مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
ءار كۇنى سىزبەن بىرگە!
1966- جىلى مايكل بلۋمبەرگ حارۆارد ۋنيۆەرسيتەتىن ءبىتىردى
كەلەسى ونج ىلدىقتاردا ول نيۋيورىكتى باعىندىرىپ، ساياساتتا ءوز ورنىن تاپتى جانە الەمگە ايگىلى bloomberg كومپانياسىن قۇردى. سونىمەن قاتار، ءۇش رەت نيۋ-يورك قالاسىنىڭ باستىعى بولىپ سايلاندى.
ءوزىنىڭ تابىستى ءومىر جولىن سارالاي وتىرىپ، بلۋمبەرگ بىلاي دەدى:
«مەنىڭ جەتىستىگىمەحارۆاردتا العان ءبىلىمىم ەمەس، ومىرگە دۇرىس كوزقاراسپەن قاراۋدى ۇيرەنگەنىم اسەر ەتتى».
كوپتەگەن ادامداردىڭ ومىرىندەگى ساتسىزدىكتەرى – قابىلەتىنىڭ جەتىسپەۋشىلىگىنەن ەمەس، دۇرىس كوزقاراس پەن تۇراقتى پسيحيكالىق جاعدايدىڭ بولماۋىنان.
ءومىر جولىندا كەزدەسەتىن قيىندىقتار مەن وزگەرىستەردى تەك مىقتى ىشكى كۇش-جىگەر ارقىلى جەڭۋگە بولادى.
پسيحولوگ مۋ چەنگانگ حارۆارد تۇلەكتەرىنىڭ جالپى ومىرلىك كوزقاراستارىن التى ءتۇرلى سيپاتتاعان.
ءوزىڭىزدى ىشكى جاعىنان دامىتۋ – بيىكتەرگە جەتۋدىڭ العاشقى قادامى.
01. شەكسىز كوزقاراس: ءوزىڭىزدى شەكتەمەڭىز
وسكار سىيلىعىنىڭ يەگەرى ناتالي پورتمان ومىردە شەكسىز كوزقاراستىڭ ماڭىزىن كورسەتكەن جارقىن مىسال.
13 جاسىندا مەكتەپتە ءبىر تانىمال رەجيسسەر جاس اكتەرلەردى ىزدەگەندە، ناتالي ءوزىنىڭ تاجىريبەسىنىڭ ازدىعىنا قاراماستان، باتىلدىق تانىتىپ، اكتەر تاڭداۋعا قاتىسقان. ول مىڭداعان ۇمىتكەرلەر اراسىنان تاڭدالىپ، فيلمگە ءتۇستى.
كەيىن بۇل فيلم جاھاندىق تانىمالدىلىققا يە بولدى، ءبىراق ناتالي وزىنە:
«ءومىر تەك اكتەرلىكپەن شەكتەلمەۋى ءتيىس» دەپ، وقۋعا قايتا ورالدى. ول حارۆاردتى بىتىرگەننەن كەيىن، زەرتتەۋلەرمەن اينالىسىپ، كولۋمبيا ۋنيۆەرسيتەتىندە وقىتۋشى بولدى.
ناتالي بىلاي دەدى:
«شەكسىز كوزقاراس – بولاشاقتى ەشقانداي شەكتەۋسىز قالىپتاستىراتىن كىلت».
كەي ادامدار وزدەرىن ۇيرەنشىكتى ورتاسىندا شەكتەپ، جاڭا مۇمكىندىكتەردەن باس تارتادى.
جازۋشى سياو ە:
«شىن مانىندە دۇرىس كوزقاراس – كۇتپەۋ، جالقاۋلىقتان ارىلۋ جانە ءدال قازىر ارەكەت ەتۋ».
02. ويىن كوزقاراسى: ءومىردى جەڭىل قابىلداۋ
ستيۆەن كوۆي بىلاي دەيدى:
«ويىن كوزقاراسى – ومىرگە ويىن رەتىندە قاراۋ. ول قيىندىقتاردى ءلاززاتقا اينالدىرۋ قابىلەتى».
امەريكالىق ويىن جوباگەرى دجەين ماكگونيگال اۆتوكولىك اپاتىنان كەيىن باسىنان اۋىر جاراقات الدى. ونىڭ دوستارى دجەين ەندى ويىندارعا قايتا ورالا المايدى دەپ ويلاعانىمەن، ول جاراقاتىن جەڭىل قابىلداپ، بۇل جاعدايدى ويىن رەتىندە قاراستىردى. وسى وي وعان كۇش بەرىپ، ءوزىن قايتا قالپىنا كەلتىرىپ، جاڭا جەتىستىكتەرگە جەتۋىنە كومەكتەستى.
