قاۋلى جاريالاندى! كەلەر جىلدان باستاپ 63 جاسقا دەيىن ۇزارتىلادى

تاياۋدا، قوعام حاۋىپسىزدىگى مينيسترلىگى «<موتورلى كولىك شوفەرلىك كۋالىگىن ءوتىنىش ەتىپ الۋ جانە پايدالانۋ بەلگىلەمەسىنە> وزگەرىس ەنگىزۋ جونىندە قاۋلى (پىكىر الۋ نۇسقاسىن)» جاريالادى.

قاۋلىدا مىنالار اتاپ كورسەتىلدى: 2025-جىلى 1-ايدىڭ 1-كۇنىنەن باستاپ ءىرى، ورتا تۇرپاتتى جولاۋشىلار اۆتوكولىگىن، جۇك اۆتوكولىگىن جۇرگىزۋگە رۇقسات ەتىلەتىن ەڭ جوعارى جاس شەگى 60 جاستان 63 جاسقا ۇزارتىلادى.

«موتورلى كولىك شوفەرلىك كۋالىگىن ءوتىنىش ەتىپ الۋ جانە پايدالانۋ بەلگىلەمەسى» (قوعام حاۋىپسىزدىگى مينيسترلىگىنىڭ 162-ءنومىرلى بۇيرىعى) جيىنى 111 تارماق، وسى رەت 5 تارماققا وزگەرىس ەنگىزىلمەكشى، باستىسى مىنالاردى قامتيدى:

ءبىرىنشى، ءىرى، ورتا تۇرپاتتى جولاۋشىلار اۆتوكولىگى، جۇك اۆتوكولىگىنىڭ شوفەرلىك كۋالىگىن ءوتىنىش ەتۋ جاسى جونىندەگى بەلگىلەمە. ءىرى، ورتا تۇرپاتتى جولاۋشىلار اۆتوكولىگى، جۇك اۆتوكولىگىنىڭ شوفەرلىك كۋالىگىن ءوتىنىش ەتۋدىڭ ەڭ جوعارى جاس شەگى 60 جاستان 63 جاسقا ۇزارتىلادى. بۇعان قاتىستى تارماقتار 14-تارماقتاعى بەلگىلەمەر.

ەكىنشى، ءىرى، ورتا تۇرپاتتى جولاۋشىلار اۆتوكولىگىن، جۇك اۆتوكولىگىن جۇرگىزۋگە رۇقسات ەتىلەتىن ەڭ جوعارى جاس شەگى جونىندەگى بەلگىلەمەنى رەتتەۋ. ءىرى، ورتا تۇرپاتتى جولاۋشىلار اۆتوكولىگىن، جۇك اۆتوكولىگىن جۇرگىزۋگە رۇقسات ەتىلەتىن ەڭ جوعارى جاس شەگى 60 جاستان 63 جاسقا ۇزارتىلادى. بۇعان قاتىستى تارماق 65-تارماق.

ءۇشىنشى، ءىرى، ورتا تۇرپاتتى جولاۋشىلار اۆتوكولىگى، جۇك اۆتوكولىگى شوفەرلەرى زەينەتكە شىعۋدىڭ يكەمدى كەشىكتىرىلۋى سەبەبىنەن كولىك جۇرگىزۋ جاس شەكتەمەسىن ۇزارتۋ ءوتىنىشىن بەرۋ جونىندەگى بەلگىلەمەنى ايقىنداۋ. مەملەكەتتىڭ زەينەتكە شىعۋدى يكەمدى كەشىكتىرۋ ساياساتىمەن ۇشتاستىرۋ ءۇشىن، جاسى 63 جاستان اسقان كەزدە ءىرى، ورتا تۇرپاتتى جولاۋشىلار اۆتوكولىگىن، جۇك اۆتوكولىگىن جالعاستى تۇردە جۇرگىزۋدى ءوتىنىش ەتكەن شوفەرلەر دەنساۋلىق تەكسەرۋ جانە ەستە ۇستاۋ قابىلەتى، تۇجىرىم جاساۋ قابىلەتى، سەزگىرلىگى سياقتى تەكسەرۋگە قاتىناسادى، دەنساۋلىق شارت-جاعدايى ءىرى، ورتا تۇرپاتتى جولاۋشىلار اۆتوكولىگى، جۇك اۆتوكولىگىن جالعاستى تۇردە جۇرگىزۋ تالابىنا ۇيلەسسە، اۆتوكولىك باسقارۋ ورنىنا بۇرىنعى جۇرگىزۋ رۇقسات ەتىلگەن كولىك تيبىن جۇرگىزۋ تولىمدىلىق مەرزىمى شەگىن ۇزارتۋدى ءوتىنىش ەتۋىنە بولادى. بۇعان قاتىستى تارماق 65-تارماق.

