مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
![]()
سىزدە وسىنداي ساتتەر بولعان با؟ • كۇندەلىكتى ۇساق- تۇيەك جۇمىستاردان باس الماي، كوپ كۇش جۇمساماساڭ دا، شارشاڭقى كۇي كەشەسىڭ؛ • ءبىر كۇندە ون شاقتى ساعات ۇيىقتاساڭ دا، سەرگىپ، ەشنارسەگە قىزىعۋشىلىق تانىتا المايسىڭ؛ • سەريالداردى، كينولاردى شەكتەن تىس كورىپ نەمەسە تەلەفوندى كوپ پايدالانعان سوڭ، ميىڭ شارشاپ، ىشكى جان دۇنيەڭ بوس قالعانداي سەزىنەسىڭ …«باس الماي جۇمىس ىستەۋ ادامدى كەدەيلىككە اپارادى، تاۋسىلمايتىن قاربالاستىق ءومىر ىرعاعىن بۇزادى».تابىستى ادام قالاي جاقسى جۇمىس ىستەۋدى عانا ەمەس، سونداي- اق قالاي جاقسى دەمالۋدى دا بىلەدى.ەڭ كەرەمەت قامقورلىق – بۇل تەرەڭ دەمالىس.![]()
دەمالىس – ءوزىن- ءوزى بوساتۋ جانە قامقورلىق«جانىڭ تىنىشتالعاندا، كوكجيەگىڭ كەڭەيىپ، بۇرىن بايقاماعان نارسەلەردى كورەسىڭ».دەمالىستى ادامدار ءجيى تار ماعىنادا تۇسىنەدى. كوپشىلىكتىڭ ويىنشا، تەك توسەكتە جاتىپ ۇيىقتاۋ – شىنايى دەمالىس.شىن مانىندە، دەمالىس – بۇل بوس ۋاقىت قانا ەمەس، ءوزىڭدى ءتۇسىنۋ جانە قامقورلىق تانىتۋ.Apple نەگىزىن قالاۋشى دجوبس مەديتاتسيانى كۇندەلىكتى ءومىرىنىڭ ماڭىزدى بولىگى ەتكەن.ول تىنىش ورتادا وتىرىپ، كوزىن جۇمىپ، تەك تىنىسىنا نازار اۋداراتىن. وسى ارقىلى ميىن بوساتىپ، بارشا ۋايىمداردان ارىلاتىن.مەديتاتسيا وعان ەرەكشە قۋانىش پەن ىشكى تىنىشتىق سىيلادى. بۇل رۋحاني دەمالىس ونىڭ ويلاۋ قابىلەتى مەن شىعارماشىلىق الەۋەتىن ارتتىردى، سونىمەن قاتار Apple- دىڭ ۇزدىكسىز جاڭالىق جاراتۋىنا نەگىز بولدى.«سايا باقتاعى 20 مينۋت تەورياسى»جاقىندا الەۋمەتتىك جەلىلەردە قىزۋ تالقىلانعان«سايا باقتاعى 20 مينۋت تەورياسى» دا وسىعان بايلانىستى.حالىقارالىق قورشاعان ورتا جانە دەنساۋلىق زەرتتەۋ جۋرنالىنىڭ زەرتتەۋى بويىنشا، كۇنىنە سىرتتا ءبىراز ۋاقىت وتكىزۋ ادامنىڭ كوڭىل- كۇيىن جاقسارتادى. ءتىپتى سايا باقتا 20 مينۋت ءجۇرۋ- اق ادامنىڭ جاعدايىن ايتارلىقتاي جاقسارتادى.جەلى قولدانۋشىلارى بۇل تەوريانى سىناپ كورىپ، وتە پايدالى ەكەنىن ايتتى.سايا باقتاعى 20 مينۋتتا ادامدار كۇننىڭ جىلۋىن سەزىنەدى، سامال جەلدى جانە قۇستاردىڭ ءانىن ەستيدى، اعاشتاردىڭ بيلەپ، جاپىراقتاردىڭ باياۋ جەرگە تۇسكەنىن تاماشالايدى.