ايقىندالدى! ورتا، باستاۋىش مەكتەپ وقۋشىلارىنىڭ ءار كۇنگى جالپىلىق دەنە تاربيە قيمىلىنىڭ ۋاقىتى 2 ساعاتتان تومەن بولماۋ كەرەك
جۋىردا، جۇڭگو كوممۋنيستىك پارتياسى ورتالىق كوميتەتى مەن مەملەكەتتىك كەڭەس «وقۋ - اعارتۋدا قۋاتتى ەل قۇرۋ جوبا باعدارلاماسىن (2024 - جىلدان 2035 - جىلعا دەيىن)» باسىپ تاراتقان ءارى ۇقتىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا وتىرىپ مۇقيات دايەكتى تياناقتاندىرۋدى تالاپ ەتكەن.
«باعدارلامادا» مىنالار اتاپ كورسەتىلدى: وقۋشىلاردىڭ اقاۋسىز ەسەيىپ ـ ەرجەتۋىن، جان ـ جاقتى جەتىلۋىن جەبەۋ كەرەك. ساپالى وقۋ - اعارتۋدى ىشكەرىلەي اتقارىپ، ءمورال، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلدىرۋ جۇيەسىن اقاۋسىزداندىرىپ، دەنە تاربيەدەگى، ەستەتيكالىق تاربيەدەگى، ەڭبەك تاربيەسىندەگى ولقىلىقتاردى جەدەل تولىقتاۋ كەرەك. سالاماتتىقتى ءبىرىنشى ورىنعا قويۋ سىندى ءتالىم – تاربيە بەرۋ ۇستانىمىن تياناقتاندىرىپ، وقۋشىلاردىڭ دەنە قۋاتىن كۇشەيتۋ جوسپارىن اتقارىپ، ورتا، باستاۋىش مەكتەپ وقۋشىلارىنىڭ ءار كۇنگى جالپىلىق دەنە تاربيە قيمىلىنىڭ ۋاقىتى 2 ساعاتتان تومەن بولماۋى كەرەك، مەكتەپ اۋلاسىنداعى فۋتبول قۇرىلىسىن كۇشەيتىپ، الىستى كورە الماۋ مولشەرىن، سەمىزدىك مولشەرىن ءونىمدى تىزگىندەۋ كەرەك. مەكتەپتەردىڭ ەستەتيكالىق جاقتاعى ءتالىم - تاربيە ارقىلى نارلەندىرۋ ارەكەتىن ىلگەرىلەتۋ كەرەك. ەڭبەكتى ءسۇيۋ ادەتىن قالىپتاستىرۋ جوسپارىن اتقارىپ، وقۋشىلاردىڭ ىسكە كىرىسىپ امالياتتان وتكىزۋ قابىلەتىن، كۇردەلى ماسەلەلەردى شەشۋ قابىلەتىن جانە قوعامعا ۇيلەسۋ قابىلەتىن جوعارىلاتۋ كەرەك. پسيحيكالىق اقاۋسىزدىق جاعىنداعى ءتالىم – تاربيەنى جالپىلاستىرىپ، بۇكىل ەلىمىزدەگى وقۋشىلاردىڭ پسيحيكالىق اقاۋسىزدىعىن باقىلاۋ - ساقتاندىرۋ جۇيەسىن ورناتىپ، قىزمەت وتەۋ مەحانيزمىن وقۋ كەزەڭىنە ءبولىپ كەمەلدەندىرۋ كەرەك. نەگىزگى زاڭ جانە زاڭمەن باسقارۋ جاعىنداعى ءتالىم – تاربيەنى، مەملەكەت حاۋىپسىزدىگى جاعىنداعى ءتالىم – تاربيەنى، مەملەكەت قورعانىسى جاعىنداعى ءتالىم – تاربيەنى كۇشەيتۋ كەرەك. جاستار مەن ورەندەردىڭ، وقۋشىلاردىڭ كىتاپ وقۋىنا قاتىستى قيمىلداردى ىشكەرىلەي اتقارۋ كەرەك.
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
