قازاقستان زۇڭتۇڭى: جۇڭگومەن بولعان قارىم - قاتىناستى دامىتۋ قازاقستان ديپلوماتياسىنىڭ باسىم باعىتى
شينحۋا اگەنتتىگىنىڭ تىلشىلەرى جاڭ جييە، جىڭ يۇي 1 – ايدىڭ 22 - كۇنى استانادان حابارلايدى. قازاقستان زۇڭتۇڭى توقايەۆ 1 – ايدىڭ 22 - كۇنى بىلاي دەدى: قازاقستان مەن جۇڭگونىڭ قارىم - قاتىناسى تاريحتاعى ەڭ جاقسى كەزەڭدە تۇر، جۇڭگومەن قارىم - قاتىناستى دامىتۋ قازاقستاننىڭ ديپلوماتيالىق باسىم باعىتى، ەكى جاقتىڭ ءار سالاداعى سەلبەستىگىن ونان ارى دامىتۋعا تىڭ قوزعاۋشى كۇش قوسۋدى قالايمىز.
توقايەۆ جۇڭگونىڭ قازاقستانداعى باس ەلشىسى حان چۇنلين تاپسىرعان مەملەكەت جولداماسىن قابىلداعان كەزدە جوعارىداعى سوزدەردى ايتتى.
حان چۇنلين بىلاي دەدى: قىزمەت جاۋاپكەرشىلىگىمىزدى مۇقيات اتقارىپ، ەكى ەلدىڭ مەملەكەت باسشىلارى كەلىسىمگە كەلگەن ماڭىزدى ورتاق تانىمدى ويداعىداي تياناقتاندىرىپ، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قاتىناسىن تەرەڭدەتۋگە بار كۇشىمىزدى سارقا جۇمسايمىز.
حان چۇنلين 2024 – جىلى 12 – ايدىڭ 30 – كۇنى قازاقستانعا بارىپ جاڭا مىندەتىن وتەي باستاعان.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
