ۋيشين تەكشەسىنىڭ حابارلاندىرۋى: ماڭگىلىك پەشەتتەلدى!
1 – ايدىڭ 18 – كۇنى، ۋيشين شانحۋ حاۋىپسىزدىك تەكشەسى ”AI دان پايدالانىپ، تانىمال ادامدارعا ەلىكتەۋ ارقىلى ساۋدالىق ۇگىت جۇرگىزگەندەرگە سوققى بەرۋ جونىندەگى حابارلاندىرۋدى (2 - سان)“ جاريالادى.
حابارلاندىرۋدا بىلاي دەلىنگەن: ءبىر مەزگىلدەن بەرى، تەكشە AI تەحنيكاسىنان پايدالانىپ تانىمال ادامدارعا ەلىكتەۋ ارقىلى ورىنسىز ساۋدا جۇرگىزۋ ارەكەتىنە ۇزدىكسىز نازار اۋداردى، تۇتىنۋشىلاردىڭ ۇقىق – مۇددەسىن قورعاپ، تۇتىنۋشىلاردىڭ الدانىپ قالۋىنان ساقتانۋ ءۇشىن، قولدانۋشىلاردىڭ اشكەرەلەۋى، كۇندەلىكتى ارالاپ تەكسەرۋ قاتارلى جاقتارداعى دەرەكتەرمەن ۇشتاستىرا وتىرىپ، تەكشە AI تەحنيكاسىنان پايدالانىپ تانىمال ادامدارعا ەلىكتەپ، بەلگىلەمەگە قايشى قۇراستىرۋ، ورىنسىز ساۋدالاۋ، جات نيەتپەن كورەرمەندەردى باۋراۋ قاتارلى ارەكەتتەرگە جەدەل، قاتاڭ سوققى بەردى. سوڭعى ءبىر ايدا جيىنى 120 مىڭ 91 مازمۇن ءبىر جاقتى ەتىلىپ، 3281 تىركەلگى جابىلدى. تيپتىك دەلولار مىناداي:
كەلەسى قادامدا، تەكشە AI تەحنيكاسىنان پايدالانىپ تانىمال ادامدارعا ەلىكتەۋ ارقىلى ساۋدالىق ۇگىت جۇرگىزۋ قاتارلى بەلگىلەمەگە قايشى مازمۇنداردى بايقاۋدى ۇزدىكسىز كۇشەيتىپ، تەحنيكالىق جاقتان جونگە سالۋ قابىلەتى مەن دەڭگەيىن ونان ارى جوعارىلاتىپ، تاماشا ينتەرنەت ەكولوگياسىن قورعايدى.
سونىمەن بىرگە، بارشا تۇتىنۋشىلاردىڭ زاڭ – ءتۇزىم مەن تەكشە ەرەجەسىنە سانالى بويسۇنۋىن دارىپتەپ، AI مەن قۇراستىرۋ تەحنيكاسىنان پايدالانىپ بەلگىلەمەگە قايشى مازمۇنداردى تۋىنداتۋ ارەكەتى جونىندە، تەكشە بارشا ينتەرنەت قولدانۋشىلاردىڭ ءتىپتى دە كوپ دەرەكتەرمەن قامداپ، پاك، ءتارتىپتى ينتەرنەت ورتاسىن بىرگە قالىپتاستىرۋىن قارسى الادى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
