سىرتقى ىستەر مينيسترلىگى جۇڭگونىڭ ا ق ش – تىڭ جاڭا ۇكىمەتىنەن كۇتكەن ءۇمىتىن تىلگە تيەك ەتتى
سىرتقى ىستەر مينيسترلىگىنىڭ مالىمدەمەشىسى ماۋ نيڭ 1 – ايدىڭ 20 - كۇنى كەزەكتى تىلشىلەر جينالىسىندا جۇڭگونىڭ ا ق ش ـ تىڭ جاڭا ۇكىمەتىنەن كۇتكەن ۇمىتىنە قاتىستى سۇراۋلارعا جاۋاپ بەرگەندە بىلاي دەدى: جۇڭگو مەن ا ق ش سەلبەسسە ەكى جاققا دا ءتيىمدى، سايىسسا ەكى جاققا دا زياندى، مۇنى جۇڭگو - ا ق ش قاتىناسىنىڭ دامۋ تاريحى بىزگە ايتىپ وتىر. جۇڭگو باستان ـ اياق ورنىقتى، اقاۋسىز، باياندى داميتىن جۇڭگو ـ ا ق ش قاتىناسى ەكى ەلدىڭ ورتاق مۇددەسىنە جانە حالىقارالىق قوعامنىڭ تىلەگىنە ۇيلەسەدى دەپ قارايدى.
ماۋ نيڭ بىلاي دەدى: جۇڭگو ا ق ش ـ تىڭ جاڭا ۇكىمەتىمەن ءوزارا قۇرمەت ەتۋ، بەيبىت قاتار تۇرۋ، سەلبەسىپ تەڭ يگىلىككە كەنەلۋ پرينسيبىن ۇستانىپ، تىلدەسۋدى، قارىم ـ قاتىناستى كۇشەيتىپ، الاۋىزدىقتاردى ۇيلەسىمدى تىزگىندەپ، ءوزارا ءتيىمدى سەلبەستىكتى كەڭەيتىپ، جاڭا داۋىردەگى جۇڭگو مەن ا ق ش ـ تىڭ دۇرىس قارىم ـ قاتىناس جولىن اشىپ، ەكى ەلگە باقىت جاراتىپ، دۇنيە جۇزىنە تيىمدىلىك جاساۋدى قالايدى.
اۋدارعان: مانەپ ەربول ۇلى
دايىنداعان: مانەپ ەربول ۇلى
كەلۋ قاينارى: حالىق تورابى
