شينجياڭ اۆتونوميالى رايون دارەجەلى جاراتىلىستىق باقشانى ءبىرتۇتاس باسقارۋ ءتۇزىمىن جاسادى
1 - ايدىڭ 15 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق ورمان شارۋاشىلىعى جانە جايىلىم مەكەمەسىنەن ۇعىسۋىنشا، 2025 - جىلى 2 - ايدىڭ 1 – كۇنىنەن باستاپ «اۆتونوميالى رايون دارەجەلى جاراتىلىستىق باقشالاردى باسقارۋ ءادىسى (سىناق رەتىندە اتقارىلادى)» (تومەندە قىسقارتىلىپ «باسقارۋ ءادىسى» دەلىنەدى) رەسمي اتقارىلادى، بۇل شينجياڭنىڭ اۆتونوميالى رايون دارەجەلى جاراتىلىستىق باقشالاردى باسقارۋ ءتۇزىمىن ءبىرتۇتاس ارناعا ءتۇسىرىپ جاپپاي ورناتقاندىعىنان دەرەك بەرەدى.
«باسقارۋ ادىسىندە» اۆتونوميالى رايون دارەجەلى جاراتىلىستىق باقشالاردى تەكسەرىپ بەكىتۋ، ماماندار باعالاۋ جانە اقىل - كەڭەس بەرۋ، يقۋاتتىق وڭىرلەرگە ءبولۋ، اشۋ قيمىلدارىنىڭ ءتىزىمى، قيمىل جانە قۇرىلعى قۇرىلىسى جونىندە پىكىر الۋ سياقتىلار جونىندە بەلگىلەمە جاسالدى. اۆتونوميالى رايون دارەجەلى تابيعي باقشانى قۇرعاننان كەيىن، اۋماعى جانە فۋنكسيالىق رايونىن رەتتەگەننەن كەيىن نەمەسە كۇشىنەن قالدىرعاننان كەيىن، اۆتونوميالى رايوننىڭ ورمانشىلىق جانە جايىلىم باسقارۋ تاراۋلارىنا جازباشا ۇسىنىس بەرىپ، ماماندار باعالاپ پىكىر بەرگەننەن كەيىن، اۆتونوميالى رايوندىق حالىق ۇكىمەتى بەكىتەدى. بەكىتۋمەن قۇرىلعان اۆتونوميالى رايون دارەجەلى جاراتىلىستىق باقشالاردىڭ كولەمىن جانە كولەمىنىڭ شەكاراسى مەن يقۋات وڭىرلەرىن ءوز بەتىمەن رەتتەۋگە بولمايدى.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
