![]()
نولدەن تومەن 44 سەلتسي گرادۋسقا تۇسەدى! شينجياڭنىڭ بۇل جەرىندە قاقاعان اياز بولادى!
1 – ايدىڭ 23 – كۇنىنەن 25 – كۇنىنە دەيىن شينجياڭنىڭ التاي ايماعىندا ەرەكشە كۇشتى سۋىق اعىس بولىپ، تەمپەراتۋرا جاپپاي 15 تە 22 سەلتسي گرادۋس تومەندەيدى. اۋا رايى تاراۋلارى جۇرتشىلىق پەن ساياحاتشىلارعا سۋىقتان ساقتانۋعا، جىلۋلىق ساقتاۋعا كوڭىل ءبولۋدى، جۇما، سەنبى كۇندەرى قاجەتسىز سىرتقا شىعۋ قيمىلدارىن ازايتۋدى، قاتىستى تاراۋلاردىڭ مىندەت جاۋاپكەرشىلىگى بويىنشا ساقتانۋ، توتەپ بەرۋ قىزمەتىن ويداعىداي ىستەۋىن ۇسىنىس ەتتى.1 – ايدىڭ 20 – كۇنگى التاي ايماقتىق اۋا رايى ستانسياسىنىڭ مالىمەتىنە قاراعاندا، الداعى بەيسەنبىدەن سەنبىگە دەيىن التاي ايماعىندا بيىل قىستان بەرگى تۇڭعىش رەت وڭىرلىك سيپاتتى ەرەكشە كۇشتى سۋىق اعىس بولادى ءارى بيىل قىستاعى ەڭ كۇشتى سۋىق اعىس بولادى، اۋا تەمپەراتۋراسى جاپپاي 15 تە 22 سەلتسي گرادۋس تومەندەيدى. مەجەمەن، التاي ايماعىنداعى وزەن اڭعارلارىنىڭ، جازىقتاردىڭ ەڭ تومەن تەمپەراتۋراسى نولدەن تومەن 27 دە نولدەن تومەن 30 سەلتسي گرادۋسقا تۇسەدى، تاۋ بوكتەرى وڭىرلەرىندە نولدەن تومەن 30 دا نولدەن تومەن 35 سەلتسي گرادۋسقا تۇسەدى، تاۋلى وڭىرلەردە نولدەن تومەن 35 تە نولدەن تومەن 39 سەلتسي گراۋسقا تۇسەدى، بۋىرشىن اۋدانىنىڭ قوم اۋىلىندا نولدەن تومەن 44 سەلتسي گرادۋسقا تۇسەدى، كوكتوعاي اۋدانىنىڭ تۇرعىن اۋىلىندا نولدەن تومەن 43 سەلتسي گرادۋسقا دەيىن تومەندەيدى.بۇدان سىرت، مەجەمەن 1 – ايدىڭ 22 – كۇنى كەشتەن 23 – كۇنى تۇستەن بۇرىنعا دەيىن التاي ايماعىنىڭ سولتۇستىك بولەگىندە، شىعىس بولەگىندەگى تاۋلى وڭىرلەردە ورتاشا قار جاۋادى، 1 – ايدىڭ 22 - كۇنى تۇندە التاي ايماعىنىڭ كوپ جەرىندە قيىس باتىستان 6 دا 7 بال بوران سوعادى، بۋرىلتوعاي اۋدانىنىڭ ۇلىڭگىر كولى رايونى قاتارلى جەرلەردە جەل كۇشى 8 دە 9 بالعا جەتەدى ءارى ۇقساماعان دارەجەدە قارلى بوران سوعادى. مۇنىڭ ىشىندە بۋىرشىن اۋدانى قوم اۋىلىنىڭ كوپ بولەگىندە قالىڭ قار جاۋادى.حاباردى دوستارىڭىزعا، توپتارىڭىزعا جولداپ، حالىق تورابىنا قولداۋ كورسەتىڭىز!
اۋدارعان: نۇرعيسا قۇرمانجان ۇلى
دايىنداعان: نۇرعيسا قۇرمانجان ۇلى
كەلۋ قاينارى: حالىق تورابى
![]()
