مازمۇنى ماعىنالى،
تاريحى ۇزاق،
وقىرمان سانى كوپ
كۋابول ءۇنحات تەكشەسى
1. “ەشقاشان تىم مومىن كورىنەتىن ەر ادامعا تۇرمىسقا شىقپا. ولاردا بىرىنشىدەن، ءوز پىكىرى بولمايدى؛ ەكىنشىدەن، كەلىسپەۋشىلىكتەردى شەشۋ ءۇشىن اڭگىمەلەسە المايدى؛ ۇشىنشىدەن، كەشىرىم سۇرامايدى، ساعان جىلۋ بەرەتىن سوزدەردى ايتۋ تۋرالى مۇلدە ويلامايدى. بىردەڭە بولسا، ساڭىراۋ مەن مىلقاۋ سياقتى بولىپ، ىشىمدەگىنى تاپ دەپ جۇرە بەرەدى. ءوزىمشىل كەلەدى، قاتەلەسپەۋدى عانا ويلايدى، سەنىڭ ەڭبەگىڭ مەن جان ايقايىڭدى ەلەمەيدى، تەك سەنىڭ قاتەلىكتەرىڭدى ىزدەيدى.”2. “ەر اداممەن ءومىر بويى بىرگە بولا الاسىڭ با، سونى انىقتاۋ ءۇشىن ونىڭ ساعان قانشا ادەمى ءسوز ايتقانىنا نەمەسە قانشا سىيلىق بەرگەنىنە قاراما. ەڭ ماڭىزدىسى – سەن اشۋلانعاندا ونىڭ ساعان دەگەن قارىم-قاتىناسى قانداي بولاتىنىن ويلاپ كور.”3. “جانىڭداعى ادامدارعا مۇقيات نازار اۋدار. ۇساق-تۇيەككە بولا اشۋلانا كەتەتىندەردىڭ اراسىندا اقىلدى بىردە-بىرەۋىن كەزدەستىرمەيسىڭ. ولار كوبىنە قيىن، رەتسىز ءومىر سۇرەدى.”4. “ەگەر سەن ۇيدە ءۇي شارۋاسىمەن اينالىسىپ، بالانى باعىپ ءجۇرىپ، كوڭىلىڭ تىنشىماي، اشۋشاڭ، مازاسىز، جىلاي بەرەتىن بولساڭ جانە اينالاڭداعى ادامدارعا جيىركەنىشپەن قاراي باستاساڭ، بۇل مىندەتتى تۇردە اقشا نەمەسە ماحابباتتىڭ جەتىسپەۋشىلىگىنەن. بۇل تىم قاراپايىم ەستىلەدى، ءبىراق شىندىق وسىنداي.”5. “ايەل قانشا ادەمى، تالانتتى، نەمەسە تارتىمدى بولسا دا، ەگەر بىرەۋدەن كومەك سۇراپ، الاقانىن جايسا، سول ساتتە-اق جەڭىلەدى.”6. “باسقالاردى تۇزەتۋگە دەگەن قۇمارلىعىڭدى تەجەي ءبىل. ەرەسەك ادام تەك تاڭداۋدى ءبىلۋى كەرەك، تاربيەلەۋدى ەمەس. بۇل جۇبايعا، دوسقا، سەرىكتەسكە دە قاتىستى. ادامداردى وزگەرتۋگە دەگەن تاباندىلىعىڭدى توقتات. ادامداردى ءىس قانا ۇيرەتەدى، ءبىر رەت جەتكىلىكتى. ويتكەنى، ۇيىقتاپ جاتقان ادامدى وياتا المايسىڭ، ونى تەك اۋىرسىنۋ عانا وياتادى.”7. “ءوزىڭ مەن باسقالاردىڭ اراسىنداعى قارىم-قاتىناستى تىم جوعارى باعالاما جانە ادامداردىڭ ءوز پايداسىن كوزدەيتىن تابيعاتىن تومەندەتىپ ەسەپتەمە. ءوز جولىڭدى دۇرىس ۇستان، جاقىندىق پەن الشاقتىقتى تاعدىرعا تاپسىر. بۇل ومىردە ەڭ قاۋىپتىسى – قارىم-قاتىناستى اسىرا باعالاۋ جانە ءوزىڭدى بىرەۋدىڭ ومىرىندە ماڭىزدى دەپ ساناۋ.”8. “ادامدار اراسىندا الشاقتىق پايدا بولسا، ونى جاقىنداتۋ قيىن. ۇزىلگەن ارقاندى قالاي بايلاساڭ دا، ءتۇيىن قالادى. بۇل ومىردە بۇرىنعىداي بولۋ مۇمكىن ەمەس. جاراسىمعا كەلۋ وڭاي، ءبىراق بۇرىنعىداي بولۋ وتە قيىن. سەن مەنى ۇساقشىل دەيسىڭ، ويتكەنى رەنىشتى كوتەرىپ جۇرگەن ادام سەن ەمەس. ەسكى اڭگىمەنى قايتا قوزعاۋدىڭ سەبەبى – ونىڭ ەشقاشان دۇرىس شەشىلمەگەنى. الشاقتىق پايدا بولعاننان كەيىن ول قارا قۇردىم سياقتى، ءبىر-بىرىڭە دەگەن جاقىندىق پەن تۇسىنىستىكتى جۇتا بەرەدى.”9. “ەگەر ەشكىمنىڭ ارەكەتتەرىنە نازار اۋدارماساڭ، بىرەۋدىڭ ويلارىن بولجايمىن دەپ اۋرەلەنبەسەڭ، بولماعان وقيعالاردى ەلەستەتپەسەڭ، ءومىرىڭ الدەقايدا جەڭىلدەيدى. قاراپايىم بول، سەزىمتالدىقتى ازايت، جانە اسىقپا – سوندا ءوزىڭدى ەركىن سەزىنەسىڭ.”10. “ەڭ شاراسىز ساتتەرىڭدە سەنى تاستاپ كەتكەن ادامدارمەن، ولار تۋىسىڭ، دوسىڭ نەمەسە سۇيىكتىڭ بولسىن، قايتا قارىم-قاتىناس ورناتۋدىڭ قاجەتى جوق. ولار سەنىڭ قينالىپ جۇرگەنىڭدى بىلە تۇرا، سۋىق قاراي الدى، ءتىپتى جاعدايدى قيىنداتۋعا تىرىستى. سەبەبى، سەن كۇشتى بولعاندا ولار سەنىڭ السىزدىگىڭدى ەلەمەيدى، ال سەن ءالسىز بولعاندا سەنىڭ كەمشىلىكتەرىڭدى ۇلكەيتەدى. مۇنداي ادامدارمەن جاقىن بولۋ دا، ولاردى كەشىرۋ دە قاجەت ەمەس.”
一一一一一一一一一一一一一一一一一一一一一一一一一一一一一一
管理员微信号：kwabol
一一一一一一一一一一一一一一一一一一一一一一一一一一一一一一
KWABOL微信平台是一个内容丰富的哈萨克语言公众平台，
我们永久支持原创，社会和谐，个人发展与共享知识 。
感谢您的支持与关注！
