بيىل شينجياڭدا نەگىزدىك وقۋ - اعارتۋ كەزەڭىندە تىڭنان قوسىلاتىن ساپالى مەكتەپتەردىڭ سانى %10 تەن كەم بولمايدى
2025 - جىلعى شينجياڭداعى ەكى ءماجىلىستىڭ 4 - رەتكى اقپار جاريالاۋ ءماجىلىسى 1 – ايدىڭ 21 - كۇنى وتكىزىلدى، اۆتونوميالى رايوندىق وقۋ – اعارتۋ مەڭگەرمەسىنىڭ پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى لي گولياڭ بىلاي دەپ تانىستىردى: بيىل شينجياڭ جان سانىنىڭ وزگەرىسىنە ۇيلەسەتىن وقۋ - اعارتۋ بايلىعىن ءبىر تۇتاس جوسپارلاۋ، ورنالاستىرۋ مەحانيزمىن ونان ارى كەمەلدەندىرىپ، جان سانى ارتقان جەرلەردە ۇكىمەت باسقارۋىنداعى بالالار باقشالارىنداعى وقۋ ورىندارىنىڭ سانىن ارتتىرىپ، نەگىزدىك وقۋ – اعارتۋ كەزەڭىندە تىڭنان قوسىلاتىن ساپالى مەكتەپتەردىڭ سانىنىڭ %10 تەن كەم بولماۋىن ورىنداپ، ءبىر توپ ساپالى جاي ورتا مەكتەپتەردى جاڭادان وزگەرتەدى (كەڭەيتەدى). قالا مەن اۋىلدار ارا، وڭىرلەر ارا، مەكتەپتەردىڭ اراسىنداعى پارىقتى ونان ارى ازايتىپ، ءاربىر بالانىڭ ءۇيىنىڭ ماڭىندا جاقسى مەكتەپكە تۇسۋىنە مۇمكىندىك جاساۋعا كۇش سالادى.
سونىمەن بىرگە، «سالاماتتىقتى ءبىرىنشى ورىنعا قويۋ» ۇستانىمىن بەرىك ورناتىپ، 17 مىڭ ساباقحانانى جارىقتاندىرۋ، جاڭالاۋ ينجەنەرياسىن اتقارىپ، ورتا، باستاۋىش مەكتەپ وقۋشىلارىنىڭ ساباق ارالىعىنداعى 15 مينۋتتىق دەمالىسى مەن ءار كۇنگى مەكتەپ اۋلاسىنداعى جالپىلىق قيمىل ۋاقىتىنىڭ 2 ساعاتتان كەم بولماۋى سىندى شارالاردى تياناقتاندىرىپ، وقۋشىلاردىڭ پسيحيكالىق اقاۋسىزدىعىنا قاتىستى ءتالىم - تاربيەنى كۇشەيتىپ، بالالاردىڭ ساۋ دەنەلى، جان - جاقتى جەتىلۋىنە مۇمكىندىك جاسايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
