1 – ايدىڭ 19 – كۇنى، شينجياڭ اۋا رايى ستانسياسىنىڭ ۋيچات الەۋمەتتىك تەكشەسى ماڭىزدى اۋا رايىنان مالىمەتىن جاريالادى. كۇشتى سۋىق اعىستىڭ ىقپالىنان، مەجەمەن 1 ـ ايدىڭ 22 ـ كۇنى كۇندىزدەن 25 ـ كۇنى كۇندىزگە دەيىن، سولتۇستىك شينجياڭ مەن شىعىس شينجياڭدا قار جاۋىپ، بوران سوعىپ، تەمپەراتۋرا تومەندەيدى، سولتۇستىك شينجياڭنىڭ، شىعىس شينجياڭنىڭ باسىم كوپ بولەگىنىڭ اۋا تەمپەراتۋراسى 8 سەلتسي گرادۋس شاماسىندا تومەندەيدى، سۋىق اعىستىڭ، بوراننىڭ، ءىشىنارا قالىڭ قاردىڭ ەگىن، مال شارۋاشىلىعى، قاتىناس ـ تاسىمال، قالا اينالىمى سياقتىلارعا جاسايتىن ءتيىمسىز ىقپالىنان ساقتانۋعا تۋرا كەلەدى.

ناقتىلاپ ايتقاندا، 1 - ايدىڭ 22 - كۇنى كۇندىزدەن 25 - كۇنى كۇندىزگە دەيىن سولتۇستىك شينجياڭنىڭ جەر - جەرى جانە وڭتۇستىك شينجياڭنىڭ باتىس بولىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسى، قۇمىل قالاسى قاتارلى جەرلەردىڭ ءىشىنارا وڭىرلەرىندە باتىستان شىعىسقا قاراي قىرباق قار جاۋادى، مۇنىڭ ىشىندە ىلە اڭعارى، بۇراتالا وبلىسى، تارباعاتاي ايماعى، التاي ايماعىنىڭ سولتۇستىك تاۋلى ءوڭىرى، شىحىزى قالاسىنىڭ وڭتۇستىگىندەگى تاۋلى وڭىرلەر، ءۇرىمجى قالاسى، سانجى وبىلىسىنىڭ شىعىس بولەگى، باينعولىننىڭ سولتۇستىگىندەگى تاۋلى وڭىرلەر، قۇمىل قالاسىنىڭ سولتۇستىگىندەگى تاۋلى وڭىرلەر قاتارلى ورىنداردىڭ ءبىر ءبولىم رايوندارىندا ورتاشا جانە قالىڭ قار جاۋادى، ىلە اڭعارىنىڭ تاۋلى وڭىرلەرىندە، بۇراتالا وبىلسىنىڭ تاۋلى رايوندارىندا، تارباعاتاي ايماعىنىڭ سولتۇستىگىندەگى تاۋلى رايونداردا، ءۇرىمجى قالاسىنىڭ تاۋلى رايوندارىندا، سانجى وبىلىسىنىڭ تاۋلى رايوندارىندا، باينعولىن وبلىسىنىڭ سولتۇستىك بولىگىندەگى تاۋلى رايونداردىڭ ءىشىنارا جەرلەرىندە قالىڭ قار جاۋادى (جالپى قار مولشەرى 15 تە 20 ميلليمەتر)، جاڭادان جاۋعان قاردىڭ قالىڭدىعى 18 ~ 25 سانتيمەترگە جەتەدى. كۇشتى قار جاۋاتىن مەزگىل: سولتۇستىك شينجياڭنىڭ باتىس بولىگى مەن سولتۇستىك بولەگىندە 1 - ايدىڭ 22 - كۇنى تۇننەن 1 - ايدىڭ 23 - كۇنى تۇنگە دەيىن، ورتا تيانشان تاۋلى وڭىرىندە جانە ونىڭ ەكى جاعىندا 1 - ايدىڭ 23 - كۇنى كۇندىزدەن 24 - كۇنى كۇندىزگە دەيىن بولادى.

1 – ايدىڭ 22 – كۇنى كۇندىزدەن 25 - كۇنى كۇندىزگە دەيىن، سولتۇستىك شينجياڭنىڭ، شىعىس شينجياڭنىڭ باسىم كوپ بولەگىندە، وڭتۇستىك شينجياڭنىڭ باتىس بولەگىندەگى تاۋلى رايونداردا باتىس سولتۇستىكتەن 6 بال اينالاسىندا بوران سوعادى، جەل وتىندە 9 دا 10 بالعا جەتەدى، وتكىنشى مەزەتتىك جەل كۇشى 11 دە 12 بال بولادى.

1 – ايدىڭ 23 – كۇنىنەن 25 – كۇنىنە دەيىن سولتۇستىك شينجياڭنىڭ، شىعىس شينجياڭنىڭ باسىم كوپ جەرىندە تەمپەراتۋرا 8 سەلتسي گرادۋس اينالاسىندا تومەندەيدى، التاي ايماعىنىڭ، قۇمىل قالاسىنىڭ ءىشىنارا وڭىرلەرىندە 10 دا 14 سەلتسي گرادۋس تومەندەپ، قاتتى سۋىق اعىس بولادى؛ وڭتۇستىك شينجياڭدا تەمپەراتۋرا 5 تە 8 سەلتسي گرادۋس تومەندەيدى. كۇن اشىلعاننان كەيىن تارباعاتاي ايماعىنىڭ سولتۇستىگىندە، التاي ايماعىندا، بۇراتالا وبلىسىنىڭ جازىق رايوندارىندا ەڭ تومەنگى اۋا تەمپەراتۋراسى نولدەن تومەن 30 دا 25 سەلتسي گرادۋسقا تۇسەدى، سولتۇستىك شينجياڭداعى باسقا جازىق رايونداردىڭ ەڭ تومەنگى تەمپەراتۋراسى نولدەن تومەن 26 دا 18 گرادۋسقا تۇسەدى، تاۋلى رايونداردا نولدەن تومەن 35 تە 28 سەلتسي گرادۋسقا تۇسەدى.

اۋا رايى تاراۋلارى مىنانى ەسكەرتتى: وسى رەتكى اۋا رايىنىڭ وزگەرىس بارىسىندا قار ۇزاق جاۋادى، ىلە اڭعارى، بۇراتالا وبلىسى، تارباعاتاي ايماعى، ءۇرىمجى قالاسى، سانجى حۇيزۋ اۆتونوميالى وبلىسىنىڭ تاۋلى رايوندارىندا جالپى قار مولشەرى كوپ بولادى، ءىشىنارا جول بولەكتەرىن قالىڭ قار باسادى نەمەسە مۇز قاتادى، قاتىناس – تاسىمالعا ءتيىمسىز ىقپال جاسايدى، قار تازالاۋ دايىندىق قىزمەتى مەن جول قاتىناس حاۋىپسىزدىگىن باسقارۋدى الدىن الا ويداعىداي ىستەۋىن ەسكەرتەمىز.