قولايلى! التايدا قار شاڭعى جابدىعىڭىزدى اقىسىز ساقتاتىپ قوياسىز

كوكتوعاي، گەنەرال تاۋى حالىقارالىق قار شاڭعى دەمالىس رايونىنىڭ ىركەس-تىركەس اشىلۋىنا ىلەسە، التايدا قار شاڭعى تەبۋدىڭ ”قاۋىرت مەزگىلى“ باستالدى. كوپتەگەن قار شاڭعى اۋەسكەرى سومكاسىن اسىنىپ، قار شاڭعى الاڭىنا بارىپ قار-مۇز دۇنيەسىندە ەمىن-ەركىن زىمىراۋعا دايىندالدى. سونىمەن قاتار، التاي قالاسى ازات جولى كوشە ءىس باسقارماسى لانجيڭ الەۋمەتتىك اۋماعىنىڭ وزگەشە قىزمەت وتەۋى قار شاڭعى اۋەسكەرلەرىنە بۇرىن بولىپ كورمەگەن قولايلىلىق جاراتىپ، مەيىر سيلادى.

جۋىردا، ءتىلشى لانجيڭ الەۋمەتتىك اۋماعىنان الەۋمەتتىك اۋماق قىزمەتكەرلەرىنىڭ ۋىنجوۋلىق قار شاڭعى اۋەسكەرى مياۋ لي-ىرعا الدىڭعى قار ماۋسىمىنىڭ سوڭىندا ساقتاعان قار شاڭعى جابدىقتارىن الىپ بەرىپ جاتقاندىعىن كوردى. ول تەبىرەنە تىلشىگە: قار ماۋسىمىندا التايعا كەلىپ قار شاڭعى تەۋىپ تۇرامىن. بيىل قار شاڭعى اكەلمەي الەۋمەتتىك اۋماققا اقىسىز ساقتاتقان قار شاڭعىنى ىستەتتىم، مۇنداي قىزمەت وتەۋ وتە قولايلى ءارى ويداعىداي بولدى.

2023-جىلدان 2024-جىلعا دەيىنگى قار ماۋسىمى اياقتالۋعا تاياعاندا، مياۋ لي-ىر التاي قالاسى ازات جولى كوشە ءىس باسقارماسى لانجيڭ الەۋمەتتىك اۋماعىنىڭ قار شاڭعى جابدىقتارىن اقىسىز ساقتاۋ قىزمەت وتەۋىن جولعا قويعاندىعىن بىلگەننەن كەيىن ەكىلەنبەستەن، شاڭعىنى لانجيڭ الەۋمەتتىك اۋماعىنا ساقتاتىپ، الەۋمەتتىك اۋماقتىڭ قولايلى قىزمەت وتەۋى مەن قار شاڭعى جابدىقتارىن ساقتاعاندىعىنا العىسىن ايتتى.

ءتىلشى لانجيڭ الەۋمەتتىك اۋماعىنداعى قار شاڭعى جابدىقتارىن ساقتاۋ بولمەسىنەن قار شاڭعى جابدىقتارىن ساقتايتىن سورەدە رەتتى ءتىزىلىپ 120 دان استام قار شاڭعى جابدىعى قويىلعاندىعىن كوردى. الەۋمەتتىك اۋماق قىزمەتكەرلەرىنىڭ تانىستىرۋىنا قاراعاندا، قار شاڭعى اۋەسكەرلەرىنىڭ ءجۇرىس-تۇرىسىنا، قار شاڭعى تەبۋىنە قولايلىلىق جاراتۋ ءۇشىن، الەۋمەتتىك اۋماق بيىل 1-ايدىڭ 10-كۇنى قار شاڭعى جابدىقتارىن اقىسىز ساقتاۋ قىزمەت وتەۋىن جولعا قويعان. بۇل جەردە قار شاڭعى، قار شاڭعى كيىمى، سونداي-اق قورعاۋ جابدىقتارىن قىسقا جانە ۇزاق ۋاقىت اقىسىز ساقتاۋعا بولادى.

اقىسىز ساقتاۋ قىزمەت وتەۋىنەن سىرت، الەۋمەتتىك اۋماق وكىلەتتى قابىلداۋ، وكىلەتتى جەتكىزۋ قىزمەت وتەۋىمەن قامدادى. سىرت جەرلەردەگى قار شاڭعى اۋەسكەرلەرى قار شاڭعى جابدىقتارىن جەدەل جەتكىزۋ ارقىلى پوچتادان الەۋمەتتىك اۋماققا جونەلتكەننەن كەيىن قىزمەتكەرلەر جيناپ، تىزىمدەپ قامباعا ساقتايدى. قار شاڭعى اۋەسكەرلەرى كەلگەننەن كەيىن، كۇشكە يە كۋالىگى ارقىلى الادى. قار شاڭعى اۋەسكەرلەرى جابدىعىن ىستەتپەكشى بولسا، الەۋمەتتىك اۋماق جابدىقتاردى بەلگىلەنگەن ورىنعا جونەلتەدى. بۇل قىزمەت وتەۋ جولعا قويىلعاننان كەيىن قار شاڭعى اۋەسكەرلەرىنىڭ جاقسى باعاسىنا يە بولدى. لانجيڭ الەۋمەتتىك اۋماعى پارتيا باس ياچەيكاسىنىڭ شۋجيى ءرانا ابىليميت بىلاي دەدى: ءبىز الداعى جەردە مەيىر سيلاۋ قىزمەت وتەۋىمەن ۇزدىكسىز قامداپ، ساياحاتشىلاردى رازى قىلىپ، بۇكىل ەلدىڭ جەر-جەرىنەن كەلگەن قار شاڭعى اۋەسكەرلەرىنىڭ التايعا ساياحاتتاۋىنا قولايلىلىق جاراتامىز.

التاي ايماعى مول قار-مۇز جاراتىلىستىق بايلىعى، تاماشا قار ساپاسى، سونداي-اق جانعا جايلى قار شاڭعى تەبۋ ورتاسىمەن شينجياڭنىڭ ءىشى- سىرتىنداعى كوپتەگەن قار شاڭعى اۋەسكەرلەرىن باۋرادى. جۋىق جىلداردان بەرى، ساياحات نەگىزدىك سايكەستى قۇرىلعىلارىن ۇزدىكسىز كەمەلدەندىرۋمەن بىرگە، التاي ايماعى ساياحاتتىق قىزمەت وتەۋ ساپاسىن كۇش سالا جاقسارتىپ، ءاربىر ساياحاتشىنىڭ قۋانا كەلىپ، رازى بولىپ قايتۋىنا كەپىلدىك ەتتى.