ەلەكترلى ۆەلوسيپەتىڭىزگە قاتىستى كونەسىن جاڭاسىنا اۋىستىرۋ ساياساتى جاريالاندى
1 – ايدىڭ 23 – كۇنى ساۋدا مينيسترلىگى قاتارلى 5 تاراۋ «2025 - جىلعى ەلەكترلى ۆەلوسيپەدتىڭ كونەسىن جاڭاسىنا اۋىستىرۋ قىزمەتىن ويداعىداي ىستەۋ جونىندەگى ۇقتىرۋدى» ( تومەندە قىسقاشا «ۇقتىرۋ» دەلىنەدى ) جاريالاپ، 2025 - جىلى 1 - ايدىڭ 1 - كۇنىنەن باستاپ ەلەكترلى ۆەلوسيپەدتىڭ كونەسىن جاڭاسىنا اۋىستىرۋدى جالعاستى ورىستەتۋدى تالاپ ەتتى. ناقتى مازمۇنى مىناداي:
ۇقتىرۋدا جاراقسىز، كونە ەلەكترلى ۆەلوسيپەد ساتقان ءارى تولىمدى جاڭا ەلەكترلى ۆەلوسيپەت ساتىپ العان جەكە تۇتىنۋشىلارعا كونەسىن جاڭاسىنا اۋىستىرعانى ءۇشىن قوسىمشا قاراجات بەرۋ تالاپ ەتىلدى. قوسىمشا قاراجات ولشەمىن ساۋدا مينيسترلىگى جەر - جەردىڭ ءىس جۇزىندىك جاعدايمەن ۇشتاستىرا وتىرىپ ۇيلەسىمدى بەلگىلەۋىنە جەتەكشىلىك ەتىپ، وتكەن جىلعى قوسىمشا قاراجات ولشەمىمەن ۇشتاستىرىپ، قىزمەتتىڭ ورنىقتى ۇشتاستىرىلۋىن ساقتاۋ كەرەك.
«ۇقتىرۋدا» قوسىمشا قاراجات بەرۋ وبيەكتىسى، قوسىمشا قاراجات بەرۋ ءتاسىلى اناعۇرلىم ايقىندالىپ، ساتۋ باسقىشىن ارناعا ءتۇسىرۋ، كونەسىن جيناپ الۋ باسقىشتارىن ساپالىلاندىرۋ، ساياساتتى ۇگىتتەۋدى كۇشەيتۋ سياقتى تالاپتار ورتاعا قويىلدى. جەر - جەردىڭ قوسىمشا قاراجاتتى ءوتىنىش ەتۋ، تەكسەرۋ جانە قارجى بوساتۋ ءتارتىبىن اناعۇرلىم ساپالىلاندىرۋىنا جەتەكشىلىك ەتىپ، كاسىپورىنداردىڭ ۋادە بەرۋ ءتۇزىمىن تياناقتاندىرىپ، ساتۋشى دۇكەندەردى كونەسىن جيناۋ، جاڭاسىن ساتىپ الۋ ءارى ءنومىر ءبتىرىپ بەرۋ قاتارلى ”ءبىر بەكەتتىك“ قىزمەت وتەۋمەن قامداۋعا شابىتتاندىرىپ، تۇتىنۋشىلارعا اناعۇرلىم ويداعىداي قولايلىلىق جاساۋ كەرەك. كونەسىن جاڭاسىنا اۋىستىرۋ قيمىلىن الەۋمەتتىك اۋماقتارعا جەتكىزۋ، ساتۋشى دۇكەندەرگە ساياساتتىق سۋرەتتى تۇسىندىرمە جاپسىرۋ، كەلتە حات جولداپ ەسكەرتۋ، اقپارات قۇرالدارىندا حابارلاۋ قاتارلى تاسىلدەر ارقىلى ساياساتتىق ۇگىتتى كۇشەيتىپ، قالىڭ تۇتىنۋشىلارعا ۇعىندىرۋ كەرەك.
كەلەسى قادامدا جەر – جەردەگى ساۋدا ىستەرىن باسقارۋشى تاراۋلار جەرگىلىكتى ورىنداعى حالىق ۇكىمەتى مەن ەلەكترلى ۆەلوسيپەدتىڭ حاۋىپسىزدىگىنە ساياتىن كومەسكى قاتەرلەردى تۇتاس جەلى بويىنشا جونگە سالۋ قىزمەتىنە جاۋاپتى ارناۋلى گرۋپپانىڭ ءبىر تۇتاس باسشىلىعىندا، سول وڭىرىندەگى ەلەكترلى ۆەلوسيپەدتىڭ كونەسىن جاڭاسىنا اۋىستىرۋ قىزمەتىن شىنايى اتقارۋدى ويداعىداي ىستەيدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
