شينجياڭ بيىل حالىق تۇرمىسىنا قاتىستى ون ناقتى ءىستى كۇش سالا اتقارادى
انار بۇلت \ شينجياڭ گازەتىنىڭ ءتىلشىسى ليۋ شياڭ حابارلايدى. شينجياڭ ۇيعۇر اۆتونوميالى رايوندىق 14 – كەزەكتى حالىق قۇرىلتايىنىڭ 3 – ءماجىلىسى 1 – ايدىڭ 19 – كۇنى شينجياڭ حالىق قۇرىلتايى سارايىندا اشىلدى. اۆتونوميالى رايوننىڭ ءتوراعاسى ەركىن تۇنياز اۆتونوميالى رايوندىق حالىق ۇكىمەتىنىڭ اتىنان ماجىلىستە ۇكىمەت قىزمەتىنەن بايانداما جاسادى.
سۋرەتتە: شينجياڭ ۇيعۇر اۆتونوميالى رايوندىق 14 – كەزەكتى حالىق قۇرىلتايىنىڭ 3 – ءماجىلىسى 1 – ايدىڭ 19 – كۇنى شينجياڭ حالىق قۇرىلتايى سارايىندا اشىلدى. انار بۇلت \ شينجياڭ گازەتىنىڭ ءتىلشىسى لي رۇي فوتوسى
باياندامادا مىنالار ايتىلدى: شينجياڭ الدا بيىل تۇراقتاندىرىلعان تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن رەتتەۋ - وڭالتۋ، وڭتۇستىك - سولتۇستىك شينجياڭ تابيعي گاز ارقىلى حالىققا تيىمدىلىك جەتكىزۋ قۇبىرىن كەڭەيتىپ سالۋدىڭ 2 - مەرزىمدىك ينجەنەرياسى، ەڭبەكشىلەرگە جۇمىستانۋ جاعىندا قامقورلىق جاساۋ جانە كومەكتەسۋ، ورتا - باستاۋىش مەكتەپ وقۋشىلارىنا سالاماتتىق جاعىندا قامقورلىق جاساۋ، وتباسىندا قيىنشىلىعى بار مۇگەدەك بالالاردى ساۋىقتىرۋ جانە ولارعا كومەكتەسۋ، الەۋمەتتىك اۋماقتا قارتتاردى وتباسىنا بارىپ كۇتىمدەۋ جاعىندا قىزمەت وتەۋ، قالا - اۋىلداعى قيىنشىلىعى بار جۇرتشىلىققا زاڭدىق كومەك بەرۋ، سيفرلاندىرۋ ارقىلى حالىققا قولايلىلىق جاساپ، كاسىپورىندارعا تيىمدىلىك جەتكىزۋ، قالا مەن اۋىلداعى كونەرگەن نەگىزدىك قۇرىلعىلاردى جاڭالاۋ - قايتا سالۋ، عىلىم – تەحنيكا، مادەنيەت، دەنە تاربيە ارقىلى حالىققا تيىمدىلىك جاساۋ قاتارلى حالىق تۇرمىسىنا قاتىستى 10 ناقتى ءىستى كۇش سالا اتقارادى. ءار دارەجەلى ۇكىمەت ورىندارى حالىق تۇرمىسىنا تيىمدىلىك جاسايتىن، جۇرتتى مەيىرگە بولەيتىن، حالىق تىلەگىنە ساي كەلەتىن ناقتى، يگى ىستەردى كوبىرەك ىستەۋى، سونىمەن بىرگە، جۇرتشىلىقتىڭ مۇددەسىنە زيان جەتكىزەتىن ارەكەتتەردى قاتاڭ تەكسەرۋى جانە جازالاۋى، حالىققا تيىمدىلىك جاساۋ شارالارىن ادىلدىكپەن اتقارىپ، جالپىعا ءتيىمدى بولۋىنا شىنايى كەپىلدىك ەتىپ، ءار ۇلت بۇقاراسىنىڭ تۇرمىس ساپاسىنىڭ كۇن سايىن جوعارىلاۋىنا، باقىتتى تۇرمىستىڭ نەگىزىنىڭ اناعۇرلىم نىعايۋىنا مۇمكىندىك جاساۋى كەرەك!
حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