ءتورتىنشى، دوڭگەلەكتى ارناۋلى مەحانيكالىق اۆتوكولىك، رەليسسىز ترامۆاي، رەليستى ترامۆاي شوفەرلىك كۋالىگىن كۇشىنەن قالدىرۋ جاسى جونىندەگى بەلگىلەمەنى رەتتەۋ. دوڭگەلەكتى ارناۋلى مەحانيكالىق اۆتوكولىك، رەليسسىز ترامۆاي نەمەسە رەليستى ترامۆايدىڭ شوفەرلىك كۋالىگىن كۇشىنەن قالدىرۋ جاسىنىڭ ەڭ جوعارى شەگى 60 جاستان 63 جاسقا ۇزارتىلادى. بۇعان قاتىستى تارماق 79-تارماق.

بەسىنشى، مەكتەپ اۆتوكولىگىن جۇرگىزۋ تولىمدىلىعىن ءوتىنىش ەتۋ جاسى مەن كۇشىنەن قالتىرۋ جاسى جونىندەگى بەلگىلەمەنى كەمەلدەندىرۋ. شوفەرلەردىڭ مەكتەپ اۆتوكولىگىن جۇرگىزۋ تولىمدىلىعىن الۋعا ءوتىنىش بەرۋدەگى ەڭ جوعارى جاس شەگى جونىندەگى ”60 جاستان اسپايدى“ دەگەن بەلگىلەمە ”جاسى مەملەكەتتىڭ مەكتەپ اۆتوكولىگىن جۇرگىزۋ تولىمدىلىعى شارتىنا ۇيلەسۋى كەرەكگە“ وزگەرتىلدى، مەكتەپ اۆتوكولىگىن جۇرگىزۋ تولىمدىلىعىن كۇشىنەن قالدىرۋ جاسى ”جاسى 60 تان اسقاندار“ دەگەن بەلگىلەمە ”جاسى مەملەكەتتىڭ مەكتەپ اۆتوكولىگىن جۇرگىزۋ تولىمدىلىعى شارتىنان اسىپ كەتسە“ دەپ وزگەرتىلىپ، جوعارى زاڭنىڭ ”مەكتەپ اۆتوكولىگى حاۋىپسىزدىگىن باسقارۋ ەرەجەسىنىڭ“ بەلگىلەرىمەن بىردەيلىك ساقتالدى. بۇعان قاتىستى تارماقتار 88-، 92-تارماقتار.

بۇدان سىرت، ”ادەتتەگى ءۇش دوڭگەلەكتى موتوتسيكلدى، ادەتتەگى ەكى دوڭگەلەكتى موتوتسيكلدى جۇرگىزۋ رۇقسات كۋالىگىن الۋعا ءوتىنىش بەرۋ جاسى 60 جاستان 70 جاسقا دەيىن بولادى“ دەگەن حالىققا قولايلى شارالار تاراۋلىق بەلگىلەمە دەڭگەيىنە كوتەرىلىپ، حالىققا قولايلى قىزمەت وتەۋ شارالارى تۇزىمدەندىرىلىپ، رەفورمانى زاڭمەن باسقارۋ ىلگەرىلەتىلدى.

كەلەسى قادامدا، قوعام حاۋىپسىزدىگى مينيسترلىگى اشىق جينالعان پىكىر-ۇسىنىستارعا ساي، «قوعام حاۋىپسىزدىگى مينيسترلىگىنىڭ <موتورلى كولىك شوفەرلىك كۋالىگىن ءوتىنىش ەتىپ الۋ جانە پايدالانۋ بەلگىلەمەسىنە> وزگەرىس ەنگىزۋ جونىندەگى قاۋلىسىنداعى (پىكىر الۋ نۇسقاسى)» وزگەرىس ەنگىزىلگەن مازمۇندارعا ىشكەرىلەي وزگەرىس ەنگىزىپ، كەمەلدەندىرىپ، «قوعام حاۋىپسىزدىگى مينيسترلىگىنىڭ <موتورلى كولىك شوفەرلىك كۋالىگىن ءوتىنىش ەتىپ الۋ جانە پايدالانۋ بەلگىلەمەسىنە> وزگەرىس ەنگىزۋ جونىندەگى قاۋلىسىن (بەكىتۋگە جولداناتىن نۇسقا)» قالىپتاستىرادى ءارى بەلگىلەمە بويىنشا بەكىتۋگە جولدايدى. وزگەرىس ەنگىزىلگەننەن كەيىنگى «قوعام حاۋىپسىزدىگى مينيسترلىگىنىڭ <موتورلى كولىك شوفەرلىك كۋالىگىن ءوتىنىش ەتىپ الۋ جانە پايدالانۋ بەلگىلەمەسىنە> وزگەرىس ەنگىزۋ جونىندەگى قاۋلىسى» 2025-جىلى 1-ايدىڭ 1-كۇنىنەن باستاپ اتقارىلادى.