ويىن كوزقاراسى – قيىندىقتاردى جەڭىل قابىلداۋعا جانە ولاردى ەڭسەرۋگە كومەكتەسەدى.
03. «جۇمىسشىنىڭ كوزقاراسى»: ۇنەمى دامۋ
حارۆارد پروفەسسورى دجون كوۋلمان ستۋدەنتتىك كەزىنەن كەيىن بىرنەشە اي بويى فەرمادا جۇمىسشى بولىپ جۇمىس ىستەدى. بۇل تاجىريبەسى وعان ەڭبەكقورلىق پەن ۇنەمى دامۋ قاجەتتىلىگىن تۇسىنۋگە كومەكتەستى.
حايەر كورپوراتسياسىنىڭ پرەزيدەنتى چجان جۋيمين:
«ۇنەمى اباي بول، ءارقاشان وزىڭە سەن».
ءوز ءبىلىمىڭىزدى كەڭەيتۋ جانە داعدىلارىڭىزدى جەتىلدىرۋ ارقىلى ءسىز قاي ورتادا دا ءوز ورنىڭىزدى ساقتاي الاسىز.
04. قازىرگى ساتكە نازار اۋدارۋ: «بۇگىنگى كۇن كوزقاراسى»
كوپتەگەن ادامدار بولاشاقتا بولاتىن جاعدايلاردى الدىن الا ۋايىمداپ، قازىرگى ءساتتىڭ راقاتىن ۇمىتادى.
حارۆارد پروفەسسورى دەنيەل گيلبەرت:
«بۇگىنگى كۇنگە نازار اۋدارىڭىز. ەرتەڭدى ۋايىمداۋدىڭ ورنىنا قازىرگى ساتتەن ءلاززات الىڭىز».
قازىرگى ۋاقىتتى باعالاۋدى ۇيرەنىڭىز – سوندا ەرتەڭىڭىز جارقىن بولادى.
05. سۇراق قويۋ كوزقاراسى: ءوزىڭىزدى جەتىلدىرۋ
دجوبس بىلاي دەيدى:
«مەن كۇن سايىن وزىمە سۇراق قويامىن: «نەگە مەن جەڭىلدىم؟»، «قاي جەردە قاتەلەستىم؟».
بۇل سۇراقتار ونىڭ جەتىستىگىنىڭ نەگىزى بولدى. سۇراق قويۋ جانە ءوزىن-ءوزى تالداۋ ارقىلى ول ءاردايىم قاتەلىكتەردەن ساباق الىپ وتىردى.
سوكرات:
«تالداۋ جاسالماعان ءومىر – ءومىر ەمەس».
06. ريزاشىلىق كوزقاراسى: ومىرگە العىس ايتۋ
حارۆارد ۋنيۆەرسيتەتىنىڭ بۇرىنعى پرەزيدەنتى لوۋرەنس بەكوۋ ستۋدەنتتەرگە ارنالعان بايانداماسىندا بىلاي دەدى:
«مەن ءۇشىن مۇمكىندىك بەرگەندەردىڭ بارلىعىنا العىس ايتامىن. ريزاشىلىق – ءومىردى وزگەرتەتىن كۇش».
ومىردە ريزاشىلىق بىلدىرگەن ادام اينالاسىنداعى ءار نارسەدەن مۇمكىندىك كورە بىلەدى. قيىندىقتار – شىنىعۋ مۇمكىندىگى، ال قولداۋ – جەتىستىككە جەتۋدىڭ جولى.
قورىتىندى: «حارۆارد كوزقاراسى»
«حارۆارد كوزقاراسى» – قيىندىقتاردى جەڭۋ ءۇشىن ءاردايىم دۇرىس كوڭىل-كۇيدى ساقتاۋدىڭ قۇپياسى.
• شەكسىز كوزقاراس: ءوزىڭدى شەكتەمە؛
• ويىن كوزقاراسى: ءومىردى جەڭىل قابىلدا؛
• ريزاشىلىق: ءار نارسەدەن مۇمكىندىك ىزدە.
ءوز كوزقاراسىڭىزدى جاڭارتىڭىز، سوندا ءسىز كەز كەلگەن قيىندىقتى ەڭسەرىپ، ءوزىڭىز قالاعان بيىككە جەتە الاسىز.
一一一一一一一一一一一一一一一一一一一一一一一一一一一一一一
管理员微信号：kwabol
一一一一一一一一一一一一一一一一一一一一一一一一一一一一一一
KWABOL微信平台是一个内容丰富的哈萨克语言公众平台，
我们永久支持原创，社会和谐，个人发展与共享知识 。
感谢您的支持与关注！