بۇل ساتتە جۇمىستىڭ قىسىمى مەن تۇرمىستىق ۇساق- تۇيەكتەردەن الشاقتاپ، تابيعاتپەن ۇندەستىك ورنايدى.«جەنمين جيباو» گازەتى بىلاي دەپ جازعان:«شىنىمەن مىقتى ادامدار قالاي دەمالۋ كەرەكتىگىن بىلەدى».دەمالىس – وزىندىك ءتارتىپتىڭ ءبىر ءتۇرىجاقسى دەمالىس – بۇل ميىڭدى بوساتىپ، دەنەڭدى سەرگىتۋ.«1+1» فيلمىندەگى فيليپپ پەن ءدريسستىڭ قارىم- قاتىناسى ءوزىن- ءوزى تانۋ ارقىلى دەمالۋدىڭ ەرەكشە جولىن كورسەتەدى.فيليپپ – ارباعا تاڭىلعان باي ادام، ال دريسس – ونىڭ كۇتۋشىسى. ولاردىڭ قارىم- قاتىناسى فيليپپكە ومىرگە دەگەن قۇشتارلىعىن قايتا وياتسا، دريسسكە جاۋاپكەرشىلىك پەن مەيىرىمدىلىك سەزىمىن سىيلادى.بۇل دوستىق ءومىردىڭ اۋىرتپالىعىن جەڭىلدەتىپ، ولاردىڭ ءبىر- بىرىنە ء«دارى» بولۋىنا مۇمكىندىك بەردى.ومىردە ەڭ قيىنى – شۋلى الەمنىڭ ورتاسىندا ءوزىڭدى تابۋ.دج. ك. روۋلينگتىڭ مىسالى كەرەمەت. اجىراسۋ مەن جۇمىسسىزدىقتان زارداپ شەككەن ول قيىندىقتاردى جەڭىپ، تانىمال جازۋشىعا اينالدى.قيىن كەزدەردە ول بالاسىمەن بىرگە كافەدە وتىرىپ، تىنىشتىقتا جازۋ ارقىلى ءوزىن تىنىشتاندىردى. ناتيجەسىندە، «گارري پوتتەر» سيقىرلى الەمى پايدا بولدى.قالاي تەرەڭ دەمالۋعا بولادى؟تىنىشتىققا جەتۋ ءۇشىن جايلى ورتا قاجەت.مىسالى، كافەدە وتىرىپ كوفە ءىشۋ، باقشاعا بارۋ نەمەسە ۇيدە حوش ءيىستى شام جاعىپ، دەمالۋ. 2. ەلەكتروندىق قۇرىلعىلاردى ءسوندىرۋ.تەلەفوننان الىستاپ، ومىردەگى ءىس- شارالارمەن اينالىسۋ – سۋرەت سالۋ، تاماق ءپىسىرۋ نەمەسە قولونەر جاساۋ ارقىلى كوڭىل كوتەرۋ. 3. iشكى سەزىمدەرگە نازار اۋدارۋ.مەديتاتسيا جاساپ، ءوز ويلارىڭدى رەتكە كەلتىرۋ، ۇناتاتىن كىتابىڭدى وقىپ، نەمەسە كۇندەلىك جازۋ ارقىلى ىشكى ەموتسيالارىڭدى ءتۇسىنۋ.تەرەڭ دەمالىس – بۇل رەال ومىردەن قاشۋ ەمەس، تەپە- تەڭدىك تابۋ. ول ارمانعا جەتۋگە قۋات بەرەدى جانە ءومىردىڭ جاقسى جاقتارىن اشۋعا مۇمكىندىك بەرەدى.ءارقايسىمىز وزىمىزگە لايىقتى دەمالىس ءتاسىلىن تاۋىپ، كۇش جيناپ، جاڭا جەتىستىكتەرگە قول جەتكىزەيىك.
一一一一一一一一一一一一一一一一一一一一一一一一一一一一一一
管理员微信号：kwabol
一一一一一一一一一一一一一一一一一一一一一一一一一一一一一一
KWABOL微信平台是一个内容丰富的哈萨克语言公众平台，
我们永久支持原创，社会和谐，个人发展与共享知识 。
感谢您的支持与关注！
