التاي ايماقتىق حالىق ىستەرى مەكەمەسىنەن ۇعىسۋىنا قاراعاندا، جاقىنعى كۇندەردەن بەرى، بۇل مەكەمە تەكسەرۋ تەبىنىن ارتتىرىپ، قيىنشىلىعى بار بۇقاراعا دەركەزىندە ۋاقىتتىق قۇتقارۋ-كومەكتەسۋ قوسىمشا قاراجاتىن تاراتىپ، ولاردىڭ قاقاعان قىستا مەيىرگە تولى تابىس سەزىمى مەن باقىت سەزىمىن سەزىنۋىنە مۇمكىندىك ازىرلەگەن.
حالىق ىستەرى قىزمەتى حالىق تۇرمىسىنا سايىپ، حالىق تىلەگىن توعىستىرادى. جاقىندا، التاي ايماقتىق حالىق ىستەرى مەكەمەسى قيىنشىلىعى بار بۇقارانىڭ نەگىزگى تۇرمىسى مەن قاتىستى قاجەتىن بەلسەنە ۇعىسىپ، يگەرىپ، شارتقا ۇيلەسەتىن قيىنشىلىعى بار بۇقارانى قامتاماسىزداندىرۋ كولەمىنە ەنگىزۋگە كەپىلدىك ەتىپ، دەركەزىندە قۇتقارۋ-كومەكتەسۋ قارجىسىن تاراتتى. 10-ايدىڭ 31-كۇنىنە دەيىن بۇل مەكەمە بۇكىل ايماقتىڭ قالا-اۋىلدارىنداعى 6860 وتباسىنىڭ ەڭ تومەنگى تۇرمىسى قامتاماسىزداندىرىلاتىن 16 مىڭ 779 وبيەكتىگە، 983 ەرەكشە قيىنشىلىعى بار وبيەكتىگە، 102 جەتىم بالاعا قۇتقارۋ-كومەكتەسۋ قوسىمشا قاراجاتى مەن ءبىرجولاتا بەرىلەتىن تۇرمىستىق قوسىمشا قاراجاتىنان 104 ميلليون يۋان تاراتتى. سونىمەن بىرگە، ءارقايسى اۋدان (قالا) اۋدان كولەمىندەگى قيىنشىلىعى بار بۇقارانىڭ جىلۋمەن قامداۋ قاجەتى مەن قازىنانىڭ ءىس جۇزىندىك جاعدايىنا ۇشتاستىرىپ، وتباسى بويىنشا سۇيەمەلدەۋدى نەگىز ەتىپ، ەڭ تومەنگى تۇرمىسى قامتاماسىزداندىرىلاتىن وبيەكتىلەر مەن بىتىراندى ەرەكشە قيىنشىلىعى بار وبيەكتىلەردىڭ ءار وتباسىنا 800 دە 1000 يۋان، ەڭ تومەنگى تۇرمىسى قامتاماسىزداندىرىلۋ جيەگىندە تۇرعان وبيەكتىلەردىڭ ءار وتباسىنا 400 دە 500 يۋان ولشەم بويىنشا، ەڭ تومەنگى تۇرمىسى قامتاماسىزداندىرىلاتىن 7033 وتباسىنا، ەرەكشە قيىنشىلىعى بار 598 وتباسىنا، ەڭ تومەنگى تۇرمىسى قامتاماسىزداندىرىلۋ جيەگىندە تۇرعان 515 وتباسىنا 6 ميلليون 976 مىڭ 600 يۋان جىلۋمەن قامداۋ قوسىمشا قاراجاتىن تاراتتى.
التاي ايماقتىق حالىق ىستەرى مەكەمەسى قوعامدىق قۇتقارۋ-كومەكتەسۋ ءبولىمىنىڭ جاۋاپتىسى شياۋ يا تىلشىگە: ءبىز ”شۇعىل، قيىن جاعدايدا قۇتقارۋ-كومەكتەسۋ“، ”الدىمەن قۇتقارۋ-كومەكتەسۋ“، ”ءبىر ىسكە ءبىر قارار شىعارۋ“ قاتارلى ۋاقىتتىق قۇتقارۋ-كومەكتەسۋ ساياساتىن جاپپاي تياناقتاندىرىپ، ”شۇعىل، قيىن تۇردەگى“ جانە ”شىعىن تۇرىندەگى“ ءتاسىل بويىنشا ەمدەلۋ، وقۋعا ءتۇسۋ، توسىن شىرعالاڭ قاتارلى ۋاقىتتىق قيىنشىلىققا ۇشىراعاندارعا قۇتقارۋ-كومەكتەسۋ قيمىلىن دەركەزىندە ورىستەتىپ، ۋاقىتتىق قۇتقارۋ-كومەكتەسۋ ۋاقىت ونىمدىلىگىن كۇشەيتتىك. 10-ايدىڭ 31-كۇنىنە دەيىن ايماق بويىنشا ۋاقىتتىق قيىنشىلىققا ۇشىراعان 1666 ادامعا كومەكتەسىپ، 3 ميلليون 45 مىڭ يۋان ۋاقىتتىق قۇتقارۋ-كومەكتەسۋ قارجىسىن تولەدىك،-دەدى.
来源：雪都嘟/阿勒泰地区融媒体中心
记者：杨玮璇
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
