شينجياڭ جىكپەلەڭدى ازياداعى قابىلداۋ كولەمى ەڭ كەڭ شاڭعى تەبۋ – دەمالۋ رايونى ەتىپ قۇرىپ شىعۋعا قولداۋ كورسەتەدى
انار بۇلت \ شينجياڭ گازەتىنىڭ 1 – ايدىڭ 8 – كۇنى بەرگەن حابارى. شينجياڭ ۇيعۇر اۆتونوميالى رايوندىق حالىق ۇكىمەتى تورابىنىڭ حابارىنا قاراعاندا، جۋىردا اۆتونوميالى رايوندىق حالىق ۇكىمەتىنىڭ كەڭسە مەڭگەرمەسى «اۆتونوميالى رايوننىڭ قار – مۇز سپورتىن جوعارى ساپالى دامىتۋ ارقىلى قار – مۇز ەكونوميكاسىنىڭ ومىرشەڭدىك قۋاتىن تاسقىنداتۋ جونىندەگى اتقارىلاتىن جوباسىن» باسىپ تاراتقان.
«جوبادا» مىنالار ورتاعا قويىلعان: قار – مۇز ساياحاتىن دامىتۋ، قار – مۇز ساياحاتىنىڭ دارەجەسىن جوعارىلاتۋ ارەكەتىن ورىستەتۋ، جىكپەلەڭدى ازياداعى ساياحاتشىلاردى قابىلداۋ كولەمى ەڭ كەڭ شاڭعى تەبۋ – دەمالىس رايونى ەتىپ قۇرىپ شىعۋعا قولداۋ كورسەتۋ، جىبەك جولى تاۋلى ءوڭىر دەمالىس رايونى مەن گەنەرال تاۋى حالىقارالىق شاڭعى تەبۋ – دەمالىس رايونىن جىلىنا قوناق قابىلداۋ مولشەرى ميلليوننان اساتىن قار – مۇز ساياحاتىنداعى ايگىلى ورىن ەتىپ قۇرىپ شىعۋ، گەنەرال تاۋى، كوكتوعاي، جىكپەلەڭ قار – مۇز الاڭدارىن ەلىمىزدەگى الدىڭعى ون ورىنداعى شاڭعى الاڭى ەتىپ قۇرىپ شىعۋ كەرەك. ءۇرىمجى قالاسى، ىلە وبلىسى، التاي ايماعى، سانجى وبلىسى، بۇراتالا وبلىسى قاتارلى قار – مۇز ساياحاتىنداعى وزەكتى وڭىرلەردى ءتۇيىندى تۇردە دامىتىپ، ”شاڭعىمەن ەسىك الدىنا دەيىن كەلۋگە بولاتىن“ قوناق ۇيلەردى سالۋعا قولداۋ كورسەتىپ، ەكونوم قوناق ءۇي، جاستار قوناقجايى، ورمان اراسىنداعى قوناق ءۇي، اۋىل – قىستاق تۇسەلحاناسى قاتارلى ءتۇرلى ساياحاتتىق جاتىن ورىنداردى دامىتىپ، قار – مۇز ساياحاتىنداعى ەرەكشەلىككە يە ءبىر توپ قالاشىقتاردى قالىپتاستىرۋ كەرەك. ءار جىلى قار – مۇز ساياحاتىنداعى تاڭداۋلى 10 جول جەلىسىن ورتاعا قويىپ وتىرۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
