دۇنيە جۇزىلىك دەنساۋلىق ساقتاۋ ۇيىمى ا ق ش - نىڭ اتالعان ۇيىمنان شەگىنەتىندىگىن جاريالاعانىنا وكىنىش ءبىلدىردى
شينحۋا اگەنتتىگىنىڭ ءتىلشىسى ۋاڭ چيبيڭ 21 ـ قاڭتاردا جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمى 1 – ايدىڭ 21 – كۇنى ا ق ش زۇڭتۇڭى ترامپتىڭ اكىمشىلىك بۇيرىققا قول قويىپ، ا ق ش ـ نىڭ اتالعان ۇيىمنان شەگىنىپ شىعاتىنىن جاريالاعانىنا وكىنىش ءبىلدىردى، ا ق ش - نىڭ قايتادان ويلانۋىن ءارى سىندارلى پىكىرلەسۋ ارقىلى ا ق ش مەن اراداعى سەرىكتەستىك قاتىناستى قورعاۋدى ءۇمىت ەتتى.
دۇنيە جۇزىلىك دەنساۋلىق ساقتاۋ ۇيىمى سول كۇنى حابارلاندىرۋ جاريالاپ بىلاي دەدى: بۇل ۇيىم اۋرۋدىڭ ءتۇبىرلى سەبەبىن كۇش سالا شەشۋ ارقىلى دەنساۋلى ساقتاۋدىڭ اناعۇرلىم قۇدىرەتتى جۇيەسىن قۇرۋ، سونداي – اق، اۋرۋدىڭ تۇتقيىل پايدا بولۋىن قامتىعان دەنساۋلىق ساقتاۋ جاعىندا توسىننان تۋىلعان وقيعالاردى پارىقتاۋ، ودان ساقتانۋ جانە وعان توتەپ بەرۋ قاتارلى جاقتاردا ا ق ش - ندىقتاردى قامتىعان بۇكىل دۇنيە ءجۇزى حالقىنىڭ سالاماتتىعى مەن حاۋىپسىزدىگىن قورعاۋ جاعىندا شەشۋشى رول اتقارۋدا.
حابارلاندىرۋدا بىلاي دەلىنگەن: ا ق ش مەن باسقا مۇشە ەلدەردىڭ بىرگە ات سالىسۋىندا، دۇنيە جۇزىلىك دەنساۋلىق ساقتاۋ ۇيىمى وتكەن 7 جىلدا تاريحتاعى ەڭ كولەمدى رەفورمانى اتقاردى، قازىر بۇل قىزمەت ءالى دە جالعاسۋدا.
ترامپ 1 - ايدىڭ 20 - كۇنى اكىمشىلىك بۇيرىققا قول قويىپ، ا ق ش ـ نىڭ دۇنيە جۇزىلىك دەنساۋلىق ساقتاۋ ۇيىمىنان شەگىنىپ شىعاتىندىعىن جاريالاعان. اق ساراي جاريالاعان اكىمشىلىك بۇيرىقتا بىلاي دەلىنگەن: ا ق ش – نىڭ مەملەكەت حاتشىسى ا ق ش ا ق ش - نىڭ بۇل ۇيعارىمىن ب م ۇ مەن دۇنيە جۇزىلىك دەنساۋلىق ساقتاۋ ۇيىمىنا دەرەۋ ۇقتىرۋى كەرەك. اكىمشىلىك بۇيرىقتا تەز ارادا ۇيلەسىمدى شارالار قولدانىپ، دۇنيە جۇزىلىك دەنساۋلىق ساقتاۋ ۇيىمىنا ا ق ش ۇكىمەتىنىڭ ءارقانداي قارجى بەرۋىن، قولداۋ كورسەتۋىن جانە بايلىق بەرۋىن ۋاقىتشا توقتاتۋ تالاپ ەتىلگەن.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
