ورتالىق اۋا رايى ستانسياسى 2025 - جىلعى تۇڭعىش رەتكى سۋىق اعىستان ساقتانۋ دابىلىن قاقتى
باتىس – سولتۇستىكتەگى وڭىرلەردە، سولتۇستىك جۇڭگونىڭ ءىشىنارا وڭىرلەرىندە تەمپەراتۋرانىڭ تومەندەۋ مولشەرى 14 گرادۋستان اسادى
بيىلعى العاشقى سۋىق اعىستىڭ تەبىنى قاتتى، ورتالىق اۋارايى ستانسياسى بۇگىن (1 – ايدىڭ 23 – كۇنى) ساعات 6 دا سۋىق اعىستان ساقتانۋدىڭ كوك ءتۇستى ساقتىق دابىلىن قاقتى، بۇل بيىلعى العاش رەتكى سۋىق اعىستان ساقتانۋ دابىلى.
سۋىق اعىستىڭ ىقپالىنا ۇشىرايتىندىقتان، 1- ايدىڭ 23 – كۇنىنەن 27 – كۇنىنە دەيىن، ەلىمىزدىڭ باسىم كوپ ءبولىم وڭىرىندە تەمپەراتۋرا ىلگەرىندى – كەيىندى 8 – 12 گرادۋس تومەندەيدى، باتىس - سولتۇستىك ءوڭىردىڭ شىعىس بولىگى، سولتۇستىك جۇڭگونىڭ باتىس بولىگى قاتارلى جەرلەردە تەمپەراتۋرانىڭ تومەندەۋ مولشەرى 14 گرادۋستان اسادى، جوعارىدا ايتىلعان وڭىرلەردە قيىس سولتۇستىكتەن 4 – 6 بال جەل سوعادى، مەزەتتىك جەل كۇشى 7 – 9 بال بولادى؛ 1 – ايدىڭ 26 – كۇنىنەن 27 – كۇنىنە دەيىن، ەلىمىزدىڭ شىعىس بولىگى مەن وڭتۇستىك بولىگىندەگى تەڭىز الابىندا 6 - 8 بال بوران سوعادى، مەزەتتىك جەل كۇشى 9 - 11 بال بولادى. 1 – ايدىڭ 28 – كۇنى تاڭەرتەڭ، ەڭ تومەنگى تەمپەراتۋرا 0 گرادۋس بولاتىن بەلدەۋ وڭتۇستىككە قاراي ويىسىپ، يۇنناننىڭ سولتۇستىك بولىگىنەن چاڭجياڭنىڭ وڭتۇستىگىندەگى وڭىرلەردىڭ وڭتۇستىك بولىگىنە دەيىن ۇلاسادى.
مەجەگە قاراعاندا، 1 – ايدىڭ 23 – كۇنى ساعات 8 دەن 1 – ايدىڭ 25 – كۇنى ساعات 8 گە دەيىن، شينجياڭنىڭ سولتۇستىك بولىگى، شيزاڭنىڭ سولتۇستىك بولىگى، چيڭحايدىڭ باتىس بولىگى، گانسۋدىڭ باتىس بولىگى جانە شىعىس - سولتۇستىك بولىگى، نيڭشيانىڭ وڭتۇستىك بولىگى قاتارلى جەرلەردە تەمپەراتۋرا ىلگەرىندى - كەيىندى 8 - 10 گرادۋس تومەندەيدى، مۇنىڭ ىشىندە، شينجياڭنىڭ سولتۇستىك بولىگى، شيزاڭنىڭ سولتۇستىك بولىگى قاتارلى جەرلەردىڭ ءىشىنارا وڭىرلەرىندە تەمپەراتۋرانىڭ تومەندەۋ مولشەرى 12 گرادۋستان اسادى. شينجياڭنىڭ سولتۇستىك بولىگى، باتىس سولتۇستىك ءوڭىردىڭ شىعىس بولىگى قاتارلى جەرلەردە 5 – 7 بال جەل سوعادى، مەزەتتىك جەل كۇشى 7 – 9 بال بولادى، شيزاڭنىڭ كوپ ءبولىمى، چيڭحايدىڭ ورتا وڭتۇستىك بولىگى، باتىس سىچۋان ءۇستىرتى قاتارلى جەرلەردە 5 - 7 بال جەل سوعادى، مەزەتتىك جەل كۇشى 8 - 10 بال بولادى.
ساقتانۋ شارالارى:
1. ۇكىمەت ورىندارى مەن قاتىستى تاراۋلار قىزمەت جاۋاپكەرشىلىگى بويىنشا سۋىق اعىستان ساقتانۋ جاعىنداعى دايىندىق قىزمەتىن جاقسى ىستەۋى كەرەك.
2. قالىڭ كيىنىڭىزدەر؛
3. ىستىق بەلدەۋلىك داقىلدار مەن سۋ ونىمدەرىنە قاجەتتى ساقتانۋ شارالارىن اتقارۋ قاجەت؛
4. بوراننان ساقتانۋ جاعىنداعى دايىندىق قىزمەتتى جاقسى ىستە قاجەت.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
