ا ق ش – نىڭ كەمەلدەنگەن تومەن باعاداعى دايىن چيپتەرى جۇڭگونىڭ بازارىنا سوققى بولۋدا
ساۋدا مينيسترلىگى زاڭ بويىنشا تەكسەرۋدى باستادى
جۇڭگو اقپارات تورابىنىڭ 1 – ايدىڭ 16 – كۇنى بەرگەن حابارى. ساۋدا مينيسترلىگى تورابىنىڭ حابارىنا قاراعاندا، 1 – ايدىڭ 16 – كۇنى، ساۋدا مينيسترلىگىنىڭ اقپارات مالىمدەمەشىسى ا ق ش – نان يمپورت ەتىلگەن كەمەلدەنگەن ارزان باعاداعى دايىن چيپتەردىڭ ەل ءىشى بازارىنا سوققى بولعانى جونىندە ەل ىشىندەگى چيپ وندىرىسىنە قاتىستى كاسىپ سالاسىنداعىلاردىڭ اڭىسى تۋرالى تىلشىلەردىڭ سۇراۋىنا جاۋاپ بەرگەن.
ءتىلشى بىلاي دەپ سۇرادى: كاسىپ سالاسىنداعى اقپاراتقا قاراعاندا، جۇڭگونىڭ ەل ىشىندەگى كەمەلدەنگەن دايىن چيپ كاسىپ سالاسىنىڭ ا ق ش - نان يمپورت ەتىلگەن ونىمدەردىڭ ادىلەتسىز باسەكەسىنە ۇشىراپ وتىرعانىن ايتىپ، تىقپالاي ساتۋعا قارسى، قوسىمشا بەرۋگە قارسى تەكسەرۋ جۇرگىزۋدى ءوتىنىش ەتكەندەر بار ەكەن، ساۋدا مينيسترلىگى قاتىستى ءوتىنىشتى تاپسىرىپ الدى ما، جوق پا؟ بىزگە قاتىستى جاعدايلاردى تانىستىرۋعا بولا ما؟
جاۋاپ: ەل ىشىندەگى چيپكە قاتىستى كاسىپ سالاسىنىڭ اڭىس ەتۋىنشە، ءبىر مەزگىلدەن بەرى، بايدەن ۇكىمەتى چيپ كاسىپ سالاسىنا قىرۋار قوسىمشا قاراجات بەرگەن، ا ق ش كاسىپورىندارى وسى سەبەپتى ادىلەتسىز باسەكە باسىمدىلىعىنا يە بولعان، سونداي – اق، جۇڭگوعا كەمەلدەنگەن دايىن چيپ ونىمدەرىن تومەن باعادا ەكسپورت ەتىپ، جۇڭگونىڭ ەل ىشىندەگى كاسىپ سالاسىنىڭ ۇقىق - مۇددەسىنە زيان جەتكىزگەن. جۇڭگونىڭ ەل ىشىندەگى كاسىپ سالاسىنىڭ بۇدان الاڭداۋى قالىپتى، ساۋدالىق قۇتقارۋ، تەكسەرۋ تۋرالى ءوتىنىش بەرۋگە دە ۇقىقتى.
بۇل ارادا مەنىڭ دارىپتەيتىنىم، ەل ىشىندەگى كاسىپ سالاسىنىڭ ءوتىنىشى مەن تىلەگى تۋرالى تەكسەرۋشى تاراۋلار جۇڭگونىڭ قاتىستى زاڭ - تۇزىمدەرى بويىنشا، دۇنيە جۇزىلىك ساۋدا ۇيىمىنىڭ بەلگىلەمەلەرىنە ساي تەكتەۋ جۇرگىزەدى ءارى زاڭ بويىنشا تەكسەرۋدى باستايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
