مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ءار كۇنى سىزبەن بىرگە!
مارال كوزى مولدىرەيدى جالعاننىڭ
شىعىستاعى الاۋىنداي تاڭدارادىڭ،
ويىمدى ورتەپ وتىرادى ورمان مۇڭ.
مەنىڭ بىتپەس ساعىنشىم سەكىلدى،
مارال كوزى مولدىرەيدى جالعاننىڭ.
سەنى ىزدەپ وتىرامىن ولەڭنەن،
قۇس جولىندا جۇلدىزداردى كوگەندەپ.
بۇلت ىشىندەگى التىن تاباق سەكىلدى،
توڭكەرىلىپ اي قارايدى توبەمنەن…
مارقا كوڭىل ماۋسىمداردىڭ دۇبىرىن،
تىڭداي-تىڭداي تاۋسىلارداي عۇمىرىم…
كۇن استندا ءوزىڭدى ىزدەپ اداسقان،
كىسنەيدى اي قاسقا ءبىر قۇلىنىم…
التاي تاۋى تىم تاكاپپار شالقالاپ،
كەمپىر قوساق ساعىمنان شارپى وراپ.
سەندىك مۇڭنان سەيىلتكىسى كەلگەندەي،
بۇلت كوشەدى بۇلان ويىمدى ارقالاپ…
كۇمىس قانات اققۋىنداي ارماننىڭ،
بار عالامعا شۋاق شاشتى ءمار-مار كۇن.
مەنىڭ بىتپەس ساعىنشىم سەكىلدى،
مارال كوزى مولدىرەيدى جالعاننىڭ…
ءىليا كارىم قىزى
ساعىنىش قۇسى
كوزىڭنەن كوردىم شەكسىز مەن،
كوگىلدىر اسپان الەمىن.
ەرتسپەن ماعان وتكىزگەن،
التايدىڭ ىستىق سالەمىن!
جۇزىڭدە عاجاپ اراي بار،
كۇن كۇلىپ قانا تۇرعانداي.
«ساعىنىش»-دەگەن سارايعا،
كىرىپتە كەتتىڭ بۇلدانباي…
اسقاقتىعىنان جانىڭنىڭ،
اسپانداپ تۇرسىڭ كوگىمدە.
مەن سەنى سونشا ساعىندىم.
ولەڭىم بولدىڭ توگىلگەن…
تولقىندا تولقىن عۇمىردىڭ،
تولقىنىن قۋىپ تانىستىق.
تۋعان جەردەگى تۇعىرلىم،
تۋىسقان جانداي قاۋىشتىق.
بىلمەيمىن قانداي عايىپتان،
تاعدىرىم بولىپ ورالدىڭ.
ەرتىسپەن ەدىل جايىقتان،
سەنى ىزدەپ شىققان بولارمىن…
جۇرەكپەن سومداپ كۇز كەيپىن،
سارعايتىپ حاتقا ءتۇسىردىم.
ءتۇرت مەزگىل سەنى ىزدەيتىن،
«ساعىنىش»-اتتى قۇسىڭمىن…
ءىليا كارىم قىزى
مەن ەرتىسىتىڭ قىزى ەدىم
تۇنىعىنان جارالعان،
مەن ەرتىستىڭ قىزى ەدىم.
ساعىنشتى سانامنان،
ءمولدىر مونشاق تىزەمىن.
تولقىندارى تۋعىزعان،
جىلدار قۋعان عۇمىرىم.
شولپى تاققان جۇلدىزدان،
تۇندەي قارا بۇرىمىڭ.
سۋداعى ايدىڭ ساعىمى،
سىڭارى ەدى سىرعامنىڭ،
جۇرەگىڭنىڭ لاعىلى،
سىرلارىڭدى تىڭدارمىن.
التاي تاۋىنا اسىلىپ،
ەرتىس اعىپ ەركەلەر.
ساعىنشىن جاسىرىپ،
جان جۇرەگىم ورتەنەر…
جىبەك قۇيىرىق قۇندىزجال،
ەرتىس دەگەن بوز جورعا.
قوناقتاسا كۇن قۇزعا،
سۇلۋلىققا ءسوز بارما.
كۇمبىر-كۇمبىر كۇيىمەن،
ەرتىس اعىپ بارادى،
كۇيگە تولى دۇنيەم،
كۇيىگىنە سالادى.
سىڭعىر-سىڭعىر ءانىمەن،
ەرتىس كەتىپ بارادى.
اققۋ-قازىن سانىمەن،
ەرتىپ كەتىپ بارادى.
ەرتىس، ەرتىس بولعالى،
سۇلۋ بولعان دەسەدى.
سۋلىعىنان ۇستاتپاي،
سۇلۋ جالعان كوشەدى.
التاي، التاي بولعالى،
ايبنى اسقان دەسەدى.
بۇلت اۋناتىپ جوندارىن،
ايعا ىلەسىپ كوشەدى.
ۇيگە اسىققان اناداي،
ءمولدىر كوكتەن كۇن اۋار.
مەنى سۇيسەڭ اعاجاي،
ەرتىسىمنەن سۇراپ ال!
一一一一一一一一一一一一一一一一一一一一一一一一一一一一一一
管理员微信号：kwabol
一一一一一一一一一一一一一一一一一一一一一一一一一一一一一一
KWABOL微信平台是一个内容丰富的哈萨克语言公众平台，
我们永久支持原创，社会和谐，个人发展与共享知识 。
感谢您的支持与关注！
