شينجياڭدا از ۇلت تىلىندەگى AI اۋدارما بىرىككەن تاجىريبەحاناسىنان بىرەۋى قوسىلدى
انار بۇلت/ شينجياڭ گازەتىنىڭ حابارى (ٴتىلشى يىن لۋ حابارلايدى) 1 - ايدىڭ 17 - كۇنى جۇڭگو كينو جاساندى زەردە زەرتتەۋ اكادەمياسى مەن تيانشان كينو ستۋدياسى قول ۇستاسا قۇرعان از ۇلت تىلىندەگى AI اۋدارىپ جاساۋ بىرلەسكەن تاجىريبەحاناسى ماڭدايشالىق استى. وسى تاجىريبەحانانى قۇرۋداعى ماقسات AI تەحنيكاسى ارقىلى دىبىس تانۋ، ءماتىن اۋدارۋ، دىبىس سىزىقتارىن كلونداۋ، وربيتاعا ءبولىپ اۋىستىرۋ سياقتى اۋدارىپ جاساۋدىڭ تۇتاس بارىسىنا يقۋات بەرىپ، فيلم ٴتۇپ نۇسقاسىنىڭ ستيلىن بارىنشا قالپىنا كەلتىرىپ، ادام مەن جابدىقتىڭ سەلبەسۋى ارقىلى فيلم اۋدارىپ جاساۋدىڭ وزىندىك قۇنىن تومەندەتىپ، اۋدارما فيلم تۋىندىلارىنىڭ ساپاسى مەن سانىن بىردەي جوعارىلاتۋدى جۇزەگە اسىرۋ. بۇل شينجياڭنىڭ كينو اۋدارىپ جاساۋ كاسىبىنىڭ جاساندى زەردە تەحنيكاسى جونىندە ىزدەنىس جاساۋدا باسقان ماڭىزدى قادامى، شينجياڭنىڭ از ۇلت تىلىندەگى كينو فيلمدەردى اۋدارىپ جاساۋدا جاڭالىق اشا دامۋىن ىلگەرىلەتۋدە ماڭىزدى مانگە يە.
تيانشان كينو ستۋدياسى 1959 - جىلى قۇرىلعاننان بەرى 40 نەشە جىل شينجياڭ كينو فيلمدەرىن از ۇلت تىلىنە اۋدارىپ جاساۋ مىندەتىن ۇستىنە الىپ، اۋدارىپ جاساعان كينو مەن تەلە تۋىندىلارىنىڭ سانى 20 مىڭنان استى، مۇنىڭ ىشىندە كوپتەگەن تۋىندىلار از ۇلت تاقىرىبىنداعى كينو - تەلەۆيزيا ونەرىنىڭ تۇلپار سيلىعىن ەنشىلەدى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
