قاتىناس - تاسىمال مينيسترلىگى كوكتەم مەرەكەسى مەزگىلىندەگى تاسىمالعا قاتىستى حاۋىپ ـ قاتەرلەردى، كومەسكى قاتەرلەردى تەكسەرۋ، جونگە سالۋ قيمىلىن ورىستەتەدى
حالىق گازەتىنىڭ ءتىلشىسى حان شين 1 – ايدىڭ 20 - كۇنى بەيجيڭنەن حابارلايدى. جۋىردا، قاتىناس – تاسىمال مينيسترلىگى تەكسەرۋ، جەتەكشىلىك ەتۋ گرۋپپاسىنان 10 گرۋپپانى 20 ولكەگە جىبەرىپ، كوكتەم مەرەكەسى مەزگىلىندەگى تاسىمالعا جانە كوكتەم مەرەكەسى مەزگىلىندەگى قاتىناس - تاسىمال سالاسىنداعى ءوندىرىس حاۋىپسىزدىگىنە ساياتىن اۋىر حاۋىپ – قاتەرلەر مەن كومەسكى قاتەرلەردى تەكسەرۋ، جونگە سالۋ ارەكەتىنە جۇمىس باسىندا تەكسەرۋ جۇرگىزەدى جانە جەتەكشىلىك ەتەدى.
ءارقايسى تەكسەرۋ، جەتەكشىلىك ەتۋ گرۋپپالارى اڭگىمە ءماجىلىسىن اشۋ، قىزمەت ماتەريالدارىن تەكسەرىپ وقۋ، اۋىر حاۋىپ ـ قاتەرلەر مەن كومەسكى قاتەرلەردى ءبىر – بىرلەپ تەكسەرۋ جۇيەسىن تەكسەرۋ، اشىق، جاسىرىن تەكسەرۋ سياقتى فورمالار ارقىلى ءار دارەجەلى باسقارۋ تاراۋلارىنىڭ قىزمەت ورىستەتۋ جاعدايىن ءتۇيىندى تۇردە تەكسەرەدى ءارى ءتۇيىندى سالالارداعى كاسىپورىندارعا دەيىن دالەلدەۋ فورماسىنداعى تەكسەرۋ جۇرگىزەدى.
كوكتەم مەرەكەسى مەزگىلىندەگى تاسىمال جانە كوكتەم مەرەكەسىنىڭ دەمالىسىنداعى قاتىناس ـ تاسىمال جاعىنداعى ءوندىرىس حاۋىپسىزدىگىنە ساياتىن اۋىر حاۋىپ ـ قاتەرلەردى جانە كومەسكى قاتەرلەردى تەكسەرۋ، جونگە سالۋ ارەكەتى 2024 ـ جىلى 12 ـ ايدىڭ سوڭعى شەنىندە باستالىپ، اتتانىسقا كەلتىرۋ – ورنالاستىرۋ -جاتتىقتىرۋ، ءوزىن ـ ءوزى تەكسەرۋ جانە ءبىر – بىرلەپ تەكسەرۋ، ۇلگى الىپ تەكسەرۋ جانە شارلاپ تەكسەرۋ، مينيستر دارەجەلى تەكسەرۋ جانە جەتەكشىلىك ەتۋ سىندى 4 ساتىعا ءبولىپ ورىستەتىلگەن، بۇل ارەكەت بارىسىندا نازاردى قاتىناس ـ تاسىمال سالاسىنداعى ءوندىرىس حاۋىپسىزدىگىنە ساياتىن اۋىر حاۋىپ ـ قاتەرلەر مەن كومەسكى قاتەرلەرگە شوعىرلاندىرىپ، ءبىر – بىرلەپ تەكسەرۋ مەن جونگە سالۋدى جاپپاي ىشكەرىلەي ورىستەتىپ، حاۋىپسىزدىك جاعىنداعى جاۋاپكەرشىلىكتى تياناقتاندىرۋدى ىلگەرىلەتىپ، رەتتەۋ ـ تۇزەتۋ جانە باسقارۋ ـ مەڭگەرۋ شارالارى قاتاڭ اتقارىلعان. قازىر اتتانىسقا كەلتىرۋ – ورنالاستىرۋ – جاتتىقتىرۋ، ءوزىن - ءوزى تەكسەرۋ جانە ءبىر - بىرلەپ تەكسەرۋ باسقىشتارى ورىندالىپ بولعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
